Gálatas 6

1 Der bicy na, benu gyuê bee nu bicy tub mbecy cyi, orzeê de mbecy nu riib ic Espiriit Yon rlagy ñi nu gyicy nap dey yu. Tees rlagy ñi nu gugy nii nu dey yu. Orzeê rlagy ñi nu gyicy cuidad dey ub yu nis niê ziêl gyicy coz cyi gan dey. 2 Blocyuub der losaêr ornu rzac deet dey. Benu ni gyicy der, orzeê ricy yac der nu leey ni Crisht. 3 Benu tub mbecy rnii tooy nu lily nay, zeê walab nu lily nay, orzeê laab ub yu rguuy ub yu. 4 Tub ga la mbecy rlagy ñi nu nii too dey ben a nap ricy ub yu. Orzeê benu nap ricy ub yu, orzeê gac gyet lagy yu nu nac de coz nu ricy yu. Nunu walagy ñi nu cuê cuen dey ti laab ni ricy losaêy. 5 Gun tub ga la mbecy gac cuen niy nu de coz nu ricy ub yu. 6 De yu nu rsyaê de riidz ni Crisht rlagy ñi nu locyuub dey yu nu rlyuu lat yu nu de lo la gyel nap nu ricy cup yu. 7 Rila cueê guu der ub ru, gun rila wac gyicy ras nu mbecy Ãgyoozh. Na den gal nu na tub mbecy nu rnuuz. Laab coz nu nuuz den, laabaê nu ndeê teên. 8 Benu nuuz den coz a̱ê nap nu druu lo de gusht a̱ê nap nu ricy cup den, orzeê teê gaê den laabaê coz a̱ê nap. Coz nu teên zeê, ndeê nu gat na. Tees benu nuuz na coz nap, coz nu druu lo Espiriit Yon ni Ãgyoozh, orzeê teên coz nap. Coz nu teê den zeê, ndeê nu cui mbañ den tub la. 9 Ndeê nu cueê gazed den nu gyicy na coz nap. Gun benu wayeca den nu gyicy na coz nap, orzeê shuub tiem nu gyad i den. 10 Orzeê dub gal ornu gad mod ni den, orzeê rlagy ñi nu nap gyicy du den dela mbecy. Tees ricy zir ñi presis nu nap gyicy dun de bicy na, de yu nu ricy cup consuel lo Crisht. 11 ¡Güii der na tonaê la letr ily rca̱a̱ nu ya̱a̱ la̱! 12 De mbecy nu rcaa de ru por fers la nu gyicy yac der nu leey ni sircunsision, de yu zeê ni ricy dey gun par nu nac nu rlagy ziêl dey ganap lagy mbecy loy. Nunu ni mod ricy dey gun walagy dey nu sheed zi de mbecy yu nu nac de coz nu bzac Crisht lo cruuz. 13 Tees niê de mbecy nu ricy yac nu leey ni sircunsision, de yu zeê wagyicy yac dey nu dela coz nu rnii leey ni Moisees. Tees rlagy dey nu de ru ca beey sircunsision zeê cuerp ni der par nu gyicy zily dey ub yu nu nac nu de ru nu ricy yac der de riidz nu rnii dey. 14 Zeê ya̱, wagyicy zilya̱ ni tub la coz sinu de coz nu bzac Shuaan den Jesucrisht lo cruuz, gun par ya̱ nu nac de coz nu bzac mi lo cruuz, se laê la sac gyishlombecy ii. Niê ya̱ se la saca̱ par de mbecy nu yuê gyishlombecy ii. 15 Wagyicy ñi presis nu ca beey sircunsision cuerp ni mbecy, nunu ni wagyicy ñi presis mas sac beey zeê. Coz nu ricy zir ñi presis, ndeê nu byacub den lo Ãgyoozh. 16 De yu nu “O” nii ni de riidz ii, Ãgyoozh gyicy mi nu cheti ri añ ni dey, nunu gashni lagy mi dey. Ni gyicy num dey nu dela deê zir mbecy nu rishli nac nim. 17 Bee na ziêl par lo ni tubaê la mbecy cueê gyicy dey nu gzac deeta̱, gun cuerp ne̱ bi taê de lac. Ndeê tub muesht par nu gad lagy der nu ya̱ tub yu nu ricy yac ni de riidz ni Shuaan den Jesuuz. 18 Der bicy na, Shuaan den Jesucrisht gyicy mi faboor nu nap gyicy num dela der. ¡Laab ni gac ñii!