San Juan 7

1 Despuees ni de nu ndeê, orzeê gusam de lugaar ni Galilea. Orzeê wangalagy mi ñgyes sam Judea, gun lugaar zeê rded de yu zub lo ni de mbecy Israeel ryub yum par nu cut dey mi. 2 Na tiem zeê bi yad shuub dzi nu chuê de mbecy Israeel tub saê nu la saê ni ramad. 3 Orzeê na de bicy mi rab yum: âCueê gyiyeeñ ru ii. Gush nez yaa par lo de yu ni Judea, gun orzeê de yu nu rsyaê lor zac dey de coz ily nu ricy ru. 4 Gun ni tub la mbecy wayicy yu coz ngach benu rlagy yu nu nap cuê lo mbecy yu. Como bi ricy ru de coz ily, orzeê rlagy ñi nu lyuur de coz nu ricy ru lo dela mbecy ni gyishlombecy âna dey. 5 Gun gashtal de bicy mi wangyicy cup dey consuel lom. 6 Orzeê na Jesuuz rab mi dey: âGaal zi nigul shuub tiem ne̱ nu chu̱ê Jerusaleeng. Zeê par de ru la ziêl tiem ndeê coz nu nap. 7 De mbecy ni gyishlombecy wac gazi lagy dey lo de ru, tees lo ya̱ rzi lagy dey, gun naal la ricya̱ nu rabee nu de coz nu ricy dey, ndeê coz a̱ê nap. 8 De ru yaa der saê, gun ya̱ waya̱ na, gun gaal zi nigul shuub tiem ne̱ nu gya̱ ânam. 9 Ornu blazh mniim de riidz zeê, orzeê byeeñ gam Galilea. 10 Na despuees ornu bi gush nez de bicy mi nu ya dey saê zeê, orzeê gush nezaê ub mi yam. Nomaas walab nu suelt la yam, sinu yam tub mod nu dze ga. 11 Na de mbecy zub lo ni de mbecy Israeel byub dey mi lat saê. Orzeê na dey rab yu losaêy: â¿Ca rded yu zeê na? âna dey. 12 Na lat de mbecy zigy brugyiê ro dey riidz dze ga nu rzat dey mi. Yuê dey nay: “Yu zeê nac yu tub mbecy nap.” Tees yuê gaê dey rniiy: “Yu zeê walab mbecy nap nac yu, sinu ricy yu nu radza mbecy”, na dey. 13 Nunu ni tub la mbecy wansat dey mi ye ga la nu nac nu rdzib dey lo de yu zub lo ni de mbecy Israeel. 14 Na ornu bi guzeel saê, orzeê guê Jesuuz loliê ni yuê nu driib zily de mbecy Israeel Ãgyoozh. Orzeê brugyiê rlyuum ni dey. 15 Orzeê tonaê la za nu ic de yu zub lo ni de mbecy Israeel: â¿Lac bicy yu ii nu gud lagy yu ni de coz nu rniiy, gun wanchay scuel? âna dey. 16 Orzeê na Jesuuz rab mi dey: âRiidz nu rlyu̱u̱, ndeê walab riidz nu bruu nañ shcab ni uba̱, sinu ndeê riidz nu bruu lo Ãgyoozh, biñ nu bzuu nez ya̱. 17 Cyu ziêl mbecy benu shet ic yu nu gyicy yu coz nu rlagy Ãgyoozh, orzeê gad lagy yu benu riidz nu rlyu̱u̱, ndeê bruuñ lo Ãgyoozh, o nu rlyu̱u̱ riidz nu rlagy ub ziêl la̱. 18 Gun benu mbecy nu rnii nu shcab ni ub ziêl, yu zeê ni rniiy gun rlagy yu nu gyabic mbecy gyel mbecy niy. Zeê yu nu ryub gyel mbecy par yu nu bzuu nez yu, yu zeê coz nu rniiy, ndeê coz nu rishli, nunu sac la gyel rguu nañ lardooy. 