San Juan 18

1 Na ornu bded nu mnii Jesuuz de riidz zeê, orzeê bruum nu de yu nu rsyaê lom lugaar zeê nunu zam tub laê gaê gyerlas nu la Cedrón. Zeê ri tub nac yag mni. Zeê guê Jesuuz lat ñi nu de yu nu rsyaê lom. 2 Na Judas, yu nu bish cya ich mi, niê yuê loy lat de yag mni zeê, gun zañ tir byatublaazh Jesuuz nu de yu nu rsyaê lom lugaar zeê. 3 Orzeê Judas bruêña nuy tub nac soldad Rom gal nu cyup chon de mbecy nu rña nañ yuê nu driib zily de mbecy Israeel Ãgyoozh. De yu zeê güay par mandaar ni de yu zub lo ni de uz gal nu de mbecy fariseo. Orzeê dela de yu zeê zu tañ dey. Nuu dey candiil, nunu nuu gaê dey yag nu zub gyi lo. 4 Tees Jesuuz bi gud lagy mi dela coz nu gzac mi. Orzeê bruum lat de yu nu rsyaê lom. Orzeê nam rab mi dey: â¿Cyu ryub der? ânam. 5 Orzeê na dey rab yum: âTub mbecy Nazaret, yu nu la Jesuuz, yu zeê ryub de̱ âna dey. Orzeê na gaê Jesuuz: âYa̱ nu ndeê ânam. Orzeê Judas, yu nu bish cya ich mi, gazaêy zuy lat de yu zeê. 6 Na ornu mnii Jesuuz: “Ya̱ nu ndeê”, nam, orzeê dela dey bya ich yu nunu wes saa la dey lo yu. 7 Orzeê na gaê Jesuuz rab mi dey: â¿Zeê cyu gaal ryub der? ânam. Orzeê na gaê dey: âMbecy Nazaret. Yu nu la Jesuuz âna dey. 8 Orzeê na gaêm rab mi dey: âYa̱ bi mne̱e̱ lo der nu ya̱ ndeê. Zeê benu ya̱ ryub der, orzeê bzaan der nu gya de yu ii ânam. 9 Tees mniim de riidz zeê par nu gyuê niñ gal nu mniim nu gac ñii ornu mniim: “Ãgyoozh, uza̱, ya̱ wansaana̱ nduneê ni tub la de yu nu briic ru ne̱”, nam. 10 Orzeê Simo̱o̱ Bed nuuy tub mandzicy. Orzeê bloo zay ñi nunu pshiêñ yu gyidag bee tub moz ni uz nu riib ic deê zir de uz. Moz zeê lay Malco. 11 Orzeê Jesuuz nam rab mi Bed: âDzach ru bri mandzicy zeê seêñ. Taz nu gzuub Ãgyoozh, uza̱, ru̱ê, ¿walab gaal wane̱e̱ “O” nu do̱ê ñii? ânam. 12 Orzeê de soldad Rom zeê gal nu de yu nu riib ic dey gal nu de yu nu rña yuê nu driib zily mbecy Ãgyoozh, de yu zeê pcyiig dey yaa Jesuuz. Orzeê za nu dey mi pres. 13 Nu loga la gua nu dey mi lo Anás. Gun Anás nac yu uz gud Caifás, yu nu byub ic de uz ñaên zeê. 14 Orzeê laab Caifás nac yu yu nu byoo rishlo de yu nu riib ic de mbecy Israeel. Mniiy nu nap zir nu gat tub zi mbecy gazeê nu gat dela de mbecy. 15 Orzeê Simo̱o̱ Bed gal nu tuubaê losaêy nu rsyaê lo Jesuuz gua ca dey ich mi. Zeê yu nu riib ic de uz zeê nap yuê loy tuubaê yu nu rsyaê lom zeê. Orzeê guêy nu Jesuuz loliê ni yuê ni uz nu riib ic zeê. 16 Tees Bed byeeñ gay par ich zeê nu ca roê. Orzeê laab yu nu nap yuê lo uz zeê bish cyay nu gua nii nuy fiñ mñaa nu zu riiñ nu rshaal roê zeê. Nunu bicy yu nu guê Bed loliê zeê. 17 Orzeê na fiñ nu rshaal roê zeê rab ñi Bed: â¿A gazaê ru nac ru tub mbecy nu rsyaê lo mi re? ânañ. Orzeê na Bed rab yuñ: âWalab ânay. 18 Como dzi rag, orzeê de moz gal nu de yu nu rña zeê pcuaa dey gyi. Orzeê dub yub la yuê dey nu rbidz dey ñi. Orzeê gazaê Bed riy lat de yu zeê nu rbidz yu gyi zeê. 19 Na yu nu riib ic de uz brugyiê nu rgugyiêy lo Jesuuz nu nac de yu nu rsyaê lom gal nu nu nac de coz nu blyuum ni de mbecy. 20 Orzeê Jesuuz nam rab mi yu: âYa̱ lo nu loo la mne̱e̱ lat dela mbecy. Dub laa tiem blyu̱u̱ ni de mbecy nañ de yuê nu rsyaê mbecy riidz ni Ãgyoozh gal nu nañ yuê zeê nu driib zily dey mi. Nunu zeê nu yatublaazh de mbecy, zeê rlyu̱u̱ ni dey. Ya̱ ni tub la coz wanne̱e̱ ngach. 