1 Corintios 6

1 Ornu ca na mbecy nu yuê lat der rziiy nu shiñ bicy bicy yu nuy yu, orzeê rila walagy ñi chay lo mbecy nu walab mbecy ni Ãgyoozh par nu gri beey ni dey, sinu rlagy ñi chay lo deê zir mbecy ni Ãgyoozh. 2 ¿Walab gaal wagad lagy der nu de mbecy ni Ãgyoozh gri bee dey ni dela mbecy gyishlombecy? Benu gri bee der ni dela mbecy, orzeê segur la cyiiñ der nu gri beer de coz deet miê nu yuê lat der. 3 ¿Walab gaal wagad lagy der nu gri bee den ni de anc? ¡Zeê yegar ñuu de coz deet nu rac lat nu rcyiiñ den gyishlombecy ii na! 4 Orzeê benu cyid coz deet lat der, ¿lagu cha nu der gyel chaê ic zeê lo de mbecy nu wacha lat de mbecy ni Crisht? 5 Ya̱ ni rne̱e̱ gun par nu gat lo der. ¿Walab gaal warusuu la mas ñuu tub mbecy nu yuê shcab ni lat der nu cyiiñ yu zaê loy de coz deet nu rac lat de bicy na? 6 Nap zir duri bee ni dey lat de mbecy ni Crisht, gazeê nu cha dey lo de fushtiz nu walab mbecy ni Ãgyoozh nu gri beey ni dey. 7 Benu ca na der char lo de fushtiz nu nac tub gyel chaê ic ni bicy ru, orzeê wayicy ru gan gal nu rlagy ñi nu gyicy tub mbecy ni Crisht. Nap zir zaan la der nu shiñ gyicy nu mbecy der. Nap zir nu gyicy gubaan dey coz ni der gazeê nu gyicy der tub mod nu walagy ñi gyicy mbecy ni Crisht. 8 Lugaar nu nap gyicy der, ca nu shiñ ricy nu der losaêr. ¡Nunu ricy gubaan der coz ni laab losaêr mas nac yu bicy ru nu nac Crisht! 9 ¿Walab gaal wagad lagy der nu de mbecy a̱ê nap rila wazac dey lo gyel gubier ni Ãgyoozh? Cueê guu der ub ru. Neñ der nu de mbecy nu ral biñ mñaa nu walab mñaa, de mbecy nu driib zily nab, de mbecy nu ral losaê nu wanchelaa, de yu gyeey nu ricy losaê gyeey par mod ni biñ mñaa o niê ziêl tub biñ mñaa nu losaêm, 10 de mbecy nu ricy gubaan, de mbecy nu rasaap lagy de coz ni losaê, de mbecy rzugy, de mbecy nu rzat zi losaê, de mbecy nu rboo coz ni losaê, dela de mbecy zeê wazac dey lo gyel gubier ni Ãgyoozh. 11 Guê mbecy lat der nu ni nay guc yu. Tees na bi byecy dela cyi nu bicy der. Bi byac der mbecy cacy, nunu byanap der par lo Ãgyoozh. Dela ndeê ni bzac der nu nac Jesucrisht, nunu nu nac de coz nu bicy Espiriit Yon ni Ãgyoozh. 12 Yuê mbecy rniiy: “Gac gyicya̱ la ziêl coz nu rlagya̱”, rnii dey. Nunu ndeê rishli, tees walab delañ nap nu gyicy nañ. Mas gac gyicya̱ la ziêl coz tees ya̱ rila wazaana̱ nu gyub ic ni tub la coz ya̱. 13 Yuê mbecy nu rnii dey nu gac gow dey gun: “Coz nu rdow den, ndeê par nu chuêñ nañ den, nunu nañ den ndeê par nu chuê de coz nu rdon”, rnii dey. Nunu ndeê rishli, tees shuub tiem nu zaê lo Ãgyoozh rup laañ. Tees walab rishli nu cuerp ni mbecy, ndeê cyiiñ ni par nu gal ziêl dey losaêy nu wanchelaay. Sinu cuerp ni mbecy, ndeê cyiiñ ñi par nu gyicy ñi de coz nu rlagy Shuaan den. Zeê Shuaan den, mi zeê rlagy ñi nu gyub ic mi cuerp ni den, gun orzeê gac gyicy den de coz nu rlagy mi. 14 Nunu gal nu Ãgyoozh bicy mi nu byabañ Shuaan den ornu gut mi, niê ziêl gyicy mi nu gyabañ de ub na ornu gat den nu nac coz ily nu ricy mi. 15 ¿Walab gaal wagad lagy der nu tub ga la der na der gal nu na tub laê cuerp ni Crisht? ¿Orzeê lac gyicya̱? ¿Walab gaal lo̱o̱ tub laê cuerp ni Crisht; orzeê cheela̱ñ nu cuerp ni biñ mñaa che̱ê? Rila wac. 16 ¿Walab gaal wagad lagy der nu benu tub mbecy gal yu tub biñ mñaa che̱ê, orzeê yac dey se tub ziêl cuerp? Gun lat de riidz nu bzeeñ Ãgyoozh rniiñ: “Lo cyup mbecy yac dey se tub ziêl cuerp”, rniiñ. 17 Tees benu tub mbecy nac nuy Shuaan den, orzeê tub ziêl nac yu nuy mi par lo Ãgyoozh. 18 Bruu chu der lo cyi nu ral mbecy losaêy nu wanchelaay. Dela cyi nu ricy mbecy a̱ê shiñ gyicy nuy cuerp niy. Tees mbecy nu ral losaê nu wanchelaa, yu zeê shiñ ricy nuy cuerp niy. 19 ¿Walab gaal wagad lagy der nu cuerp ni der, ndeê yuê wedz ni Espiriit Yon nu briic Ãgyoozh ni der, nunu Espiriit Yon nim rcyiiñ mi nañ cuerp ni der? Gun cuerp ni der, ndeê walab coz par ub ziêl der, sinu cuerp zeê, ndeê coz ni Ãgyoozh. 20 Gun Ãgyoozh tonaê la ñgyup briib mi der. Orzeê rlagy ñi nu griib zily der mi nu cuerp nir.