San Lucas 20

1 Tub dzi Jesuuz rim nañ yuê nu driib zily mbecy Ãgyoozh. Rlyuum ni de mbecy nunu rshaal mi de riidz nu rbic gyel mbañ. Gazeê nu bruêña de yu nu riib ic de uz, nu de yu nu rlyuu leey ni Ãgyoozh, gal nu de yu bel ni de mbecy Israeel. 2 Gazeê nu na dey rab yum: â¿La na rishbeey ricy cup ru nu ricy ru de coz ii? ¿Cyu briic rishbeey zeê nir? âna dey. 3 Orzeê na gaê Jesuuz: âNiê ziêl ya̱ dugyi̱ê ga̱ê tub coz lo der. Mnii lo̱: 4 ¿Cyu bzuu nez Waa nu guay briib nis yu mbecy? ¿A Ãgyoozh bzuu nez mi yu, uti mbecy? ânam. 5 Orzeê brugyiê nu ro dey riidz nu losaêy. Orzeê na dey: “Benu niin nu Ãgyoozh bzuu nez mi yu biid yu, orzeê niiy: ¿Lagu wancheña lagy der de riidz nu mniiy, beni?, niiy. 6 Nunu wac niin nu mbecy bzuu nez dey yu, gun dzi ga cut mbecy de ub na nu gyitaê, gun dela dey rzu fert dey nu Waa mniiy por cuen ni Ãgyoozh”, na dey. 7 Orzeê ndeê nu mnii dey nu wangad lagy dey cyu bzuu nez Waa nu griib nis yu mbecy. 8 Orzeê Jesuuz nam rab mi dey: âBenu ni, niê ya̱ wane̱e̱ la rishbeey ricy cupa̱ nu ricya̱ de nu nii ânam. 9 Gazeê nu lueg la Jesuuz brugyiê rniim nu riidz tiily lo de mbecy. Orzeê nam rab mi dey: âBzu tub mbecy nu mnuuz tub nac lyucy urbyay. Gazeê nu briic yu nu ndeê par coz cyaal ni tuubaê mbecy. Gazeê nu gush nez yu zay byaj tuñ tiem. 10 Na ornu byap tiem nu dulag urbyay zeê na, orzeê bzuu nez yu tub moz niy lo de yu nu gush coz cyaal zeê par nu cha gyiy ca na de coz nu bruu lo de lyucy urbyay zeê, ca na nu dugyiy. Tees de yu zeê bgaaz dey moz zeê nunu dzi lay bzuu nez dey yu yay. 11 Orzeê gazeê nu yu nu guni lyucy urbyay zeê bzeed yu tuubaê moz niy. Tees niê ziêl yu zeê mnii zi dey niy, nunu bgaaz dey yu, nunu niê ziêl dzi lay bzuu nez dey yu yay. 12 Gazeê nu bzeedaê yu nu guni lyucy urbyay zeê tuubaê moz. Orzeê yu zeê pcad güii dey yu, nunu bloo dey yu lat lyucy urbyay zeê. 13 ‘Laab ndeê la, orzeê na yu nu guni lyucy urbyay zeê: “Zeê na, ¿lac gyicya̱? Orzeê ya̱ zeeda̱ iêña̱ nu dzi rca̱ nu chay lo dey. Ca gaal lagy dey loy, gun yu re iêña̱”, nay. 14 Tees ornu de yu zeê bzaac dey iêñ yu nu guni lyucy urbyay zeê, orzeê na dey rab yu losaêy: “Yu re gyeñ nuy gyel nap ni uz yu. Yaa der chan dut nay, gun orzeê gyeñ gyel nap zeê ni den”, na dey. 15 Orzeê bduê yaa dey yu zeê. Bloo dey yu lat lyucy urbyay zeê. Orzeê biit dey yu. ‘¿Na lac gyicy yu nu guni lyucy urbyay zeê nu de yu nu mnuuz coz cyaal zeê rsaê lagy der? 16 Na chay cut yu dela yu nu mnuuz coz cyaal zeê. Orzeê zeeñ yu lyucy urbyay zeê yaa reñaê mbecy ânam rab mi dey. Na ornu güeñ dey de coz nu mniim zeê, orzeê na dey: â¡Cueê nu ni gac ñii! âna dey. 17 Orzeê Jesuuz bgüiim lo dey. Orzeê nam rab mi dey: âBeni lac mod yaruu de riidz ni Ãgyoozh zeê nu rniiñ: Gyitaê nu mneê biryu, byac ñi gyitaê nu ricy zir ñi presis rniiñ. 18 Cyu ziêl mbecy nu gyes saa lo gyitaê zeê, orzeê gzug lay. Zeê benu gyitaê zeê gyet lag ñi too ca na mbecy, orzeê gyagyez la mbecy zeê ânam. 19 Orzeê de uz zub lo gal nu de yu nu rlyuu leey ni Ãgyoozh ngulagy dey nguê yaa dey Jesuuz laab or la zeê, gun gud lagy dey nu lo dey pcaam ornu mniim riidz tiily zeê. Tees wancuê yaa dey mi, gun rdzib dey lo de mbecy. 20 Orzeê psiiñ dey ni Jesuuz. Orzeê bzuu nez dey la be mbecy nu chay lom. Orzeê mbecy zeê bicy dey tub mod nap par lo Jesuuz, tees gal nu bduê cuen ziêl dey mi ben a wad mod nu guê dey mi yaa de yu nu riib ic por cuen ni gubier. 21 Orzeê na dey rab yum: âMasht, de̱ ya̱ rad lagy de̱ nu de coz nu rniir gal nu de coz nu rlyuur, ndeê coz rishli, nunu wagyicy cuen ru la na tub ga mbecy, sinu rlyuur mod nu rlagy Ãgyoozh nu chuê den nu rishli. 