1 Corintios 7

1 Na rlagya̱ tush cya̱ de riidz nu bdugyiê der lo̱ lo gyicy nu bzeed der. Benu tub yu gyeey wachelaay, orzeê nap. 2 Tees como tonaê la yuê mbecy nu ricy yu cyi nu losaêy nu wanchalaay, orzeê nap zir benu gad mñaa dey. Nunu nap zir benu de biñ mñaa gad ñgyee dem. 3 De yu gyeey rlagy ñi nu gyicy paay nu nac nesedaa ni mñaay, nunu de biñ mñaa rlagy ñi nu gyicy paam nu nac nesedaa ni ñgyeem. 4 Cuerp ni biñ mñaa, ndeê walab cuerp ni ub ziêl mi sinu niê ndeê cuerp ni ñgyeem. Cuerp ni yu gyeey, ndeê walab cuerp ni ub ziêl yu, sinu niê ziêl ndeê cuerp ni mñaay. 5 Rlagy ñi nu cueê dily lo dey nu nac nesedaa nu ricy cup dey lo losaêy. Nomaas benu rup laa dey shet ic yu, orzeê gac zeeñ nat dey niñ par nu cuic ñi tiem nu nii nu dey Ãgyoozh. Ornu ded nu nii nu dey Ãgyoozh, orzeê gyatublaazhaê dey nu losaêy. Orzeê cueê cuic dey lugaar nu gyicy nuras gan dey par nu nac nu wagagyee dey. 6 Ya̱ mne̱e̱ nu nap zir benu tub mbecy zu mñaay, nunu nap zir benu tub biñ mñaa zu ñgyeem, tees walab nu ricya̱ mandaar nu ni gyicy der, sinu rne̱e̱ nu ndeê nap benu ni gyicy der. 7 Par ya̱, nap zir benu de mbecy gyicy dey gal nu bicy ya̱ nu sac mña̱a̱. Tees yuê mbecy nu wagyeey benu sac mñaay. Orzeê tub ga la mbecy nu tub ga la coz nu rbic Ãgyoozh niy. Tub mbecy rbic mi tub lo coz niy. Zeê tuubaêy rbic mi reñaê loñ niy. 8 Na rne̱e̱ lo de mbecy solter nu nigul chelaa, nunu rne̱e̱ lo de byud nu nap zir nu chesa dey ub ziy gal nu ya̱ rdeda̱. 9 Tees benu wagyee dey, orzeê nap zir nu chelaa dey. Nap zir nu chelaa dey, gazeê nu nu shiñ nii too dey lo losaêy. 10 Na ne̱e̱ lo de mbecy nu bi pchelaa. Nii walab ya̱ rca̱a̱ der nu gyicy ru, sinu nii coz nu rnii Shuaan den nu gyicy der. De biñ mñaa walagy ñi nu zaan dem ñgyeem. 11 Tees benu bzaan dem ñgyeem, orzeê rlagy ñi chesa la dem ub zim, o nu gyashaê dem ñgyeem. Nunu de yu gyeey walagy ñi nu zaan dey mñaay. 12 Lo dela deê zir de mbecy rne̱e̱ de riidz ni ub ziêla̱, walab riidz ni Shuaan den. Benu tub bicy na nu nac mbecy ni Crisht zu mñaay nu walab mbecy ni Crisht, zeê rshet ic mi rcyiiñ num yu, orzeê walagy ñi nu zaan yum. 13 Nunu benu tub biñ mñaa nu nac ni Crisht pchelaam tub yu gyeey nu walab mbecy ni Crisht, zeê rshet ic yu nu rcyiiñ nuy mi, orzeê walagy ñi nu zaan mi yu. 14 Gun Ãgyoozh gyicy mi yu gyeey zeê, par mbecy nim nu nac nu rcyiiñ nuy mñaay, biñ nu ricy cup consuel lo Crisht, mas ub yu wagyicy cup yu consuel lom. Zeê biñ mñaa nu wagyicy cup consuel lo Crisht, Ãgyoozh gyicy mim par mbecy nim nu nac nu rcyiiñ num ñgyeem, yu