Tito 2

1 Pero liêilu Tito, uzeêteê bee bene tucu nú neca Stichiaê Diose. 2 Uzeêteê bee niyu enu unguxu nú huañi nzeêca beella, nú riêi beella elliebacuê nú sibiê para nú luêcu bee bene ulaêna lubeella. Nu riala nú chenala beella Stichiaê Diose tucu nú rialane, nu zeca beella bee saê beella, cuna nú riquiê beella lu xitse nú seca beella. 3 Leêca scua bee unaêa enu unguxu rquiêña nú huañi beella tucu nú riala nú huañi bee beneê Jesucristo. Nu la yala nú aca niquichiaê beella, nula aca beella uniqui. Rquiêña nú zeteê beella lubee bene nú xa huañi nzeêca bee bene, 4 cuna nú nibeella bezeteê lubee unaêa enu nereêneêlá, nú zeca beenchu niyuê beenchu cuna bee enduê beenchu, 5 nú huañi nzeêca beenchu, cuna nú riêi beenchu elliebacuê nzeêca, cuna nú riêi ucu beenchu niêi beenchu cuna nú aca nzeêca beenchu, nu zucuê beenchu stichiaê niyuê beenchu para nú lecati ni cundra Stichiaê Diose. 6 Leêca scua liêilu Tito, uniê bezeteê lubee niyu enu nereêneê nú huañi nzeêca beei. 7 Uriêi nú acalu tucu ejemplu lubeei para nu lañiê beei xa nehuañilu, nu scua riêi beei lunú neca nzeêca. Chenu seteêlu liêibeei, uzeêteê nzeêca liêibeei tucu nú rialane, 8 cuna puro bee bedichiaê nzeêca, che lecaxi ricuêquiya bee bene liêilu, nu scua tuê titse bee bene enu rriêi cundra liaêahua xne lecaxi llelaê beei nú ricuêquiya beei liaêahua. 9 Leêca duêlu ana arquiê bee bene enu rriêi riñaê stucu bee bene nú zucuê beei ye nú rni patronê beei, cuna nú aca nzeêca beei nu la zucuê ruêu beei lubeella. 10 Nu la cachiêbeei bee steneê bee patronêbeei, riêitsia beei riñaê tucu nú la nchiñi nú necha neca elliebacuêbeei, para nú lañiê ye bee bene nú xa nehuañi beei nu chiquiê ñia neca bedichiaê nzeêcaê Paêahua Diose enu utsilaêa liaêahua. 11 Xne ulubeêla Diose nú ñia necanu, nu equie nú ñia necanu scua, nuê modo tsilaêanu ye bee bene. 12 Nu scua rriaêahua beyaê nú rquiêña nú tsanaê arquiaêahua beenú necha neca, cuna ye beenú lecaxi zibiê nú niarquiaêahua riaêahua lu iliulabequieê para nú huañi nzeêcaêahua nu riaêahua lunú neca nzeêca, tucu nú niarquiê Diose nú huañiaêahua, 13 diqui nú nelluaêquieêahua nú riña bichia nú ñia neca nú yalu stichiaênu tucu nú uninu luaêahua nú nzeêta zeca Diose Paêahua Jesucristo cuna poderênu, liêinu enu utsilaêa liaêahua. 14 Liêinu ungutinu equie cuendaê stulaêahua nu utsilaêanu liaêahua lu ye bee dula, nu uquieenu arquiaêahua para nú acaêtsiaêahua bee beneênu, cuna nú nuê ana arquiaêahua riêahua puro nú neca nzeêca. 15 Ye nú unilá lulu uzeêteê liêibeei. La lliquilu udeêteê elliebacuê beei, nu cuna nú rnibiyaêlu uniê lubeei nú huañi nzeêca beei para nú lecati huachu stichiaêlu.