San Juan 8

1 Tees Jesuuz pcam zam par too bicy ni ya Oliva. 2 Na or nu bzaê yu tuubaê dzi, orzeê bish cyam yam loliê ni yuê nu driib zily de mbecy Ãgyoozh. Orzeê brugyiê rdeê mbecy lom. Orzeê gusub mi nunu brugyiê nu rlyuum ni dey. 3 Orzeê de yu nu rlyuu leey nu bzeeñ Moisees, gal nu deê zir mbecy fariseo, gua nu dey tub biñ mñaa lo Jesuuz par nu byuê beem nu yu gyeey nu walab ñgyeem. Orzeê bzu dey mi gazel de mbecy zeê. 4 Orzeê na dey rab yu Jesuuz: âMasht, biñ mñaa ii bdub dey mi lat nu gucyaal la yuê num yu gyeey, yu nu walab ñgyeem. 5 Ornu Moisees bzeeñ yu leey ni den, orzeê nay nu rlagy ñi nu gow gyitaê den biñ mñaa nu na gal nu na mi ii gal gat lam. Zeê ru, ¿la ñuu niir? âna dey. 6 Ni bicy dey par nu bzu dey tub caa ni Jesuuz, gun orzeê gad mod nu griib dey cyi ic mi. Orzeê Jesuuz gusab tiily mi. Orzeê brugyiê rcaam lo yu nu mbiz mi. 7 Lat nu zu dey rgugyiêy lom, orzeê wes sum. Orzeê nam rab mi dey: âCa na de ru, mbecy nu wangyicy coz cyi, orzeê pshet der gyitaê biñ mñaa ii loga la âna Jesuuz. 8 Orzeê gusab tiilyaêm tuubaê tir. Orzeê brugyiê rcaa gaêm letr lo yu. 9 Na ornu güeñ dey riidz zeê, orzeê brugyiê tub ga, tub ga dey druu chuy. Brugyiê druu chu de yu gush loga la. Gazeê nu brugyiê druu chu de yu feñ. Orzeê se Jesuuz ziêl byeeñ mi nu biñ mñaa nu gabee zum lugaar zeê. 10 Orzeê wes su Jesuuz. Orzeê nam rab mi biñ mñaa zeê: âBiñ mñaa, ¿ca za de yu zeê na? ¿A sac ni tubaê la mbecy nu niiy nu yuê falt nir? âna Jesuuz. 11 Orzeê na biñ mñaa zeê rab mi Jesuuz: âSac ni se tubaê la dem âna biñ mñaa zeê. Orzeê na gaê Jesuuz: âNiê ya̱ wane̱e̱ nu yuê falt nir. Na yaa yuêr, nunu cueê gaê gyicy ru cyi âna Jesuuz. 12 Orzeê na Jesuuz rab mi de mbecy zeê: âYa̱ naca̱ yaa nu rbic nu gyal shcab ni de mbecy gyishlombecy. Yu nu cyid ca ich ya̱, yu zeê gad yaa zeê niy nu gyicy ñi nu cui mbañ yu. Nunu rila a̱ê nac yu mbecy nu wagad lagy de coz nu rlagy Ãgyoozh ânam. 13 Orzeê na de mbecy fariseo rab yum: âRu laab ub ziêl ru rzat ru ub ru, ndeê nu se la la cyiiñ de riidz nu rniir âna dey. 14 Orzeê na gaê Jesuuz rab mi dey: âMas laab uba̱ rzata̱ uba̱, tees riidz nu rne̱e̱ ndeê riidz nu rishli. Gun rad lagya̱ ca bru̱u̱, nunu rad lagya̱ ca gya̱. Zeê de ru wagad lagy der ca bru̱u̱, nunu ni wagad lagy der ca gya̱. 15 De ru rnii too der ben lac na tub mbecy mod nu ricy mbecy gyishlombecy. Zeê ya̱, a̱ê nii to̱o̱ ti yuê falt ni ni tub la mbecy. 