Hebreos 12

1 Ndeê nu como tonaê la mbecy zigy blyuu dey ni den de coz nu bzac dey nu nac Crisht, orzeê ndeê nu rlagy ñi zu chu den dela coz nu ricy ñi nu wagac gyicy paa den, nunu rlagy ñi loo chu den dela cyi nu ricy mandaar de ub na. Rlagy ñi nu loo lo den gal nu rboo lo de mbecy ornu rash dey carer. 2 Rlagy ñi nu ca gaa la ic den Jesuuz. Mi zeê blyuum ni den lac mod gyicy na nu nac de coz nu bicy mi. Nunu bicy yac zaê lam nu de coz nu rlagy Ãgyoozh. Gut mi lo cruuz. Wangyicy cuen lam ti toê lo gut mi, gun rad lagy mi nu ornu lazh zac zim, orzeê chesu cyit lagy mi. Orzeê gusub mi par yaa bee Ãgyoozh zeê nu riib ic mi. 3 Orzeê gush der shcab nu nac de coz nu bzac mi. Tonaê la guzi lagy de mbecy cyi lom, tees gugyeem. Orzeê ndeê nu gush der shcab nu nac mi, gun orzeê cueê nu gatsiñ der, nunu cueê shiêñ der baloor. 4 Gun lat nu za der contr ni de cyi nu ricy mbecy, nigul coo lo der gashtal gat lar. 5 ¿A mnit lagy der consef nu briic Ãgyoozh ni der como iêñ mi nac der? De riidz zeê rniiñ: Orzeê Ãgyoozh nam: Iêña̱, cueê nii too der nu se la la sac cashtig nu rbic Shuaan der nir ornu rshuu num der. Ni cueê shiêñ der baloor ornu rdzaêm ni der. 6 Gun benu Shuaan ru rcam tub mbecy, orzeê rshuu num yu. Nunu cuic mi cashtig ni de mbecy nu gyash mi par nu gyac dey iêñ mi, nam, rniiñ. 7 Orzeê gugyee der ornu rzac zir, gun Ãgyoozh gyicy num der gal nu ricy num tub iêñ mi, gun sac la tub yu nguzh nu washuu nu uz yuy. 8 Benu washuu num der gal nu ricy num dela iêñ mi, orzeê walab iêñ nap mi nac der, sinu iêñ gyish ziêl nac der. 9 Na de uz den nu yuê gyishlombecy ii, de yu zeê rbic yu cashtig ni den, nunu rca lagy den loy. Orzeê dzi zir ricy ñi presis nu “O” nii der ni uz na nu zub gyibaa, gun orzeê cui mbañ den. 10 Na de uz na nu yuê gyishlombecy ii, rbic dey cashtig ni den dub gal lac rnii too dey nu nap par ñuu zi ziêl tiem. Tees Ãgyoozh, ornu rshuu num den, ndeê tub coz nap par de ub na, gun orzeê gac den mbecy cacy gal nu caacy ub mi. 11 Tiem nu rzac den lo cashtig zeê, shni rzac den rziin, nunu walab nu yet lagy den. Tees despuees orzeê de yu nu pshuu num zeê gyad i dey. I dey zeê, ndeê nu cyiiñ dey nu gyel ri zu, nunu cyiiñ dey mod nu rlagy ñi. 12 Orzeê de coz ni Crisht, ndeê nañ gal nu na tub coz nu psuun ñi der. Orzeê yaa gutsiñ der, briic der fers niñ. Nunu tib gut siñ der briic der fers niñ. 13 Nunu nez nu li byub der char, gun orzeê gyiêr nu byatis zeê gyanap ñi lugaar nu gyatis zir ñi. 14 Bicy der nu nap chuê der nu losaêr, nunu bicy der nu chuê der nu gyel cacy, gun ni tub la mbecy wazac yu lo Ãgyoozh benu a̱ê nac yu mbecy cacy. 15 Bicy cuidad der nis ruu su tub mbecy lat der nu wazac yu lo de coz nap nu leew la ricy nu Ãgyoozh de ub na. Nunu bicy cuidad der nis gyac der gal nu na tub gyish lya. Ornu lazh galy ñi, orzeê gyicy ñi da̱y nu zañ mbecy nu benen niñ. 16 Bicy cuidad der nu ni tub la der cueê gal ru mbecy nu wanchelaar. Nunu bicy cuidad der nu ni tub la der cueê zat naañ der coz nu druu lo Ãgyoozh. Gun Esaú ni bicy yu. Biit yu dela coz nu yad ñi nu gad niy nu nac yu iêñ loga par tub zi comid. 