nu ricy cup consuel lo Crisht. Benu walab ni orzeê de yu ngush ni dey na dey gal na yu nguzh ni de mbecy nu a̱ê ricy cup consuel lo Crisht. Tees na Ãgyoozh ricy mi de yu nguzh ni dey par mbecy nim. 15 Tees benu tub mbecy nu wagyicy cup consuel lo Crisht rlagy yu gzaan yu losaêy nu nac mbecy nu ricy cup consuel lo Crisht, orzeê gzaan la der nu ni gyicy yu. Orzeê de yu nu ricy cup consuel lo Crisht zeê, yu zeê bdulaay nu losaêy. Gun Ãgyoozh bzum der par nu nap chuêr nu de losaêr. 16 Gun de ru biñ mñaa nu ricy cup consuel lo Crisht wagad lagy der ti gyicy der nu gruu mbañ ñgyeer. Nunu de ru yu gyeey nu ricy cup consuel lo Crisht wagad lagy der ti gyicy ru nu gruu mbañ mñaar. 17 Tub ga la der chuêr nu mod nu psaê lagy Ãgyoozh der ornu mniim nañ lardoo der nu gac ru mbecy ni Crisht. Nunu ya̱ rlyu̱u̱ de ndeê lat dela de mbecy ni Crisht. 18 Benu tub mbecy nu ca beey nu la sircunsision cuerp niy, zeê Ãgyoozh niim loy nu gac yu mbecy ni Crisht, orzeê gyiyeeñ la beey zeê cuerp niy. Benu tub mbecy sac beey sircunsision zeê, zeê benu Ãgyoozh niim loy nu gac yu mbecy ni Crisht, orzeê walagy ñi nu ca beey zeê cuerp niy. 19 Mas ca beey sircunsision cuerp ni dey o wacaañ tees ndeê se la la cyiiñ ñi. Coz nu cyiiñ, ndeê nu gyicy yac mbecy de coz nu rnii Ãgyoozh. 20 Dela mbecy chuê dey gal mod nu zuy ornu mnii Ãgyoozh nu gac yu mbecy ni Crisht. 21 Benu guc der moz ni mbecy por fers la ornu mnii Ãgyoozh nu gac der mbecy ni Crisht, orzeê cueê dzi csug ic der. Tees benu gad mod nu gruu der lo patro̱o̱ nir, orzeê gla der. 22 Benu Ãgyoozh niim lo tub mbecy nu nac moz por fers la nu gac yu mbecy ni Crisht, orzeê par lo Ãgyoozh yu zeê nac yu mbecy bdulaa. Niê ziêl benu Ãgyoozh niim lo tub mbecy nu sac patro̱o̱ ni nu gac yu mbecy ni Crisht, orzeê yu zeê nac yu moz por fers la ni Crisht. 23 Gun Ãgyoozh ñgyup briib mi der. Orzeê cueê zu bich der nu nac coz nu rlagy mbecy. Lugaar ni ndeê, nap zir bzu bich der nu nac de coz ni Ãgyoozh. 24 Ndeê nu der bicy na, bzu der lo Ãgyoozh gal mod nu zu der ornu mniim nu gyac der mbecy ni Crisht. 25 Na par de mbecy nu nigul chelaa, walab nu pcaa Shuaan den ya̱ nu ni ne̱e̱, tees ya̱ ne̱e̱ lo der coz nu rnii to̱o̱. Nunu ya̱ tub mbecy nu ricy cup Shuaan den consuel lo par nu nac nu rashni lagy mi ya̱. 26 Como tonaê la yuê gyel deet tiem na, ndeê nu rsaê lagya̱ nu nap zir nu cueê chelaa dey. 27 Benu zu mñaa der, cueê zaan losaê der. Nunu benu sac mñaa der, orzeê cueê zu bich der nu gad mñaar. 