16 Tees benu ya̱ nii to̱o̱ nu yuê falt ni tub mbecy, orzeê ndeê coz rishli, gun walab ub zi̱ gyicya̱ ñii, sinu nu Ãgyoozh uza̱, biñ nu bzuu nez ya̱, mi zeê nac num ya̱ ornu gyicya̱ de ndeê. 17 Gun bi cañ lat leey nu bzeeñ Moisees ni der nu rniiñ: “Benu cyup mbecy tub ziêl riidz rnii dey, orzeê ndeê riidz nu cyiiñ”, rniiñ. 18 Zeê na, ya̱ rne̱e̱ por cuen ne̱. Nunu uza̱, biñ nu bzuu nez ya̱, mi zeê biñ cyup nu rnii por cuen ne̱ ânam. 19 Orzeê na gaê dey rab yu Jesuuz: â¿Zeê ca zu uz ru beni? âna dey. Orzeê na gaê Jesuuz rab mi dey: âDe ru a̱ê yuê lo der ya̱. Yegar uza̱ chuê lo gaê der mi. Gun zeê benu gyuê lo der ya̱, orzeê niê ziêl gyuê lo der uza̱ ânam. 20 De nii riidz nu mnii Jesuuz lat nu rlyuum ni de mbecy zeê nu zub yuê nu driib zily de mbecy Ãgyoozh. Laab lugaar zeê nu ca alcansi ni tiñ gun zeê zum. Tees ni tub la mbecy wancuê yaa dey mi ñgya nuy mi pres, gun nigul shuub dzi nu ni gyicy nu dey mi. 21 Orzeê Jesuuz na gaêm rab mi dey: âYa̱ gru̱u̱ lat der nu gya̱. Orzeê de ru yub der ya̱, tees de ru gat der lat nu gabee nac der mbecy cyi. Nunu wac gya der zeê nu ya̱ gya̱ ânam rab mi dey. 22 Orzeê na gaê de yu zub lo ni de mbecy Israeel: â¿Lac yaruu de riidz ii niy nu wac gyan zeê nu gyay? ¿Walab gaal nu cut yu ub yu? âna dey. 23 Orzeê na gaê Jesuuz rab mi dey: âDe ru nac ru ni gyishlombecy ii. Zeê ya̱ naca̱ ni gyibaa, gun de ru ledz ru gyishlombecy ii. Zeê ya̱ walab ii ledza̱. 24 Ndeê nu ya̱ mne̱e̱ lo der nu gat der lat nu gabee nac der mbecy cyi. Gun gat der lat nu gabee nac der mbecy cyi benu wacheña lagy der nu ya̱ naca̱ biñ nu mne̱e̱ nu naca̱. 25 Orzeê na dey rab yu Jesuuz: â¿Zeê ru, cyu nac ru beni? âna dey. Orzeê na gaêm rab mi dey: âYa̱ bi mne̱e̱ lo der nese nu loga la cyu naca̱. 26 Yuê tonaê la coz nu gac ne̱e̱ nu nac de ru, nunu yuê tonaê la cyi nu gac griiba̱ ic der, tees tub lo ziêl riidz nu mnii biñ nu bzuu nez ya̱, ndeê gne̱e̱ lo de ru, mbecy nu yuê gyishlombecy ii. Nunu mi zeê rniim riidz nu rishli âna Jesuuz. 27 Lat de riidz nu mnii Jesuuz, bzat mi Ãgyoozh uz mi, tees wangyet lag dey cuen. 28 Orzeê nam rab mi dey: âOrnu caa der ya̱, biñ nu byac mbecy, lo tub ya cruuz, orzeê gad lagy der nu ya̱ naca̱ biñ nu mne̱e̱ nu naca̱. Nunu niê ziêl gad lagy der nu walab nu rne̱e̱ nu nac ub ziêl la̱, sinu rne̱e̱ tub lo ziêl coz nu blyuu Ãgyoozh uza̱ ne̱ nu gne̱e̱. 