1 PEDRO 5

1 Laa niina nagoá¹, laa naa cso choplan diidz lo to, ne nac to zha ne rnabey lo grë zha ne no xnëz Jesús. Ye naa, dziin co nac naa, naa nac tib zha ne goá¹paa zha psacsi zho Jesús, ni naá¹paa naa zgaa naa lo guieḻndzon ne no me, zaatne rnabey me, gaḻ dze ne laa me guiaad. 2 Rso naa diidz lo to goá¹, zaacse goḻquianap grë zha ne bgaa to noquianap to. Dib zdoo to goḻguá¹ dziin qui, sac sca racladz Dios, ib tsienied guic to guiab to dieá¹ zha lega cob to dimi lo zho. 3 Guá¹de to ne gnabey to zho zig cho xmoz to, sinque zaacse goḻgac lo zho, zeeá¹a lo to cseed zho zaacse gban zho. 4 Scagaa, zeeá¹e laa meá¹ nroob ne quianap ne guiaad, zgaa to lo guieḻndzon ne gneedz me, lugar co gac tib premio ne gdziá¹d dze lozh lo to. 5 To ne nac to zha nguieg, goḻgon xtiidz grë zha ne zo rnabey lo to. Tib tib to, goḻgon xtiidz zha ne nacgrë to, sac goá¹: “Grë zha niats, rdziguiend Dios zho, saá¹gue grë zha ndooladz, racnieá¹ me zho." 6 Teḻne guiaaá¹win to lo meá¹ ro ne nac Dios, iá¹e ndooladz gac to lo me, scagaa me zuá¹non me to zeeá¹e laa dze co gdziá¹. 7 Teḻ pe nactaa grë zhizhgab to, grë xliaadz to, ladznia me goḻsaá¹a, sac goá¹ me quianap to, noxco me to. 8 ¡Nsin goḻso lo meá¹dox, sac goá¹ tibaque quianaḻ ma gnitlo ma ne! Masaque rac ma zig rac grë meedz ne rgobeedz quiaguib ma ne gow. 9 Dziits goḻso gdeete to diidz yquiil ma to. Tibaque dib zdoo to goḻnalo Dios. Naá¹le to gaá¹le dipse lo guidzliu, zha ne notaa xnëz me, scaque quiaded zho. 10 Teḻ pe nactaa guieḻnë ne noyaá¹ to, ible csaand Dios to sacne rleyniedox me to, zeeá¹e laa dze co gza, hor co laa me gzhixcuaaraa lo xquieḻmban to, gzodziits me to, guá¹tibli me guic to. Me nac meá¹ ne bredz ne ygaa ne lo guieḻndzon ne no me grop me Jesús, guieḻndzon ne gdziá¹d dze nitlo. 11 Mese nac meá¹ ne rnabey grëtaa ncuaaá¹e no, ni gdziá¹d dze ne gdzëë me. Nligaa sca nac me. 12 Laa naa rxeḻ guits rii lo bets ne Silas, ziaadnie mew lo to, bets ne rne naa me, sac nligaa dib zdoo me rleynie me Dios. Miá¹e rne naa lo to lo guits rii, laaw rne naa sac racladz naa guieá¹ to gaá¹le pa lotaa noxco Dios to, pa lotaa rleynie me to; zeeá¹a tiblique gac to gbichede to lo me. 13 Grëse zha ne rliladz Jesús Babiloin nu, zha ne bzooblo Dios gac xpëëd me zigne bzoobloque me to, laa zho rxeeḻ bdiuzh lo to; scaque Marcw, meá¹ ne rzaac naa nu zig tib xpëëd naa, ye me laa me rquiaabdiuzh to. 14 Laa naa rnab lo to, goḻquiaabdiuzh grëse zha ne nacgrë to, iá¹e goḻxeá¹ nia zho. Dios gacnieá¹ to peet zhgab ctsebde to, nac to zha ne no xnëz Jesús. Pedr