Hebreos 13

1 Rlagy ñi tub ga la der zaab ca zir der de bicy ru nu nac Crisht. 2 Cueê nit lagy der nu nii nur de mbecy nu walab mbecy guledz nunu cha nu der yu yuêr. Yuê mbecy ornu ni bicy dey mas wangad lagy dey cyu, tees mas anc briic dey yuê chuêy. 3 Ca ic der de yu nu yuê nañ yuê gyiib. Bicy der nu ri gaê der nañ yuê gyiib nur dey. Ca ic der de yu nu rzac zi, gun niê de ru ricy cup der tub cuerp nu rzac zi. 4 Dela mbecy rlagy ñi nu ca lagy yu lo compromis nu ricy yu ornu rchelaay. Nunu rlagy ñi gyicy paa de mbecy nu rchelaa zeê nu losaêy, gun Ãgyoozh cuic mi cashtig ni de mbecy nu ral losaê nu wanchelaa. 5 Cueê ca der tiñ. Nunu gush der shcab nu beñ ca na la nu ricy cup der. Gun Ãgyoozh nam: “Ya̱ rila wazeeña̱ ru, nunu rila wazaana̱ ru”, nam. 6 Orzeê wadzib la den gac niin tub riidz. Ndeê Shuaan den, mi zeê biñ nu locyuub ya̱. Orzeê rila wadziba̱, gun se la la coz gac gyicy nu mbecy ya̱ rniiñ. 7 Pcaa ic der de yu nu byub ic ru gulas, de yu nu pshaal riidz ni Ãgyoozh lo der. Gush der shcab nu nac de coz nap nu guc par nu nac nu pcyiiñ dey gyishlombecy, nunu gush der mod nu gusa dey ornu gusa nu dey Crisht. 8 Jesucrisht laab mi naag, nunu laab mi na, nunu laab mi par tub la. 9 Orzeê cueê ruu chu der lo de coz nu laab ñi nu nac zañ lo riidz nu gareñ za nu rlyuu mbecy. Nap zir nu zu fert den nañ lardoon. Ni gyicy den nu nac faboor nu leew la ricy Ãgyoozh, walab nu nac nu gyicy den tub mod nu ta na nu de coz nu don. De yu nu ricy mod nu ta zeê rila wanruu nap dey nu nac ñii. 10 De uz nu zu riiñ nañ yuê negy nu briib zily de mbecy Israeel Ãgyoozh rila sac rishbeey nu dugyi dey de gyel nap nu rad nu nac gun ni de ub na nu gua lo Ãgyoozh. 11 Tees uz nu rza lo Ãgyoozh por cuen ni de mbecy Israeel, yu zeê rza nuy reñ bañcyug lugaar zeê nu yon zir par deê zir lugaar. Gun orzeê cuic yu reñ zeê par nu cyib ñi de cyi de mbecy. Tees cuerp ni bañcyug zeê rcaa dey gyiñ gal zet ruê gyedz. 12 Ndeê nu niê Jesuuz gut mi zet ruê gyedz. Gut mi par nu cyib mi cyi mbecy nu nac reñ mi. 13 Orzeê gal nu mi zeê gut mi zet ruê gyedz, niê rlagy ñi ruu chu den lo mod nu ricy deê zir mbecy. Gun gal nu mi zeê bruu gyel mbecy nim ornu gut mi, orzeê niê ziêl de ub na shet ic na nu gruu gyel mbecy nin nu nac mi. 14 Gun gyishlombecy ii sac tub gyedz nu chuê den tub la, sinu ryub den tub gyedz nu gruu zac par lo. 15 Ndeê nu rlagy ñi nu dub laa tiem gyabic den gyel mbecy ni Ãgyoozh nu nac Jesucrisht. Ndeê gun nu rlagy ñi gric den nim. Gun zeê dric den nim nu ruê den ornu rzat nam. 16 Cueê nit lagy der nu nap gyicy ru. Nunu tub ga la der blocyuub der losaêr, gun ndeê tub gun nu gyedzuê lagy Ãgyoozh. 17 Bzuub gyidag der ni de yu nu riib ic der, nunu “O” nii der ni de riidz nu rnii dey, gun dey zeê rña dey de ru. Nunu rad lagy der nu de yu zeê zeed cuen dey lo Ãgyoozh nu nac coz nu ricy yu. Bicy der nu dub gusht la gyicy dey riiñ nim. Cueê nu shni gyicy dey riiñ nim, gun benu ni, orzeê wac locyuub dey de ru. 18 Zaab cyiñ la der lo Ãgyoozh nu nac ya̱. Gun segur la de ub na wat lo den nu nac de coz nu ricy na, gun dub laa tiem rlagy den gyicy na mod nap. 19 Nunu ya̱ rnishba̱a̱ lo der nu fert cyiñ der lo Ãgyoozh ne̱, gun orzeê yap gyiilya̱ lo der. 20 Orzeê Shuaan den Jesuuz nac mi biñ lily nu rña de mbecy nu nac shily nim nu nac reñ mi nu bzu nap trat ni Ãgyoozh nu rila waded ni. Orzeê Ãgyoozh, biñ nu rbic gyel ri zu, mi zeê bicy mi nu byabañ Jesuuz. 21 Orzeê mi zeê cuic mi la ziêl coz nu galagy ñi ni der par nu gyicy der gal nu rlagy mi. Nunu gyicy mi nu gyicy der de coz nu gyedzuê lagy mi nu nac Jesucrisht. ¡Mi zeê ricy cup mi gyel lily tub la! ¡Laab ni gac ñii! 22 Der bicy na, ya̱ rnishba̱a̱ lo der nu pase̱z zuub gyidag der de consef nu rica̱ ni der, gun gyicy nu pca̱a̱ ii, nii tub gyicy miê. 23 Ya̱ rlagya̱ nu gad lagy der nu bicy na Timoteo, bi bruuy nañ yuê gyiib. Benu cyid gyiily yu, orzeê yap du̱ yu ornu yap güi̱i̱ de ru. 24 Ya̱ zeeda̱ ñgyoozh ni de yu nu riib ic lat der, nunu zeeda̱ ñgyoozh ni dela mbecy ni Ãgyoozh. De mbecy Italia zeedaê dey ñgyoozh ni der. 25 Ãgyoozh gyicy mi faboor nu nap gyicy num dela der.