29 Gun Ãgyoozh, biñ nu bzuu nez ya̱, nac num ya̱. Mi zeê wansaan mi ya̱ nu chesa̱ ub zi̱ gun dub laa tiem ricya̱ coz nu mi zeê yet lagy mi. 30 Ornu mnii Jesuuz de riidz zeê, orzeê zigy mbecy bicy cup dey consuel lom. 31 Orzeê na Jesuuz rab mi de yu zub lo ni de mbecy Israeel, de yu nu bicy cup consuel lom: âBenu de ru zaab gyicy paa la der nu de riidz nu rne̱e̱, orzeê rishli gaal nac der yu nu rsyaê lo̱. 32 Orzeê gad lagy der ca na nu coz rishli. Orzeê nu nac coz rishli zeê gla der ânam. 33 Orzeê na dey rab yu Jesuuz: âDe̱ ya̱ nac de̱ nez Abraham, nunu rila nigul gac de̱ moz ni ni tub la mbecy. ¿Lac yaruu gaê ndeê nu rniir nu gla̱ de̱? âna dey. 34 Orzeê na gaê Jesuuz rab mi dey: âYa̱ rishli rne̱e̱ lo der nu de mbecy nu ricy coz cyi, yu zeê nac yu moz ni de cyi. 35 Tub moz ni mbecy, a̱ê nac yu famil ni mbecy tees yu nu nac iêñ mbecy nac yu famil niy par tub la. 36 Benu ya̱ iêñ Ãgyoozh gyicya̱ nu gla der ni de cyi, orzeê rishli gaal dulaa der lo cyi. 37 Rad lagya̱ nu de ru nac ru nez Abraham, tees rlagy der cut ru ya̱, gun wayicy cuen der de riidz nu rne̱e̱. 38 Ya̱ rne̱e̱ de coz nu rad lagya̱ lat nu gusa du̱ Ãgyoozh uza̱. Zeê de ru ricy der de coz nu blyuu uz der nir ânam. 39 Orzeê na dey rab yum: â¡Abraham, yu zeê nac yu uz de̱! âna dey. Orzeê na gaê Jesuuz rab mi dey: âBi bicy na nu rishli gaal nu nac der iêñ Abraham, orzeê ñgyicy der gal nu bicy yu. 40 Tees ya̱ rne̱e̱ de coz rishli lo der, de riidz nu güeña̱ ni Ãgyoozh, tees rlagy der cut ru ya̱. ¡Abraham rila wangyicy yu ni tub la coz gal nu rlagy de ru gyicy ru nur ya̱! 41 De ru gal gaa la ricy der nu uz ru ânam. Orzeê na dey rab yum: âDe̱ ya̱ a̱ê nac de̱ gyid lab. De̱ ya̱ ricy cup de̱ tub zi uz de̱. Mi zeê Ãgyoozh âna dey. 42 Gazeê nu na Jesuuz rab mi dey: âBenu rishli gaal ñgyac der iêñ Ãgyoozh, orzeê nca der ya̱, gun ya̱ lo Ãgyoozh bru̱u̱ yapa̱. Nunu walab nu yapa̱ nu nac coz nu rlagy ub ziêl la̱, sinu Ãgyoozh bzuu nez mi ya̱ nu yapa̱. 43 ¿Lagu wagac gyet lag der cuen de riidz nu rne̱e̱? Ndeê gun walagy der nu zuub gyidag der de riidz nu rne̱e̱. 44 Gun uz der, ndeê ub la nuras. Nunu de ru na der gal nu na yu zeê. Orzeê rlagy der gyicy ru coz nu gyicy ñi nu gyet lagy yu. Gun nuras bicy yu nu gut mbecy nese nu loga la. Nunu rila wagchay faboor ni coz rishli, gun rila wagniiy nu rishli. Ornu rguuy, ni ricy yu gun ni nay, gun nac yu mbecy rguu. Nunu nac yu cyoong de mbecy rguu. 45 Tees como ya̱ rne̱e̱ de coz rishli lo der, ndeê nu wacheña lagy der de riidz nu rne̱e̱. 