FILIPENSES 3

1 Bets, bzian, goḻley ne laa to ngab lo Jesús meá¹ ndzon ne rnabey. Miá¹e ziesole naa diidz lo to, guieete naa zneque naaw stib, sac ncuaaá¹e yquiingaa lo tow: 2 ¡Ib cxende to lo grë mëcw dox qui! Grë miech ndzinlid ne squi quianzë, racladz zho tsopaa zha bgui bey, sac rzac zho zha ne sca tso bey, ga rlu xnëzle Dios no zho. 3 Saá¹gue ne, ndioá¹le ne zha nac diidzli, zha ne rleynie Dios zigne rsiaab Espíritu Sant guic zho, ni dib zdoo zho ruá¹ zhow, zha co nac zha ne nlipaa no xnëz me. Ne ne nac ne zha ne no xnëz me, Jesús nac meá¹ ne rdziuuá¹non ne, sac ndioá¹ ne por me laa Dios ycaania ne; rnalod ne grë ncuaaá¹e laglaase, 4 sac teḻne scaw; zig nac naa pe zhistaa ncuaaá¹e dzigo zrieelo gnalo naa. Teḻ no zha ne rzac por ncuaaá¹e beeá¹ zho miá¹ co laa Dios csilaa zho; teḻ scaw, nroobraa ncuaaá¹e ziyuá¹ naa lo zho: 5 Xon ngbidz raap naa laa naa biole bey co, zha Israel nac naa, lo xtii Benjamín ziaḻ naa, merpaa zha Israel nac naa; sac niicle pxoz naaw, niicle xniaa naaw zha Israel nac me. Niicle xleygaa zha Israela, nroob pseed naaw, zha farisé goc naa; 6 bleyniedox naa grë miá¹e zienaḻ zha Israel, gacxe waa pquianaḻ naa grë miech ne no xnëz Jesús; zig nac miá¹e raquiet lo ley, grësew beá¹ naaw zigne naca, ib biod dze ne cho zha pe nlisqui lo naa. 7 Lëë grë ncuaaá¹ co rnalo naa leá¹ dze co, saá¹gue niina Jesús rnalo naa, grëse ncuaaá¹ co laaw psaá¹le naa tib lad. 8 Ni led loxaque psaá¹dse naaw tiblad, sinque grësew peet nondraaw lo naa, miá¹e non lo naa niina nacne beeá¹bey naa cho nac Jesús, meá¹ ndzon ne rnabey naa. Niina ne laa naa ruá¹bey me, grëse ncuaaá¹ co rzaac naaw zig rzac ne grë pe guizh beed, sac laa naa racladz gbigraa naa lo me, ni gacnieraa naa me. 9 Zanaḻdraa naa guá¹ naa miá¹e rnabey ley par guiaaá¹mbe naa lo doḻ, sinque laa naa zanaḻ dib zdoo naa gliladz naa cho nac Jesús; sac zha ne dib zdoo rnalo me, saá¹mbe Dios zho lo doḻ. 10 Racladz naa guieá¹raa naa zha nac Jesús, ni gaap naa poder ne pquiin Dios zeeá¹e blische me me leá¹ baa, ye naa teed grë miá¹e bded me, ni cueeladz naa xquieḻmban naa zigne bleeladz me xquieḻmban me; 11 ni scagaa, naá¹paa naa ye naa grieeban gaḻ dze ne guiadbeeban me grë zha ne no xnëz me. 12 Gnid naa togo laa naa beá¹le gan, nasi laa naa nacle zigne racladz Jesús gac naa; led scada, laa naa bii noxcow, sac naá¹paa naa zac naa zigne no guic me gac naa zeeá¹e psilaa me naa. 13 Bets, bzian, gard guá¹ naa gan; per xco co no naa; grëse ncuaaá¹e bded laaw biaaá¹ladzle naa, laa guic naa zienie ncuaaá¹e naraa ziaad. 14 Masaque rzaac naa niina zig rzac zha ne rie prueb lo corr, rded naa fuerz gdziá¹ naa zaatne gneedz Dios zhipremio naa, guieḻnzaac ne rbedz Dios ne ygaa ne zeeá¹e laa ne rliladz Jesús. 15 Ni ib znu none tsonie guic grë zha ne nlipaa dziits zo lo Xtiidz Dios; teḻne nogaa bla zha ne rzac led scada, per Dios gdeed guieḻbiini lo zho guieá¹ zho gaá¹le zha naca. 16 Ni negaa, grë miá¹e rieá¹le ne zha nac, none gban new. 17 Bets, bzian, goḻwi gaá¹le zha mban naa, ni zha mbangaa grë zha ne zienaḻ miá¹e blu no lo to grë to; dzigo sca goḻban. 18 Sac goá¹ nzian zha ne nacgrë to i (blactaale zizet naa zho lo to, ni niina haxta roon naa rzet naa zho stib), laa zho mban zigne racladztaa zho, rlëë zho ron zho pe nac gut Jesús lo cruz; 19 ni nëz ne nitlo zho ga zie zho. Laa ne tsienaḻ zho miá¹e rnabey Dios, laa zho zienaḻ grë ncuaaá¹e gdeed guxt zdoo zho, ncuaaá¹e gdeed guxt xcuerp zho. Loxaque grë ncuaaá¹e mbee guieḻto zienaḻ zho, per zha rlozhd gleynie zhow; niapse grë ncuaaá¹ lo guidzliu rii nonie guic zho. 20 Saá¹gue ne, laa ne zionaḻ ncuaaá¹e ygaa ne gbaa, sac gbaa nac zaatne ngab ne, ni laa ne quiambiaaz guiet Jesús gbaa guiaad me stib (me nac meá¹ ne psilaa miech lo doḻ, me nac meá¹ ndzon ne rnabey); 21 zeeá¹a ctsëë me xcuerp beá¹ wiich ne nu, gaca zig nac xcuerp ndzon me. Ni ib zuá¹ mew, sac nroob poder ne rap me rnabey me grëtaa ncuaaá¹e no.