22 ¿A gruu nap ñi nu griib den tiñ nu rbic dey ni yu nu riib ic de nasyoong, uti waruu nap ñi? âna dey. 23 Tees Jesuuz bi gud lagy mi nu walab nu dutuub la lardoo dey rniiy lom. 24 Orzeê nam rab mi dey: âBlyuu der tub tiñ lo̱. ¿Cyu nab ca lo tiñ ii? Nunu ¿cyu nu la ca looñ? ânam. Orzeê na dey: âLo César, yu nu riib ic de nasyoong, gal nu nu lay âna dey. 25 Gazeê nu nam rab mi dey: âBriic der ni yu nu riib ic de nasyoong coz nu nac niy. Nunu briicaê der ni Ãgyoozh coz nu nac nim ânam. 26 Orzeê wangad mod nu riib dey cyi ic mi nu nac de coz nu mniim lo dela mbecy, sinu se za nu ziêl ic dey yuêy. Orzeê wannii gaê la dey. 27 Gazeê nu gua la be mbecy saduceo gua güii dey Jesuuz. Na de mbecy saduceo rnii dey nu ornu gat mbecy, orzeê wayabañ dey. Orzeê ndeê nu bdugyiê dey lo Jesuuz. Orzeê na dey rab yum: 28 âMasht, Moisees pcaay par dela den nu benu tub mbecy gat bicy yu, nunu zeeñ yu mñaay, zeê sac iêñ mi, orzeê mbecy zeê rlagy ñi chelaay mñaa bicy yu nu gut zeê par nu cuic yu iêñ mi por cuen ni bicy yu yu nu gut zeê, na Moisees. 29 Orzeê bzu gagy mbecy nuy bicy yu. Orzeê yu loga la guud mñaay. Orzeê gut yu nunu wangyeeñ iêñ yu ni mñaay. 30 Orzeê yu cyup zeê pchelaa gaêy mi. Orzeê niê ziêl gutaêy, nunu wangyeeñ iêñ yu ni biñ mñaa zeê. 31 Orzeê niê ziêl yu chon pchelaa gaêy nu biñ mñaa zeê. Orzeê zaê gagy laa dey pchelaay mi. Tees wangyeeñ iêñ ni tub la dey nim. 32 Laab ndeê la, orzeê biñ mñaa zeê gutaêm. 33 Na ornu shuub dzi nu gyabañ de mbecy gut, ¿ca na dey zeê gac mñaay biñ mñaa zeê? Gun zaê gagy laa dey pchelaay mi âna dey. 34 Orzeê na Jesuuz rab mi dey: âGyishlombecy ii de yu gyeey, nu de biñ mñaa rchelaa dey losaêy. 35 Tees de yu gyeey nu de biñ mñaa nu yad ñi nu gyabañ gri dey tuubaê lo yu, de yu zeê wachelaa gaê dey. 36 Gun orzeê wataê dey, sinu chuê dey gal nu yuê de anc, nunu gyac dey iêñ Ãgyoozh nu nac nu gyabañ dey. 37 Gun laab Moisees bicy yu nu bi gud lagy na nu gyabañ de mbecy nu bi gut lat de riidz nu bzeeñ yu ni yag nu rca gyi zeê. Lat de riidz zeê mnii Moisees nu Shuaan na nac mi Ãgyoozh ni Abraham, nac mi Ãgyoozh ni Isaac, nunu nac mi Ãgyoozh ni Jacob, rniiñ. 38 Gun Ãgyoozh a̱ê nac mi Ãgyoozh ni mbecy nu bi byaê lo la, sinu nac mi Ãgyoozh ni mbecy nu gabee zu, gun par mi zeê dela mbecy gabee zu dey âna Jesuuz. 39 Orzeê la be de mbecy nu rlyuu leey ni Ãgyoozh nu yuê zeê na dey: âMasht, tonaê la nap mniir âna dey. 40 Gun wancuicaê dey baloor nu ngugyiê zir yu lom. 41 Orzeê Jesuuz nam rab mi dey: â¿Lagu rnii dey nu Mesías, biñ nu ca lo cuen nu cyid, gruum lat nez Dabi? 42 Gun laab Dabi mniiy tub riidz lo libr ni Salmos. Orzeê nay: Ãgyoozh nam rab mi Shuaana̱, Gzub ru lugaar ni mbecy nu gya zir zu, par yaa be̱e̱ ii, 43 Gashtal gyicy la̱ nu gyicy ru gan losaê yuur, nam, na Dabi. 44 Orzeê ¿lac mod gruu Mesías lat nez Dabi, benu ub la Dabi rniiy rab yum: “Shuaana̱”, rniiy? 45 Orzeê dela de mbecy yuê dey rzuub gyidag yu ni Jesuuz. Orzeê nam rab mi de yu nu rsyaê lom: 46 âCuidad der nu de mbecy nu rlyuu leey ni Ãgyoozh. Gun de yu zeê yet lagy dey chesay nu shab duñ yu, nunu yet lagy dey nu rca lagy mbecy loy ornu rnii nu dey yu lat yagyiê. Nunu gusht ni dey nu gzub yu lo yashily ni de mbecy nu ricy ñi presis nañ yuê nu rsyaê mbecy riidz ni Ãgyoozh. Nunu yet lagy dey lugaar ni de mbecy lily zeê nu yuê saê. 47 Tees rboo dey yuê byud. Orzeê par nu rsoow su dey lo de coz a̱ê nap nu ricy nu dey byud zeê, orzeê chi rnii nu dey Ãgyoozh. Ndeê nu cashtig ily zir gad ni dey ânam.