46 ¿Ca na de ru gac gyicy ru nu gabe ca na cyi nu bicya̱? Zeê benu ya̱ rne̱e̱ coz rishli, orzeê ¿lagu wacheña lagy der de coz nu rne̱e̱? 47 Yu nu bi nac mbecy ni Ãgyoozh, yu zeê rzuub gyidag yu riidz nim. Zeê de ru par nu a̱ê nac der mbecy nim, ndeê nu wacsuub gyidag der nim âna Jesuuz. 48 Orzeê na gaê de mbecy Israeel rab yum: â¿A walab nu ricy cup de̱ raso̱o̱ ornu rne̱e̱ de̱ nu nac ru mbecy Samaria, nunu bicy ni nuras ru? âna dey. 49 Orzeê na gaê Jesuuz rab mi dey: âWalab nu bicy ni nuras ya̱. Tees driib zilya̱ Ãgyoozh uza̱. Zeê de ru rgüii naañ der lo̱. 50 Walab nu rlagya̱ nu gyabic mbecy gyel mbecy ne̱, tees zu tub biñ nu rlagy nu gyabic mbecy gyel mbecy ne̱ ya̱, nunu mi zeê zam faboor ne̱. 51 Ya̱ rishli rne̱e̱ lo der nu cyu ziêl mbecy nu zuub gyidag riidz nu rne̱e̱, yu zeê rila wat yu ânam. 52 Orzeê na gaê de mbecy Israeel: âNa gaal rishli rad lagy de̱ nu bicy ni nuras ru. Abraham gut yu, nunu de yu nu mnii por cuen ni Ãgyoozh gutaê dey. Zeê ru naêr nu cyu ziêl mbecy nu gzuub gyidag de riidz nu rniir, de yu zeê mniir nu wat dey. 53 ¿A rsaê lagy ru nu zily zir nac ru gazeê gyitoo bel ni den Abraham? Yu zeê gut yu. Nunu gutaê de yu nu mnii por cuen ni Ãgyoozh. ¿Orzeê cyu rsaê lagy ru nac ru beni? âna dey. 54 Orzeê na gaê Jesuuz rab mi dey: âBenu griib zilya̱ uba̱, orzeê se la la sac ndeê. Tees biñ nu driib zilya̱, mi zeê uza̱, biñ nu de ru rniir nu nac Ãgyoozh nir. 55 De ru rila wancuê lo der mi, tees ya̱ bi bduê lo̱m. Bi bicy na nu ne̱e̱ nu wantuê lo̱m, orzeê naca̱ tub mbecy rguu gal nu na de ru. Tees ya̱ rishli gaal bduê lo̱m, nunu rzuub gyidaga̱ de riidz nu rniim. 56 Gyitoo bel ni der Abraham tonaê la bet lagy yu, gun briish loy nu zac yu dzi nu gruu zaca̱ gyishlombecy ii, nunu ornu bzaac yu dzi zeê, orzeê bet lagy yu ânam. 57 Orzeê na gaê de mbecy Israeel rab yum: âRu, gaal zi nigul shuub ru cyaal gaynal ñaên, zeê naêr nu bi bzaac ru gyitoo Abraham âna dey. 58 Orzeê na gaê Jesuuz rab mi dey: âYa̱ rishli rne̱e̱ lo der nu ya̱ nil bi zu̱ nese anzir nu gal Abraham gyishlombecy ii ânam rab mi dey. 59 Orzeê brugyiê rteê dey gyitaê nu gow gyitaê dey mi gal gat lam. Tees wansac dey ca gush mi. Orzeê bruum loliê ni yuê nu driib zily mbecy Ãgyoozh zam.