1 Corintios 3

1 Der bicy na, ya̱ wangac ne̱e̱ lo der gal nu rne̱e̱ lo de mbecy nu riib ic Espiriit Yon ni Ãgyoozh, sinu mne̱e̱ lo der gal nu rdunii lo de mbecy nu rzu bich nu nac coz nu rlagy ub ziêl. Gun par de coz ni Crisht, na der gal nu na tub mdoo, gun wagad lagy nap der. 2 Ya̱ blyu̱u̱ de coz a̱ê biigy ni der gal nu ricy biñ mñaa ornu rgaagy mi mdoo nim. Gal nu na mdoo miiñ nu wacyiiñ yu gow yu gyit, ni na de ru nu wacyiiñ der nu gyeñ ru de coz biigy ni Crisht. Mas na wagac ne̱e̱ de coz biigy zeê lo der. 3 Gun gabee rzu bich der nu nac de coz nu rlagy ub ziêl der. Ornu ricy der gyel saap lagy, ro zi der riidz nu losaêr. Wagyap riidz ni der. Orzeê rabee nu rzu bich der nu nac coz nu rlagy ub ziêl der. Ricy der gal nu ricy cualcyer la mbecy. 4 Gun ornu tub der rniir: “Ya̱ nac du̱ Baly”, rnii der. Zeê tuubaê der rniir: “Ya̱ nac du̱ Apolos”, rnii der. Orzeê rabee nu ricy der gal nu ricy cualcyer la mbecy, walab gal nu rlagy Ãgyoozh. 5 Tees ¿cyu nac ya̱, Baly? Nunu ¿cyu nac Apolos? De̱ ya̱ nac de̱ yu nu ricy de coz nu rlagy Ãgyoozh. Nunu par nu nac de̱ ya̱, ndeê nu ricy cup der consuel lo Shuaan den. Tub ga la de̱ ya̱ nu riiñ nu ricy de̱, riiñ nu bzeeñ mi ya̱a̱ de̱. 6 Ornu ya̱ mne̱e̱ cyu nac Crisht lo der, orzeê ndeê nañ gal na nu mnuuza̱ tub mbigy nañ lardoo der. Zeê Apolos bdiily yu ya mni zeê ornu blyuuy ni der zañ zir coz ni Crisht. Tees Ãgyoozh, mi zeê biñ nu ricy nu raly ñi ornu ricy nap mi nañ lardoo der. 7 Walab dzi coz ily nac yu nu rnuuz ñi, nunu niê walab dzi coz ily nac yu nu rgyiily ñi. Tees Ãgyoozh zily zir nac mi, gun mi zeê ricy mi nu raly ñi. 8 Yu nu rnuuz ñi, gal nu yu nu rgyiily ñi, tub ziêl nac dey, nunu Ãgyoozh gyabic mi i dey dub gal lac na riiñ nu ricy tub ga la dey. 9 Gun de̱ ya̱ tublaazh la ricy de̱ riiñ nim nu losa̱ê. Zeê de ru na der gal na yu nim, zeê nu ricy de̱ riiñ. O na der gal na tub yuê nu rzaam. 10 Nu nac faboor nu bicy nu Ãgyoozh ya̱, bicya̱ gal nu ricy tub biryu. Ãgyoozh bicy mi nu bzu̱ simient ni yuê zeê, gun ya̱ bzata̱ Crisht lo der loga la. Zeê tuubaê mbecy rshup yu yuê lo simient nu bi zu zeê. Tees tub ga la den rlagy ñi nu nu cuidad shup den yuê zeê. 11 Gun ni tub la mbecy wac gzuy reñaê simient ni yuê nu bi zu zeê, gun simient zeê bi bzu Ãgyoozh ñi, nunu simient zeê, ndeê ub la Jesucrisht. 12 De ub na gac shup na yuê zeê nu zañ lo coz. Mbecy nu tonaê la nap na riiñ ricy, yu zeê nay gal nu na tub mbecy nu shup yuê nu or. Yuê gaêy nay gal nu na tub mbecy nu rshup yuê nu plat. Yuê gaêy nay gal nu na tub mbecy nu rshup yuê nu gyitaê nu dzi sac. Zeê yuê gaê mbecy beñ nap na riiñ nu ricy yu. Yu zeê nay gal nu na mbecy nu rshup yuê nu yag. Yuê gaêy nay gal nu na tub mbecy nu rzaa yuê nu gyizh. Yuê gaêy nay gal nu na tub mbecy nu rguê loê yuê nu yagyi. 13 Ornu shuub dzi nu gri bee Jesucrisht ni dela mbecy, orzeê gyuê bee la na riiñ nu ricy tub ga la mbecy. Gun Jesucrisht gyicy mi preb dela riiñ nu bicy de mbecy, gal nu ricy gyi nu rzaay ñi tub la coz. Orzeê gabe la na riiñ nu bicy tub ga la mbecy, ben a gagyeñ nu wayic ñi lo gyi. 14 Benu de coz nu pshup mbecy lo simient zeê wayic ñi lo gyi zeê, orzeê gyad iy. 15 Tees benu de coz nu pshup mbecy lo simient zeê chic ñi lo gyi zeê, orzeê leew la bicy yu riiñ. Nit lo dela riiñ nu bicy yu, mas ub yu gruu mbañ yu. Tees nay gal na tub mbecy nu ruu chu lo gyi. 16 ¿Walab gaal wagad lagy der nu nac der yuê wedz ni Ãgyoozh, nunu Espiriit Yon nim rcyiiñ mi lat der? 17 Benu tub mbecy gnuy yuê wedz zeê, orzeê Ãgyoozh gnum yu, gun yuê wedz nim ndeê tub coz yon, nunu yuê wedz zeê nim, ndeê de ru. 18 Rlagy ñi nu cueê gaê guu der ub ru. Benu ca na tub mbecy tonaê la yuê shcab niy nu nac de coz nu yuê gyishlombecy ii, orzeê rlagy ñi nu cueê gyicy leêy, sinu gyicy yu ub yu par tub mbecy nu wagad lagy la, gun orzeê gac yu tub mbecy nu rishli yuê shcab ni. 19 Gun shcab nu rzii mbecy nu tonaê la shcab lily, ndeê shcab ton par Ãgyoozh. Gun bi cañ lat de riidz nu bzeeñ mi zeê. Orzeê rniiñ: “De mbecy nu yuê shcab ni dunu dey par nu nac de coz nu rboo ic dey”, rniiñ. 20 Tub seê gaê lat de riidz zeê nim rniiñ: “Shuaan den rad lagy mi nu se la la cyiiñ de coz nu rnii too de mbecy nu dzi yuê shcab ni”, rniiñ. 21 Ndeê nu ni tub la mbecy walagy ñi nu gyicy dey gyel leê niy nu nac ca na mbecy, gun dela coz ndeê par de ru. 22 Ãgyoozh bzeed mi ya̱, Baly, nu Apolos, nu Bed par nu locyuub de̱ der. Nunu bicy mi nu dela coz nu yuê gyishlombecy ii ndeê par de ru. Briic mi gyel mbañ ni der, nunu niê ziêl bicy mi nu nap par de ru mas gat der. Bicy mi nu de coz nu yuê na ndeê nap par de ru, nunu tub tantaê de coz nu chuê par lo. Dela coz zeê bicy mi ñii nu nap par de ru. 23 Nunu de ru nac der ni Crisht. Zeê Crisht nac mi ni Ãgyoozh.