Romanos 3

1 Dzi ga grusu tub mbecy nu niiy: “¿La ñuu cyiiñ ñi ni tub mbecy benu nac yu mbecy Israeel? ¿La ñuu cyiiñ ñi niy benu ca bee sircunsision cuerp niy?” niiy. 2 Ca ni gaal cyiiñ ñi, gun Ãgyoozh bzeeñ mi riidz nim yaa de mbecy Israeel. Nunu ndeê coz nu ricy zir ñi presis. 3 Yuê mbecy nu wangyicy paay, tees se la la nu ndeê. Par nu nac ndeê, ¿a wagyicy paa Ãgyoozh, rzii der? 4 Ãgyoozh segur la ricy paam. Mas dela mbecy rguu dey, tees mi zeê segur la ricy yac mi gal nu rniim, gun lat de riidz nim rniiñ: Ãgyoozh, ru segur la gad lagy mbecy nu rishli rniir. Ornu mbecy cugyiêy ben a rishli rniir, segur la gruu nap ru, rniiñ. 5 Tees dzi ga grusu tub mbecy nu niiy: “Benu de ub na shiñ gyicy na, orzeê nap zir rad lagy mbecy nu Ãgyoozh nap ricy mi. Orzeê ¿a shiñ ricy mi ornu rbic mi cashtig nin?” (Ya̱ rne̱e̱ mod nu rnii cualcyer la mbecy.) 6 Rila a̱ê shiñ ricy mi. Benu wagyicy mi coz nu seêñ, orzeê ¿lac mod gri beem ni de mbecy nu yuê gyishlombecy? 7 Beni orzeê dzi ga grusu tub mbecy nu niiy: “Benu ya̱ gu̱u̱, orzeê nap zir rabee gyel lily ni Ãgyoozh, gun mi zeê rishli rniim. Orzeê ¿lagu gaal nu dzi rniim nu ya̱ naca̱ mbecy cyi? 8 Dela den rlagy ñi nu gyicy na coz a̱ê nap, gun orzeê gruu zac coz nap”, rnii dey. Yuê mbecy nu rnii ziy ne̱. Rnii dey nu ni mod za riidz nu rlyu̱u̱. Ãgyoozh nap ricy mi ornu rniim nu yuê falt ni dey. 9 Orzeê ¿lac beni? ¿A nap zir nu nac de ub na mbecy Israeel gazeê tub nacaê mbecy? ¡Walab! De ya̱ bi pshaala̱ lo der nu de mbecy Israeel gal nu de mbecy nu walab mbecy Israeel, tub ziêl nu yuê cyi dey. 10 Ni rnii riidz ni Ãgyoozh zeê nu rniiñ: ¡Par Ãgyoozh, sac ni tub mbecy nap! ¡Sac ni tub yu! 11 Sac mbecy nu yet lag cuen de coz ni Ãgyoozh. Ni sac yu nu ryub Ãgyoozh. 12 Dela mbecy bruu chu dey lo Ãgyoozh. Dela dey gudzay. ¡Rila sac yu nu ricy coz nap! ¡Sac ni tub yu! 13 Shiñ na ruê dey. De riidz nu driib gyeryeñ dey tonaê la bag nañ. Nañ gal nu na tub gyerbaa nu naal ruê. Nu lyudz dey rguuy. Du ub riidz dañ ziêl driib lo gyid ruê dey. Nañ gal nu na benen ni bily. 14 Zaab rzaa la lagy dey ni losaêy. Nunu zaab rnii la dey riidz a̱ê nap. 15 Dzach zu dey par nu cut yu losaêy. 16 Dela zeê nu rded dey, rnu dey, nunu rzac deet dey. 17 Wagad lagy dey lac mod par nu nap chesa nu dey losaêy. 18 Wagnii la too dey nu ca lagy yu lo Ãgyoozh, rniiñ lat de riidz nim. 19 Na rad lagy den nu dela coz nu rnii leey nu bzeeñ Moisees, ndeê par de mbecy nu riib ic leey zeê, gun orzeê checa de mbecy nu rniiy lagu nu sac falt ni dey, nunu nu nac leey zeê nii Ãgyoozh nu yuê falt ni dela mbecy nu yuê gyishlombecy. 20 Gun sac ni tub mbecy nu gyanap yu par lo Ãgyoozh nu nac nu gyicy yac yu ni leey zeê, sinu leey zeê cyiiñ ñi par nu gad lagy dey nu yuê cyiy. 21 Tees na Ãgyoozh rbic mi nu gad lagy den lac mod gyanap na lom, nunu mod zeê, ndeê walab nu nac nu ricy yac den ni ca na tub leey. Tees de riidz ni leey, gal nu de riidz ni de yu nu mnii por cuen ni Ãgyoozh rzat ñi mod zeê. 22 Ãgyoozh gyicy mi nu gyanap den lom nu nac nu gyicy cup den consuel lom. Ni gyicy num dela mbecy nu gyicy cup consuel lom, gun dela mbecy tub ziêl mod nu na dey. 23 Gun dela mbecy bicy dey coz cyi, nunu a̱ê yad ñi ni dey nu zac yu lo gyel lily nim. 24 Tees leew la ricy mi faboor num den nu gyanap na lom, nu nac Jesucrisht, biñ nu briish cyi den. 25 Ãgyoozh bzuu nez mi Jesucrisht, gun nu nac nu pshu reñ mi, orzeê bicy sulagy mi dela cyi den. Ni bicy mi par dela den nu nac nu ricy cup den consuel lom. Ãgyoozh bicy mi ndeê par nu gabe nu dzi seêñ ricy mi. Gulas Ãgyoozh bicy cup mi pase̱z num den, nunu wangyicy cuen mi cyi nu bicy den. 26 Tees na zaê lom dela cyi mbecy, gun orzeê gabe nu seêñ ricy mi, nunu rzu nap mi de mbecy nu ricy cup consuel lo Jesuuz. 27 Orzeê wad la mod nu gyicy lily mbecy ub yu. Orzeê ¿lagu? Ndeê gun gyanap dey par lo Ãgyoozh walab nu nac nu gyicy yac dey coz nu rnii leey, sinu nu nac nu gyicy cup dey consuel lo Jesuuz. 28 Orzeê ndeê nu rad lagy den nu de mbecy gyanap dey lo Ãgyoozh tub lo ziêl nu nac nu gyicy cup dey consuel lo Jesuuz, nunu walab par nu nac nu gyicy yac dey nu de coz nu rnii leey. 29 Ãgyoozh, ¿a nac mi Ãgyoozh ni de mbecy Israeel ziêl? ¿A walab nu nacaêm Ãgyoozh ni de mbecy nu walab mbecy Israeel? Rishli gaal nac mi Ãgyoozh ni dela mbecy nu walab mbecy Israeel. 30 Gun sac cyuê zir, sinu tub zi la Ãgyoozh. Nunu gyicy mi nu gyanap de mbecy nu ca beey sircunsision cuerp ni lom nu nac nu gyicy cup dey consuel lo Jesuuz. Niê ziêl de mbecy nu wanca beey zeê cuerp ni, gyanapaê dey lom nu nac nu gyicy cup dey consuel lom. 31 Orzeê beni, ¿a rlagy ñi nu neê den leey zeê nu nac nu gyicy cup na consuel lo Jesuuz? ¡Walab! Lugaar nu neê den leey zeê, rlagy ñi nu nap zir gyicy dun ñii.