19 ‘¿A walab nu rishli nu Moisees bzeeñ yu leey yaa der? Tees ni tub la der wagyicy yac der niñ. Orzeê ¿zeê lagu ryub der mod nu cut ru ya̱? ânam. 20 Orzeê na la be de mbecy zigy zeê rab yum: â¡Ru bicy ni nuras ru! ¿Zeê cyu nu rlagy cut ru zeê beni? âna dey. 21 Orzeê na gaê Jesuuz rab mi dey: âDela de ru za nu ic der nu nac tub zi coz nu bicya̱ sab, dzi nu rzu lagy mbecy Israeel. 22 Tees Moisees pcaay der nu caar beey sircunsision cuerp ni de yu nguzh ni der. Mas sab, dzi nu rzu lagy mbecy Israeel, rcaa der beey ni sircunsision cuerp ni yu nguzh ni der, como ndeê coz nu pcaa Moisees der nu gyicy ru. Tees ndeê walab coz nu bzuub Moisees gyiêñ, sinu ndeê coz nu nil ricy de gyitoo bel ni den. 23 Benu de ru rcaar beey sircunsision cuerp ni yu nguzh ni der mas sab, dzi nu rzu lagy mbecy, par nu cueê chuê falt ni der nu leey ni sircunsision nu bzeeñ Moisees, orzeê ¿lagu rzi lagy der lo̱ gyiê nu bicy yaca̱ dutuub la cuerp ni tub mbecy rat, sab, dzi nu rzu lagy mbecy Israeel? 24 Cueê nii too der la na tub coz tub nu rgüii ziêl der looñ. Ornu nii too der la na tub coz, orzeê bicy der mod nu seêñ. 25 Na la be de mbecy nu yuê Jerusaleeng, orzeê brugyiê rgugyiê dey lo losaêy: â¿Zeê a walab yu ii yu nu ryub dey mod nu cut yu zeê? 26 ¡Güii ñuu! Lo rgüii la mbecy rniiy. Nunu ni tub la mbecy wagnii dey nu yuê falt niy. ¿Posib a walab nu rad lagy de fushtiz nu rishli gaal nu yu re nac yu Mesías? 27 Tees ornu cyid Mesías, orzeê ni tub la mbecy wad lagy dey ca gruum. Zeê yu ii rad lagy den ca ledz yu âna dey. 28 Na tiem zeê zu Jesuuz loliê ni yuê nu driib zily de mbecy Ãgyoozh, nunu rlyuum ni dey. Orzeê brugyiê ye ga la rniim: â¡Laab ni yuê lo der ya̱, nunu rad lagy der ca bru̱u̱! Tees walab nu yapa̱ nu nac nu rlagy ub ziêl la̱, tees biñ nu bzuu nez ya̱, mi zeê nac mi biñ nu ricy paa, nunu mi zeê a̱ê yuê lo der mi. 29 Tees ya̱ yuê lo̱m, gun ya̱ bru̱u̱ lom, nunu mi zeê bzuu nez mi ya̱ yapa̱ ânam. 30 Yuê mbecy ngulagy dey ñgya nu dey mi pres, tees ni tub la dey wanshet yaay mi gun nigul shuub tiem nu ni gyicy nu dey mi. 31 Tees zigy mbecy bicy cup dey consuel lom. Orzeê na dey: âOrnu cyid Mesías, ¿walab gaal gyicy zir mi nusuriidz, gazeê gal nu ricy yu ii? âna dey. 32 Na ornu güeñ de mbecy fariseo de riidz nu bee de mbecy dze ga nu nac Jesuuz, de yu zeê gal nu de yu zub lo ni de uz bzuu nez dey la be de yu nu rña nañ yuê ni Ãgyoozh nu cha nu dey mi pres. 33 Orzeê nam rab mi dey: âGabee chesa du̱ de ru se la be dzi. Orzeê gru̱u̱ lat der nu gya̱ lo biñ nu bzuu nez ya̱ nu yapa̱. 34 De ru yub der ya̱, tees wayada̱ê ni der, gun wac cha der lugaar zeê nu ya̱ gya̱. 