Romanos 4

1 Tees orzeê ¿lac ñuu niin nu nac mod nu bzac gyitoo bel ne̱ de̱ Abraham? 2 Benu ñgyanap yu par lo Ãgyoozh nu nac de coz nu bicy ziêl yu, orzeê ñgyac ñgyicy leêy. Tees par lo Ãgyoozh wac gyicy leêy. 3 Gal nu rnii riidz ni Ãgyoozh: “Abraham bicy cup yu consuel lo Ãgyoozh, nunu par nu nac ndeê, Ãgyoozh bicy mi yu par mbecy nu sac cyi”, rniiñ. 4 Benu tub mbecy gyicy yu riiñ, orzeê yad ñi niy nu gyad iy. Iy, ndeê walab nu leew la gyabic dey ñi, sinu ndeê coz nu gyicy yu gan. 5 Na yuê mbecy nu ricy cup yu consuel lo Ãgyoozh par nu gyanap yu lom, nunu walab nu rgyish loy lo de coz nu ricy yu. Yu zeê ricy cup yu consuel lo Jesuuz, biñ nu rnii nu caacy mbecy mas yuê cyiy. Ãgyoozh ricy mi yu zeê par mbecy nu sac cyi nu nac nu ricy cup yu consuel lom. 6 Ndeê yaruuñ gal nu yaruu riidz ni Dabi ornu pcaay nu dzi ni de mbecy benu Ãgyoozh gyicy mi yu par mbecy cacy mas lac ziêl na coz nu bicy yu. 7 I mod za riidz zeê: ¡Dzi ni de mbecy benu gyicy sulagy Ãgyoozh ni de cyi nu bicy yu! ¡Dzi ni de mbecy benu soow sum lo de cyi nu ricy yu! 8 ¡Dzi ni de mbecy benu wagriib cuen mi de cyi nu ricy yu!, rniiñ. 9 Dabi mniiy nu mas nac yu mbecy nu ca beey sircunsision o mas nac yu mbecy nu wanca beey sircunsision, tees dzi niy, gun rniiñ nu Ãgyoozh bicy mi yu par mbecy nu sac cyi nu nac nu bicy cup yu consuel lom. Gal nu bi cañ: “Abraham bicy cup yu consuel lo Ãgyoozh, nunu par nu nac ndeê, Ãgyoozh bicy mi yu par mbecy nu sac cyi”, rniiñ. 10 ¿Tees gul bicy mi Abraham par mbecy nu sac cyi? ¿A despuees uti anzir nu pca beey sircunsision cuerp niy? Ndeê bicy Ãgyoozh anzir nu ca beey sircunsision cuerp niy. 11 Despuees, pcaay beey sircunsision cuerp niy par tub muesht par nu gabe nu Ãgyoozh bicy mi yu par mbecy cacy nu nac nu ricy cup yu consuel lom. Ni bicy mi lat nu nigul ca beey sircunsision cuerp niy. Orzeê Abraham nay gal nu na uz de yu nu ricy cup consuel lom, mas wancaa dey beey sircunsision cuerp niy. Nunu Ãgyoozh niê ziêl gyicy mi dey par mbecy cacy. 12 Niê Abraham nay gal nu na uz de yu nu ca beey sircunsision zeê, benu walab tub lo ziêl nu ca beey sircunsision cuerp ni dey, sinu niê ziêl ricy cup dey consuel lom gal nu bicy cupa̱ê gyitoo bel ne̱ de̱, Abraham consuel lom anzir nu ca beey sircunsision cuerp niy. 13 Ãgyoozh mniim lo Abraham gal nu lo de nez yu nu segur la zeeñ mi dutuub la gyishlombecy yaa dey. Walab nu nac nu ricy yac yu ni leey, ndeê nu ni mniim, sinu ni mniim, gun bicy mi yu par mbecy nu sac cyi nu nac nu bicy cup yu consuel lom. 14 Tees benu gyiyeeñ dela coz tub ziêl yaa de mbecy nu ricy yac ni leey zeê, orzeê se la la sac ñi benu tub mbecy ricy cup yu consuel lom. Orzeê se la la sac de riidz nu mniim zeê. 15 Par nu nac leey zeê, Ãgyoozh cuic mi cashtig ni de mbecy. Tees benu sac leey, niê sac cyi nu cha contr niñ. 16 Orzeê Ãgyoozh mniim riidz zeê lo Abraham nu nac nu bicy cup yu consuel lom, gun orzeê de coz nu mniim zeê leew la cuic mi ñii ni de nez yu, nunu segur la cuic mi ñii ni dey. Walab tub lo ziêl nu cuic mi ñii ni de yu nu ricy yac ni leey zeê, sinu cuicaêm ñii ni de yu nu ricy cup consuel lom gal nu bicy cupaê Abraham consuel lom. Yu zeê, nac yu uz dela den par lo Ãgyoozh, 17 gal nu rniiñ lat de riidz nim: “Ya̱ gyicya̱ nu nar gal nu na tub uz zañ nac mbecy, na Ãgyoozh rab mi Abraham.” Ni rniiñ. Orzeê Abraham nac yu uz den par lo Ãgyoozh, biñ nu ricy cup yu consuel lo. Nunu mi zeê biñ nu gyicy nu gyabañ mbecy nu bi gut. Nunu ornu rniim, orzeê gruu zac coz nu sac de anzir. 18 Abraham bicy cup yu consuel lo Ãgyoozh, nunu briish loy lo de riidz nu mniim, mas rlyu nu wac gal nu mniim. Orzeê nu nac ndeê byac yu uz zañ nac mbecy. Gal nu mnii Ãgyoozh: “I la tant nez ru gyac”, nam rab mi yu. 19 Tiem zeê sac iêñ yu, nunu bi yuêy tub gaynal ñaên. Tees wanchecay nu bicy cup yu consuel lom ornu gush yu shcab nu cuerp niy bi zuu lañ nu gat ñi. Nunu wanchecay nu bicy cup yu consuel lom ornu gush yu shcab nu bi bded tiem nu gaal Sara niy mdoo. 20 Wanchecay nu bicy cup yu consuel lom, nunu ni wannii la tooy nu Ãgyoozh wagyicy mi gal nu mniim, sinu dzi zir bicy cup yu consuel lom, nunu byabic yu gyel mbecy nim. 21 Bguugy nap la lardooy nu gac gyicy Ãgyoozh gal nu mniim nu segur la gyicy mi. 22 Ndeê nu bicy mi yu par mbecy nu sac cyi par nu nac nu bicy cup yu consuel lom. 23 Nunu zeê nu rniiñ, “Nu bicy mi yu par mbecy nu sac cyi nu nac nu bicy cup yu consuel lom”, ndeê wancañ par Abraham ziêl, 24 sinu niê pcañ par de ub na, gun niê ziêl bicy mi de ub na par mbecy nu sac cyi nu nac nu ricy cup den consuel lo Ãgyoozh, biñ nu bicy nu byabañ Shuaan den Jesucrisht ornu gut mi. 25 Mi zeê byuêm yaa mbecy par nu cut dey mi nu nac cyi den. Nunu byabañ mi par nu gyicy mi nu gyanap den par lo Ãgyoozh.