17 Orzeê rad lagy der nu despuees ngulagy yu nu nii uz yu nu nap gyicy nu Ãgyoozh yu, tees bzuub yaa uz yu rishniiy, gun mas biiñ lay nu byub yu mod nu ñgyicy nap yu coz nu bicy yu, tees wangadaê mod. 18 Na de ru wangyicy der gal nu bicy de mbecy Israeel ornu bechaê dey bicy Sinaí. Bechaê dey lo tub coz nu guc bzaac dey. Bechaê dey bicy Sinaí, zeê nu rca gyi ily, nunu zeê nu cow, lugaar shni, zeê nu druu bi ily. 19 Bechaê dey zeê nu rdulaa trompet. Bechaê dey zeê nu zaab tiê Ãgyoozh nu rniim. Bechaê dey lugaar zeê. Orzeê ornu de mbecy zigy güeñ dey nu rnii Ãgyoozh, orzeê mnishbaa dey lom nu cueê gaê niim. 20 Gun wangagyee dey ornu güeñ dey nu rniim ornu nam: “Mas gal tub bañcyug, benu zuub gyiê ma too bicy ii, orzeê rlagy ñi goow gyitaê dey ma gal gat la ma o rlagy ñi nu cut dey ma nu yag too lyuch”, nam. 21 Tantaê nu coz ily bzaac dey. Mas Moisees nay: “Rash la bisa̱ tantaê nu rdziba̱”, nay. 22 Zeê na de ru bechaê der bicy Sión, gyedz ni Ãgyoozh mbañ, gyedz Jerusaleeng nu ri gyibaa. Bechaê der zeê nu yuê anc zigy tonaê la. 23 Bechaê der zeê nu yuê tublaazh de iêñ Ãgyoozh, de yu nu ca nu la gyibaa. Bechaê der lo Ãgyoozh, biñ nu gri bee ni dela mbecy. Bechaê der lo de espiriit ni de mbecy nap nu guê gulas, de yu nu byanap lo Ãgyoozh. 24 Bechaê der lo Jesuuz, biñ nu bzu tub trat cub. Bechaê der lo reñ mi, reñ nu bicy caacy de ub na. Reñ Abeel mniiñ nu rlagy ñi cashtig, tees reñ Jesuuz nap zir rniiñ. 25 Orzeê bicy cuidad der nu cueê zuub yaa der rishnii biñ nu rnii nu den. Gun de yu nu bzuub yaa riidz nu mnii Ãgyoozh gyishlombecy ii ornu mniim lo dey nu gyicy cuidad dey, de yu zeê wangac ndruu dey lo cashtig. Benu ni, orzeê segur la wac ruu chu den lo cashtig, benu zuub yaa den biñ nu gashtal gyibaa rnii nu gyicy cuidad den. 26 Tiem zeê ornu mniim, bicy mi nu pcueñ la gyishlombecy ii, tees na rniim loon: “Stub tir ya̱ cueña̱ gyishlombecy, nunu niê ziêl cueña̱ gyibaa”, nam. 27 Ornu mniim “Stub tir”, orzeê naal la rabee nu de coz nu psaê lagy mi, cueñ mi ñii. Orzeê co chum de coz nu rcueñ, gun orzeê de coz nu wacueñ, gyiyeeñ ñi. 28 Tees gyel gubier ni Ãgyoozh nu rbic mi ni den, ndeê coz nu wacueñ. Ndeê nu gyicy den graseer ni Ãgyoozh, nunu griib zily den mi tub mod nu gyedzuê lagy mi. Ca lagy den lom, nunu dzib na lom. 29 Gun Ãgyoozh, biñ nu nac du den, mi zeê nam gal nu na tub gyi nu rnit lo.