MARCOS 11

1 Zhile gdziá¹ zho Jerusalén, laa zho zie gax zaatne riaaá¹ guiedz Betfagé ni guiedz Betain, nëz daá¹ squi riaaá¹ Gui Oliv, zeeá¹e bredz Jesús chop xpëëdscuel me 2 rëb me lo zho: âGoḻtsie guiedz win ne ndxie daá¹se lo ne i. Zigne sëëb to lad guiedz, laa tib burr quiadoo ga, ni tib miech gard sob lad ma; dzigo goḻxadz ma, goḻtënie ma nu. 3 Teḻ cho gnabdiidz pe nacne noxadz to ma, dzigo goḻguiab: meá¹ ne rnabey ne meá¹ co rquiin ma, na zigne lozh xtsiiá¹ ma guiaadsaá¹ no ma. 4 Laa zho zie, nligaaw laa zho güeydziel burr co quiadoo ma tib ro nëz, gax tib ro yu. 5 Blalaa zha ne zo ga, zeeá¹e goá¹ zho laa zho noxadz ma, rëbchaa zho: â¿Pe guá¹ to burr qui dzigo na, ne noxadz to ma? 6 Dzigo pquiab zho zigne rëbse Jesús lo zho ga, nacne bdeed meá¹ co diidz laa zho zienie ma. 7 Bdziá¹nie zho ma lo Jesús lëëque lar ne rbix zho pxob zho lad ma, bzobga me ma. 8 Nzian grë miech co zigse zie Jesús, scase scase ner zho rta zho lar ne rbix zho rded me, nogaa zho rchoo nia grë pe yag rdziiá¹ zho zaatne rded me. 9 Grëse zho, niicle zha ne ner lo mew, niicle zha ne naḻ zhits mew, rley zho nguiedz roptsie zho, rnee zho: â¡Zha ndzontaa meá¹ qui pxeeḻ Dios lo ne! 10 ¡Zha wentaa ziaad me gac me zhirey ne! ¡Me gnabey zigne bnabey pxozgol ne rey David! ¡Zha ndzontaa Dios ne zob gbaa! Sca nguiedz roptsie zho rleynie zho me, laa me bdziá¹ Jerusalén. 11 Bdziá¹ me Jerusalén, güey me güeyso me leá¹ yadoo. Blozhse bui me dipse leá¹ yadoo, laa me brieeque ga laa me zie nëz Betain grë xpëëdscuel me, sac bdzele dzew. 12 Biini liu, loxaque zieriee zho Betain laa me psilo rcaabedz. 13 Zitlaa ziaad me goá¹ me tib zhan yag guigw, nxii nac low zëëb zhiblaga; dzigo zie me zieso me dieá¹ pe gdzield tib guigw low gow me. Bdziá¹ me zaatne zoba, ni tib guigw guieá¹d low loxaque zhiblagsew scataa zëëb, sac gardpaa gdziá¹ mëë ne rquia guigw. 14 Dzigo rëb me lo yag guigw co: â¡Squitaa nagoá¹ guiaaá¹ luu! ¡Gdziá¹draa dze yquia nex lo luu gow miech! Grëse xpëëdscuel me, bin zho sca bnee me lo yag co. 15 Bdziá¹ zho Jerusalén, bzëëb me leá¹ yadoo. Psilo me blee me grëse miech ne quiayuá¹ lgui ga, zigtaa zha ne no wtow, zigtaa zha ne no wziw. Grë zha ne no wto palom, grë zha ne notsëë dimi, ptiixche me xmezh zho. 16 Blozh ga, pso me diidz choot nodraa sëëbnie grë ncuaaá¹ co leá¹ yadoo, 17 rëb me lo zho: âLed znu goá¹ rnee lo Xtiidz Dios: “Zaatne nac lidz naa nu, nu guiaad grëse miech ne ndxie lo guidzliu sodiidznie zho naa.” Laa to goá¹ quiayuá¹ to lugar rii zig tib zhibliee ngbaan. 18 Grë zha ne nac pxoz nroob ni grë zha ne rnabey lo maistr ley, bin zho sca rëb me, dzigo psilo zho rguib zho dieá¹ zha gdeeda diidz gut zho me. Per rdzieb zho lega gnaaz zho me, sac ndal miech ne rley rquiaadiag zhiwseed me. 19 Zeeá¹e laa liu pcow, laa me wbique Jerusalén stib grë xpëëdscuel me. 20 Biini liu co, laa zho zieded zaatne zob yag guigw ne sca güeyguib me nex lo ga, goá¹ zho laaw bidzle dib low. 21 Dzigo beeá¹csoladz Pedr mew, rëb Pedr: âMaestro, bui gaá¹le laa yag guigw ne bdzibdee luu ga bidzle. 22 Pquiab me rëb me: âZha ne dib zdoo rnalo Dios, 23 gneli naa lo to gaá¹le: Niicle ncuaaá¹e mazdraa ngaá¹ gnab zho lo me, zuá¹ mew; lëëraasi none dib zdoo zho gliladz zho zac miá¹e rnee zho, ni palal gacchopd guic zho. 24 Goḻgona sca gaá¹le, grëse ncuaaá¹e gnab to lo Dios, dib zdoo to goḻliladz ne zneedz mew, dzigo sca zac miá¹e rnab to. 25 Ni zeeá¹e gnab to lo Dios, goḻsoladz dieá¹ pe no cho rlëënie to, dzigo goḻguá¹ zho perdon; zeeá¹a scagaa, Pxoz to meá¹ ne zob gbaa zuá¹ me to perdon teḻ pe nactaa xtoḻ to. 26 Sac teḻne guá¹de to samiech to perdon, dzigo niicle megaa, guá¹d me to perdon. 27 Blozh ga, laa zho bdziá¹aque Jerusalén stib. Lëëtaaque laa Jesús quiawi dib leá¹ yadoo, zeeá¹e bdziá¹ bla zha ne nac pxoz nroob, bla zha ne nac maistr ley ni zha ne nac meá¹ non lo meá¹guiedz, 28 rëb zho lo me: â¿Cho dieá¹ nac luu ne squitaa ziaadnabey luu leá¹ yadoo? ¿Cho rnabey luu? 29 Pquiab me rëb me lo zho: âLaa naa guá¹ tib wnabdiidz lo to. Teḻne stsire to low, dzigo gni naa lo to gaá¹le cho rnabey naa ne laa naa noyuá¹ grë ncuaaá¹e noyuá¹ naa. 30 Goḻnë dieá¹, ¿cho pxeeḻ Juan biaad me pchoobnis me miech? ¿Pe Dios pxeeḻ me, te miechsew ye? 31 Psilo zho rnabdiidzlsa zho, rnee zho: âTeḻne dzieets ne Dios pxeeḻ Juan, dzigo laa me gnë: “¿Pex nac dzigo waa bliladzde to miá¹e bnee Juan?" 32 Teḻ na dzieetsgaa ne: “Miechse pxeeḻ Juan, grieequiadaque ne.” Rdzieb zho niab zho miech pxeeḻ Juan, sac grëse meá¹guiedz naá¹ ne nli Dios pxeeḻ Juan biadteed Juan xtiidz Dios lo miech. 33 Dzigo mazd miá¹e beeá¹ zho, rëb zho: âNdioá¹d no dieá¹ cho pxeeḻ Juan. Dzigo rëbchaa me lo zho: âNiicle naagaa nagoá¹, grieelod gni naa lo to cho rnabey naa quiayuá¹ naa grë ncuaaá¹ rii.