28 Tees benu chelaa der, ndeê walab nu cyi na. Nunu benu fiñ feñ chelaañ, ndeê niê ziêl walab nu cyi na. Tees de mbecy nu rchelaa rzuê gyel deet ni dey gyishlombecy ii. Ndeê nu rlagya̱ lo̱o̱ chu̱ der lo de gyel deet zeê. 29 Der bicy na, coz nu rlagya̱ ne̱e̱ lo der, ndeê nii: na sñuu ga shuub dzi nu cyid Shuaan den. Orzeê de mbecy nu zu mñaa rlagy ñi nu nap gyicy dey nu de coz ni Ãgyoozh gal nu ricy de yu nu sac mñaa. 30 De mbecy nu ricy sentiir, rlagy ñi nu cueê checa riiñ ni Ãgyoozh nu nac nu ricy dey sentiir. Niê ziêl de mbecy nu dzi yet lagy rlagy ñi nu cueê checa riiñ nim nu nac nu yet lagy dey. Nunu de mbecy nu rzii la coz rlagy ñi nu gyicy dey ñi par coz nu walab coz ni de ub yu. 31 De mbecy nu ricy dalje̱z nu de coz ni gyishlombecy ii, rlagy ñi nu cueê zu bich dey nu nac ñii, gun orzeê cueê nu checa riiñ ni Ãgyoozh, gun mod nu na gyishlombecy nu yuên ii walabaê nu zu tuuñ ñi. 32 Rlagya̱ nu rila wasug ic der. De mbecy nu sac mñaa rzu bich dey nu nac de coz nu rlagy Shuaan den, gun rlagy dey gyicy yu coz nu gyet lagy mi. 33 Tees mbecy yu nu zu mñaa rzu bich dey nu nac de coz ni gyishlombecy, gun rlagy dey gyicy yu coz nu gyet lagy mñaay. 34 Orzeê cyup coz rlagy dey gyicy yu. Nunu niê ziêl de biñ mñaa nu zu ñgyee reñaê nam par de biñ nu sac ñgyee. Biñ nu sac ñgyee rzu bich mi nu nac de coz nu rlagy Shuaan den. Gun rlagy mi gyicy mi de coz nu rlagy Shuaan den, nunu zum shcab ni coz nu rlagy Shuaan den. Tees de biñ nu zu ñgyee rzu bich mi nu nac de coz ni gyishlombecy, gun rlagy mi gyicy mi coz nu gyet lagy ñgyeem. 35 De riidz ii rne̱e̱ lo der gun rlagya̱ nu locyuuba̱ der. Walab nu rlagya̱ ca̱ ni der nu cueê gyicy der ca na tub mod nu mne̱e̱, sinu rlagya̱ nu gyicy der mod nu ricy mbecy raso̱o̱. Gyicy der coz nu rlagy Shuaan den nu dutuub la lardoo der. 36 Tees benu tub mbecy rziiy nu rlagy ñi cuic yu iêñ yu chelaañ gun bi nu ñaên ñi, nunu benu ndeê coz nu rlagy ñi rlyu, orzeê rlagy ñi nu gyicy yu mod nu rlagy ñi. Gac chelaañ, nunu ndeê walab nu cyi na. 37 Zeê benu tuubaê mbecy rzu fert yu nu walagy yu chelaa iêñ yu, nunu benu dub gusht la niñ ricy yu, walab por fers la, orzeê napaê ricy yu. 38 Yu nu rbic iêñ chelaa, yu zeê nap ricy yu. Tees yu nu wacuic iêñ chelaa, yu zeê napaê zir ricy yu. 39 Tub biñ mñaa bi byid mi nu ñgyeem par lo leey lat nu mbañ yu, tees benu gat yu, orzeê zu nat laam. Gac chelaam nu cyu ziêl nu rlagy mi. Cyer nu mbecy ni Crisht ziêl. 40 Tees gusht zir gzum benu gyiyeeñ lam ub zim rze̱e̱. Ndeê coz nu rnii to̱o̱, nunu rsaê lagya̱ nu Espiriit Yon ni Ãgyoozh riib ic mi ya̱ ornu rne̱e̱ de riidz ii.