FILIPENSES 4

1 Bets, bzian, ne nlipaa goá¹ rleynie naa to, haxta rzaac naa tebaa laa naa raá¹le lo to; to nac xquieḻbley naa, to nac zig tib premio lo naa por grëtaa xtsiiá¹ Jesús miá¹e beá¹ naa lo to. Laa naa rso diidz lo to, tibaque squi dziits goḻso, ib csaande to zhiwseed Jesús. 2 Rnab naa lo bzian ne Evodia, ni lo bzian ne Síntique glëëlsadraa zho, none tipse gnee zho; sac goá¹ beḻ zho, xnëz Dios no zho grop zho. 3 Ni luu goá¹ bets, ne nac luu zha ne tibaque quiayacnie naa lo dziin ne quiadziuuá¹ ne, laa naa rnab lo luu bnee lo grop wnaa qui gneewen zho stib, sac goá¹ ye zho blactaa miá¹e bded zho zeeá¹e bzënaḻ zho zhits naa biotiiz no Xtiidz Jesús, ni zeeá¹e güeynaḻgaa zho zhits Clement, ni zla zha ne rdziuuá¹gza no dziin. Laa lë zho zhooble leá¹ libr ne quia lë grëse miech ne bgaale guieḻmban ne gdziá¹draa dze lozh. 4 ¡Goḻley sca, tibaque goḻley! ¡Goḻgaá¹ gaá¹le lo Jesús ngab to! Ni rneque naaw stib: ¡Goḻley! 5 Goḻguieá¹ zaacse goḻbannie grëse samiech to, zeeá¹a haxta gzëëb diidz gaá¹le ne nli miech ndzinli, miech ndooladz nac to. ¡Goḻguieá¹ gaá¹le, ile ziaad meá¹ ndzon ne rnabey ne! 6 Teḻ pe nac grë ncuaaá¹e quiaded to, tsode to zhgab, gdziebde to, sinque goḻzodiidznie Dios, goḻsaá¹ grësew ladznia me; per led loxaque gnabdse to, sinque goḻsoladz goḻdeed xquizh lo me. 7 Ni zeeá¹e sca csaá¹ to grë xliaadz to ladznia me, haxta tibliladz guiaaá¹ zdoo to, peet dzeb tsoniedraa zdoo to, peet zhgab tsoniedraa guic to, masaque Jesús nac meá¹ ne nacnie to; grëraa miech ib guieá¹d zho zha nac ne scataa tibliladz rac to. 8 Bets, bzian, nu ne laa naa csiaaḻle guits rii laa naa rnab lo to, miá¹ rii goḻconie guic to: niapse miá¹e nac diidzli, niapse grë ncuaaá¹e nonguieḻ gac, niapse grë ncuaaá¹e rac zigne nac diidzli, niapse grë ncuaaá¹e mbe, niapse grë ncuaaá¹e gleynie miech, niapse grë ncuaaá¹e gley miech gon zho, niapse grë ncuaaá¹e yquiin, niapse grë ncuaaá¹e gzee zdoo miech ni gleynie zho. Grë miá¹ rii goḻconie guic to, ni lëëw goḻtsoxco guá¹ to. 9 Ni goḻguieá¹ goá¹, grë miá¹e pseed naa to, miá¹e psaá¹ naa diidz lo to guá¹ to, grë miá¹e bin to bne naa lo to, miá¹e goá¹ to beá¹ naa, grë miá¹ co goḻtsienaḻ; zeeá¹a scagaa zacnie Dios to ib peet zhgab ctsebdraa to. 10 Ne nlipaa rded naa xquizh lo meá¹ ndzon ne rnabey ne, ni rley naa ne laa to pxeeḻ grë ncuaaá¹e yquiin naa stib. Naá¹ naa ne led biaaá¹ladzde to naa, sac tibaque noxco to dieá¹ zha guá¹ to xyudar naa; sinque bdeedniobda diidz. 11 Rley naa ne laa to psoladz naa, maase niicle nodpaa naa zhgab co dieá¹ pa griee pe yquiin naa, sac pseedle naa peet zienied guic naa niicle teḻ zhataa nodeed naa. 12 Naá¹ naa zha nac guieḻprob, ni naá¹quegaa naa zha nac zeeá¹e quianie ne nroob ncuaaá¹e yquiin ne. Pseedle naa rzac zdoo naa miá¹e nodeedtaa naa, niicle zeeá¹e biodzë zdoo naaw, zeeá¹e rcaabedzgaa naaw; niicle zeeá¹e nroob ncuaaá¹e yquiin naa no, zeeá¹e peet guieá¹dgaa. 13 ¡Grësew rrieelo naa, sacne nacnie Jesús naa, me rneedz xfuers naa! 14 Per wen ga beeá¹ to, pxeeḻ to ncuaaá¹e pquiin naa lëëtaque leá¹ dze ne peet guieá¹d lo naa. 15 Zeeá¹e brie naa nëz xtan zha Macedon i, leá¹ dze ne wriiá¹ psilo noseed naa miech Xtiidz Ndzon Jesús ga, tosaque nac zha ne beeá¹ xyudar naa, beeá¹lo to gon pxeeḻ to lo naa, porne rleynie to dziin rii. 16 Scasaque leá¹ dze ne no naa Tesalónica, blalaa vuelt pxeeḻ to pe pquiin naa. 17 Guiabde to togo bod ne dieá¹ zha ygadraa miech lo naa gane rzetpaa naaw; lëda, sinque rley naa ne squi rala zdoo to rgad to, sac squi nroobraa guieḻnzaac ne ygaa to. 18 Teḻ na goá¹, grële ncuaaá¹e yquiin naa no, haxta nrooblew nu. Ni ne pxeeḻaque to Epafrodit biaadsaá¹ stib nëza, haxta bdedsole goclow lo naa nu. Grëtaa ncuaaá¹e bgad to lo naa, rrieequia naca zig tib gon ne bdeed to lo Dios, zig tib gox ndzon ne sac zdoo me ycaania me. 19 Scagaa niina nagoá¹, grëse ncuaaá¹e yquiintaa to, Dios meá¹ ndzon ne rliladz ne, me gneedza lo to, porne nligaa dib zdoo to rliladz to Jesús; sac goá¹, nroobdoo grë guieḻndzon, grë guieḻnzaac ne rap Dios. 20 ¡Lëë xDios ne ga, me nac Pxoz ne grëse ne! ¡Gotsaa dziuuá¹non ne me sca, mesi gdziá¹d dze ne nitlo xquieḻndzon me! Sca rieguiaḻa. 21 Goḻdeed tib zhibdiuzh naa lo grëse zha ne no xnëz Jesús i, grë zha ne squi noxco mban zigne racladz Dios. Scagaa goḻcaania zhibdiuzh grë zha bets ne, zha ne no lo naa nu. 22 Goḻcaania zhibdiuzh grëse zha ne no nu, zha ne rliladz Jesús; haxta ye grë zha ne rquia dziin lo rey Roma nu, laa zho rxeeḻ zhibdiuzh zho lo to. 23 Jesús, meá¹ ndzon ne rnabey ne; me noxco to, me nonie grë zhizhgab to. ¡Me guá¹lay to grëse to! Pabl