35 Na de yu zub lo ni de mbecy Israeel brugyiê ro dey riidz nu losaêy. Orzeê na dey: â¿Zeê ca cha gaê yu ii nu wayadaêy ni den? ¿Walab gaal chay lat de mbecy Israeel nu rcyiiñ reñaê nasyoong nu cha lyuuy ni de mbecy nu walab mbecy Israeel? 36 ¿Lac yaruu de riidz nu rniiy: “Yub der ya̱, tees wayada̱ ni der, gun wac cha der lugaar zeê nu ya̱ gya̱”, nay? âna dey. 37 Laab ndeê la dzi nu bded ni saê zeê; ndeê dzi nu ricy zir ñi presis. Orzeê dzi zeê wes su Jesuuz. Orzeê ye la mniim: âBenu ca na der rbigy ru nis nañ lardoor, orzeê da der lo̱. Ya̱ grica̱ nis goê der. 38 Ndeê gal nu rniiñ lat de riidz ni Ãgyoozh. Rniiñ nu de yu nu gyicy cup consuel lo̱, grib nis nu cuic gyel mbañ nañ lardoo dey, rniiñ ânam. 39 Na nis nu bzat Jesuuz zeê, ndeê Espiriit Yon ni Ãgyoozh, biñ nu cuic Ãgyoozh ni de yu nu gyicy cup consuel lom, gun tiem zeê Ãgyoozh nigul cuic mi Espiriit Yon nim ni mbecy, gun Jesuuz nigul cush cyam nu gyam lo gyel lily nim. 40 Na lat zeê yuê la be mbecy. Ornu güeñ dey de riidz zeê, orzeê na dey: âSegur la yu ii nac yu yu nu mnii por cuen ni Ãgyoozh, yu nu ca lo cuen nu cyid âna dey. 41 Zeê yuê gaê dey nay: âLaab mi ii nac mi Mesías, biñ nu ca lo cuen nu co mbañ de ub na âna dey. Tees yuê gaê dey nay: âWalab, gun Mesías walab Galilea ca lo cuen nu gruum âna deyâ. 42 ¿A walab nu rniiñ lat de riidz ni Ãgyoozh nu Mesías gruum lat de nez rey Dabi, nunu gal mi Beleeng, laab lugaar zeê nu gul rey Dabi? âna dey. 43 Orzeê de mbecy byacyup nac dey nu nac Jesuuz. 44 Yuê dey ngulagy yu ñgya nuy mi pres, tees ni tub lay wancuê yaay mi. 45 Orzeê bish cya de yu nu rña nañ yuê ni Ãgyoozh nu yay lo de mbecy fariseo, gal nu lo de uz zub lo. Orzeê na de yu zeê rab yu de yu nu rña zeê: â¿Lagu wancyiid nu der Jesuuz? âna dey. 46 Orzeê na gaê de yu nu rña zeê: â¡Rila wagrusu ni tub la mbecy nu gniiy gal nu rnii yu zeê! âna de yu nu rña zeê. 47 Orzeê na gaê de mbecy fariseo rab yu dey: â¿A niê ziêl de ru bi bguu gaêy der? 48 Guncar ni tub la de fushtiz ni den, ni de mbecy fariseo wacheña lagy dey nu nac yu Mesías. 49 Tees de mbecy nu a̱ê yuê lo leey nu bzeeñ Moisees, de yu zeê cuic Ãgyoozh cashtig ni dey âna dey. 50 Zeê ri tub mbecy fariseo nu la Nicodemo lat dey. Yu zeê yu nu gua güii Jesuuz anzir. Orzeê nay rab yu dey: 51 âGun lo leey nu bzeeñ Moisees ni den rniiñ nu wac niin nu yuê falt ni tub mbecy anzir nu gyeñ na de coz nu rniiy, nunu anzir nu gad lagy na de coz nu bicy yu ânay. 52 Orzeê na gaê dey rab yu Nicodemo: â¿Walab gaal gazaêr nac ru mbecy Galilea? Nap psyaê lat de riidz ni Ãgyoozh, gun orzeê gad lagy ru nu rila waruu ni tub yu nu rnii por cuen ni Ãgyoozh Galilea âna dey. 53 Orzeê tub ga la mbecy ya dey yuêy.