21 ¿Orzeê lagu rgugyiêr lo̱? Bdugyiê lo de mbecy nu bzuub gyidag de coz nu mne̱e̱, nunu de yu zeê gyooy rishlor ni de coz nu mne̱e̱. De yu zeê rad lagy dey de coz nu mne̱e̱ ânam. 22 Ornu ni mnii Jesuuz, orzeê tub yu nu rña zeê pshet yu tub yaa nim. Orzeê nay rab yum: â¿A ni na riidz nu rlagy ñi nu niir gab ru yu nu riib ic de uz? ânay. 23 Orzeê na Jesuuz rab mi yu: âBenu shiñ mne̱e̱, orzeê mnii lo de mbecy nu yuê ii la na coz nu mne̱e̱. Zeê benu laab ñi gal nu mne̱e̱, ¿orzeê lagu pshet ru ne̱? ânam. 24 Orzeê gal nag ziêl mi bzuu nez Anás mi zam lo Caifás, yu nu riib ic de uz. 25 Dub laa lat de ndeê, laab zeê gabee zu Bed nu rbidz yu gyi. Orzeê na dey rab yu Bed: â¿A walab gazaê ru nac ru tub yu nu rsyaê lo mbecy re? âna dey. Orzeê Bed pcach ruêy. Orzeê nay: âWalab ya̱ ndeê ânay. 26 Na zeê zu tub moz ni yu nu riib ic de uz zeê. Yu zeê nac yu famil ni mbecy nu pshiêñ Bed gyidag zeê. Orzeê nay rab yu Bed: âGazaê ru bzaaca̱ nu mbecy zeê lat de yag mni zeê, ¿shiñ? ânay. 27 Orzeê Bed pcach ruêy mi tuubaê tir. Orzeê laab or la zeê bredz ngüel. 28 Na or bi bzaê yu, orzeê bruu dey lo Caifás. Orzeê za nu dey Jesuuz par roê riiñ ni yu nu riib ic por cuen ni Rom. Zeê de yu nu riib ic lat de mbecy Israeel wanchuê dey nañ yuê riiñ, gun walagy dey nu gabag yu par lo Ãgyoozh, gun orzeê gac gyicy dey che de coz nu row dey lat saê ni Pas. 29 Orzeê bruu Pilato gua niiy lo dey. Orzeê nay: â¿La cyi driib der ic mbecy ii? ânay. 30 Orzeê na dey: âDe̱ ya̱ wayap du̱ de̱ yu lor benu walab nu bicy yu coz cyi âna dey. 31 Orzeê na Pilato rab yu dey: âLaab de ru yaa nu der yu nu gri bee der niy gal nu rniiñ lo leey ni der ânay. Orzeê na gaê dey: âTees par lo leey a̱ê ricy cup de̱ rishbeey nu gyicy de̱ nu gat ni tub la mbecy âna dey. 32 Ni guuc ñi par nu byuê niñ gal nu mnii Jesuuz ornu mniim lac mod gat mi. 33 Orzeê Pilato bish cyay guêy nañ yuê riiñ tuubaê tir. Orzeê bredz yu Jesuuz nu cugyiêy lom. Orzeê nay: â¿A ru nac ru rey ni de mbecy Israeel? ânay. 34 Orzeê na Jesuuz rab mi yu: â¿A ndeê coz nu mnii too ub lar nu cugyiêr lo̱? Uti ¿a bzat reñaê mbecy ya̱ lor? ânam. 35 Orzeê na Pilato: â¿Walab gaal rnii toor nu ya̱ naca̱ mbecy Israeel? Laab de mbecy ledz ru nunu de uz zub lo, de yu zeê bguê dey ru ya̱a̱. Na niir la coz bicy ru ânay. 36 Orzeê na gaê Jesuuz: âYa̱ walab nu riib ica̱ gal mod nu riib ic de rey nu yuê gyishlombecy ii. Gun benu ni, orzeê de mbecy ne̱ chucoo dey par nu cueê guê dey ya̱ yaa de mbecy Israeel. Tees ya̱ walab nu riib ica̱ gal mod nu ricy de rey nu yuê gyishlombecy ii ânam. 37 Orzeê na Pilato rab yum: â¿A nac ru tub rey, beni? ânay. Orzeê na Jesuuz: âLaab ni gal nu ru mniir nu ya̱ naca̱ rey. Gyiê ndeê nu yapa̱ gyishlombecy ii. Orzeê ii gula̱, gun orzeê rne̱e̱ de coz rishli. Cyu ziêl mbecy nu yet lagy de coz rishli, de yu zeê rzuub gyidag yu ne̱ ya̱ ânam. 38 Orzeê na Pilato: â¿Caê zir na de coz rishli? ânay. Mbecy rbish ti dey nu gat Jesuuz Na ornu blazh bdugyiê Pilato lom, orzeê bruuy ich yuê tuubaê tir nu zay lo de mbecy zigy. Orzeê nay rab yu dey: âYa̱ wagyapa̱ ni tub la cyi nu bicy mbecy ii ânayâ. 39 Tees de ru ricy cup ru tub cushtom nu ya̱ gla̱a̱ tub pres lat saê ni Pas. ¿Zeê na a rlagy der nu gla̱a̱ rey ni de ru, mbecy Israeel? ânay. 40 Orzeê dela dey dub ruê lay rbrish tiy. Orzeê na dey: â¡Yu zeê cueê laar yu! ¡Blaa Barrabás! âna dey. Zeê Barrabás guc yu tub gubaan.