Miamun 32

1 Yakop ibinigi irut utupan yuriê da imingê sanaban ifan da Anutu angira gan utup mangan iwaê da arangan imingê sanab igi. 2 Yakop itsanga da ini, “Mumai aruani isu Anutu gampan singaari.” Ibinigi da Yakop ifaringê i binganggan Mahanaim, wainggan ibiani, ‘gamp singaari iruêrun’. 3 Gubuê arigi da Yakop rainggan Isau impa imingê intap Seir, bingan mangan Idom. Yakop itangin garaman uda sisingê imungê ifan da arangan rainggan Isau. 4 Yakop ini da garam uda sisingê i uda arangan nifunggan fadan da nidan da Isau bida ani, “Garam tsiraê Isau, gam garam gumam Yakop itangin nan bida ani, ‘Dzi rut gayangê Laban impai iba isangê bawaêan da aruani. 5 Dzi sangê i makau, dongki, dumpa da nuning, garam gum da sagat gum. Aruani da dzi tangin nan ibiaê da dzi garam tsiraê gangê agu da dzi gaib runggangê da agu i u maram arida i dzi.’" 6 Da gubuê garam rima sisingê tipa bawaêan da Yakop da ini binaê, “Aga yu sisingê ifan da u rainggam Isau da aruani da arangan imingê sanab iba i tsanganda agu, da garam 400 irut arangan iba." 7 Yakop iringant i nan igi da irat nidzun angu da wangun ibarabin da maran ifur nan iyus. Ibinigi da arangan itsaf gan garaman santan ruta arangan badan ugu isu utup iruêrun da itsaf dumpa da nuning, makau da kamir isangê utup iruêrun ibinigi. 8 Arangan maran ifur ibiani, “Bida Isau badan da ruta utup mangan isa ruan da wangidan da utup mangan isangê runtan." 9 Da Yakop yugin ibiani, “O dzi rumpunggangê Abraham da ramanggangê Isak Anutu gan. O Yawe, agu ni da dzi ibiani, ‘Watip wafa gampam wain da gam utupam, da dzi bungê ampa tayangê agu da nanang u nanggam mpadan nawaê ngarubini angu.’ 10 U garam gumam dzi ani wadaum i u nanggam maram aridan da mpada tayangê dzi da gubuê santan. Gubuê aru dzi isa mpui Yordan ani udziê ugu da dzi ba bangi sasaêâ dzi gif itipangê angu. Da bitsintaê aruani dzi tip iba impruê da utupangê iruêrun. 11 O Yawe, warim dzi sib i dzi rat i dzi rainggangê Isau bungê aba da nais dzi nampruê da sagat da mamaê narun santan. 12 Da bitsintaê u ni da dzi sib ibiani, ‘Dzi bungê ampa tayangê agu da nanang u nanggam mpadan nawaê ngarubini angu, da nautus u yangin rusam nayus nasangê sasanuai mingêa uruts ringan, da garam gar mangan wasangê i farisan fantsupa sib u.’" 13 Gingêa arigi da idziang, da pisan da arangan irants nam riman da rainggan Isau: 14 nuning rinan 200 da nuning arapuê 20, dumpa rinan 200 da dumpa arapuê 20, 15 kamir rinan 30 ruta narun ruas, makau rinan 40 da makau arapuê 10, dongki rinan 20 da dongki arapuê 10. 16 Arangan itangin garam guman imunti isangê apu gan utup utup igi santan i mungêa gin da ini binaê, “Agam wayu apu ani da wamungê wafa i dzi da wayung da watangin taptap i ruam." 17 Yakop isantingê nan da garam guman mungêa miamun ibiani, “Gubuê dzi rainggangê Isau bawaêan da agu da guta i agu, ‘Manga garam guman agu, da agu fa anungê, da manga apu gan ani?’ 18 Da wani wabiani, ‘Yakop, u garam gumam, apu gan sib ani. Da itangin iba da agu, dzi garamangê tsiraê Isau, i suda u nanggam. Da arangan rungê iyung imingê bampan i agai.’" 19 Da rungê ini nan ibinigi da garam gum atsungêa ba da mingêa wasaê ibinigi angu ifan isangê garam gum santan, “Agam wani nan bitsintaê aru dzi nidan da agam igi da gubuê agam waêan da arangan. 20 Da wani nan wasi rutin nabiani, ‘U garam gumam Yakop rungê imingê bampan iba i agai.’” I arangan maran ifur ibiani, “Bida dzi tanginda nam ani mungêan da dzi bungê arasu arangan wangu tsakia gan mungê ugu. Da gubuê arangan bawaêan da dzi da maran bungê asamu wangu tsakia gan igi, da nugun bungê anuf i dzi da nau dzi nayab." 21 Ibinigi da Yakop itangin apu rima suda Isau gan ugu imungê ifan. Da idziang arigi da arangan rungê igingê mumai igi. 22 Idziang arigi da Yakop yuriê da iyu finin rusan iruê da sagat guman iruê igi impruê da narun rusan marub 11 da yis mpui Dzabok udziê ifa marafain. 23 Arangan itangin ribigi ifa sib marafain da itip iba da ini da garam gum i uda nam bunump santan fada marafain mpruêan. 24 Yakop runtaê rungê impai nigi da garam mangan iwaê rutin, da irut impung ruan da idabir i ruan i ruaêa ruêan isangê gubuê pisan. 25 Garam igi itsangan i arangan wasangê i dabira i Yakop da yis Yakop ngump marafain da igruê ruan. 26 Da garam igi ini da Yakop, “Watangin dzi da dzi nafan. Gubuê inang i pisan.” Da bitsintaê Yakop idudunting i arangan da irim udzungê da arangan ini binaê, “Wasangê u! Bida u fintida dzi sib da dzi bungê atangin bangingê rai i agu da wafan." 27 Ibinigi da garam igi igut i arangan ini binaê, “U binganggam wai?” Da arangan ini binaê, “Dzi binganggangê Yakop." 28 Da garam igi ini binaê, “Wasangê i rung faringêa u binganggam Yakop u. I u su gudzu uris da Anutu da garam gar impruê. Da u yus. Ibinigi da aruani da bungê afaringê agu binganggam nabi Israil (wainggan ibiani, ‘isu gudzu uris da Anutu’)." 29 Da Yakop igutin, “Da isangê i u nida binganggam wasi da dzi?” Da bitsintaê garam igi ini binaê, “Wain idzuwai da u gut i dzi i dzi binganggangê?” Da ifinti Yakop i nigi. 30 Ibinigi da Yakop ifaringê gamp arigi binganggan Penuel (wainggan ibiani, ‘Anutu maranggan’) da ini, “Dzi tsangan Anutu maran i mara nidzunggangê rururungan, da dzi rungê impa marataê." 31 Gubuê iyab iba da Yakop itangin Penuel rai da intsungê i fagan ifan, i wain iruê arangan ngump marafain igruê ruan. 32 Ibinigi da gubuê aruani da garam Israil anungê iga apu far mingêa ngump u, i wain iruê arangan yis Yakop far mingêa ngump ugruê.