Apocalipsis 2

1 ‘Nee uquieêe bee bedichiaê nú xeêlalu lu bene enu rnibiyaê lubee benea enu nucuaêa eyeche Efeso: “Ninguieê uni liêinu enu see labe achi bee candelero de oro, nu enu nzene achi belaa ya chube, liêinu rninu luhua: 2 Liêá nediyaa ye lunú rriêihua, nu nediyaa nú chiquiê fuerte riñaê nú rriêihua, nu leêca nediyaa nú la llacaêhua lunú rriêihua. Nu leêca esquie nediyaa nú la riquiêhua bee bene enu necha rriêi. Leêca udeteêhua preo bee bene enu rni nú neca apóstol pero laca beei apóstol, nu uriêihua beyaê nú puro eluquichiaê rnibeei. 3 Liêá nediyaa nú rluêcu arquiêhua nu nehuana ulleêcahua equie cuendaa nu lá llacaêhua. 4 Pero nuê tucu nú la yuê arquia rriêihua, nú la zecaêhua liêá tucu nú secahua liêá hasta huaêtu. 5 Ulluêcu arquiêhua xneca uzecahua liêá hasta huaêtu nu xneca rriêihua nee. Ucheêehua arquiêhua lunú rriêihua, uriêihua tucu nú rriêihua hasta huaêtu, xne canu chu liquia castiya luhua nu che la acaêhua tucu ejemplu lubeelá bee bene, tunu la cheêehua arquiêhua lunú necha rriêihua. 6 Pero nuê tucu nú neli rriêihua tucu nú rialane, nú rana arquiêhua nú rriêi bee bene nicolaítas, tucu nú leêca rana arquia nú rriêibeei. 7 Bee bene enu niarquiê yeneê, uyeneêhua lunú rni Espíritu Santo lubee benea: “Bee bene enu rriêi ana lu dula, liêá detea nú aculla ndixi nú rayu lu aca nú rliquiê nú nehuañi bene nzucu liñibe elu nzucu Diose. Bedichiaê nú uni Jesucristo lubee beneênu enu nucuaêa." 8 ‘Nee uquieêe bee bedichiaê nú xeêlalu lu bene enu rnibiyaê lubee benea enu nucuaêa eyeche Esmirna. Nu singuie quieêelu: “Enu rnibiyaê desde chenu uquixie iliulabe, nu la laxu nú rnibiyaênu, enu unguti nu uhuañi zeca, liêinu rninu luhua: 9 Liêá nediyaa xneca nehuana secahua equie nú nuê xi rriêinu bee bene liêihua, nu leêca nediyaa nú secahua elitsi añinzuca nú liêihua necahua xene equie nú nuêlulahua inziuê Diose. Nu leêca nediyaa xneca seêta bee bene liêihua, liêibeella enu rni nú neca bee bene Israel nu neca bee beneê Diose, añinzuca nú liêibeella neca beella bee beneê bezeêlu. 10 La lliquihua lunú nehuana secahua, xne bezeêlu riêi nú duê bee bene chiucu chunahua niêcuê para nú scua aca achee tunu neli nú nzenalahua inziuê Diose. Nu chiêi bichia nehuana zecahua, nu utsutaê arquiêhua lua hasta chenu atihua che liquia elunehuañi nú leca xunga laxu luhua. 11 Bee bene enu niarquiê yeneê uyeneêhua lunú rni Espíritu Santo lubee bene enu neca bee benea: Bene enu riêi ana nú la riaê dula la zecaê nzeêe castiya nú neca xi neca eluti rrucu, nú zeca bee bene." 12 ‘Nee uquieêe bee bedichiaê nú xeêlalu lu bene enu rnibiyaê lubee benea enu nucuaêa eyeche llene Pérgamo. Uquieêe: “Liêinu enu nzene espada nú chiquiê nelatsa rucu ruêu, Liêinu rninu luhua: 13 Liêá nediya nú eyeche elu nucuaêahua bezeêlu neca enu rnibiyaê zeêe. Pero mase nú scua necane liêihua nzutaê arquiêhua lua nu la tsanaê arquiêhua nú nzeli arquiêhua liêá niê bee bichia nú unguuti bee bene tucu bene enu lee Antipas, tucu bee saêhua enu lá tsanaê arquiê nú nzeli arquiê liêá, liêilla enu unguuti bee bene eyecheêhua elurnibiyaê bezeêlu. 14 Pero nuê chiucu chuna beenú la yuê arquia rriêihua. Nu necane nú leêcatsia letahua nucuaêa bee bene enu la tsanaê arquiê bedichiaê nú uzeteê Balaam bee bene, nu Balaam uduê arquiê Balac nú xneca duêlla arquiê bee bene Israel para nú acubeella elubacu nú rdeteê bee bene uêna lubee enu laca diose enu nehuañi nu para nú riêibeella xitse clasiaê eluhuexe. 15 Leêca letahua nucuaêa bee bene enu la tsanaê arquiê nú rriêi tucu nú rriêi bee bene enu lee nicolaítas. 16 Enzeêe tsanaê arquiêhua beenú rriêihua, xne tunu la cheêehua nú xneca nehuañihua, la leaê detea castiyahua cuna espada nú xiuêu ruêa. 17 ¡Bee bene enu niarquiê yeneê uyeneêhua lunú rni Espíritu Santo lubee benea! Bee bene enu uriêi ana lu dula, liêá detea maná aculla, elubacu nú nuê liñibe, nú nuêcheê aêchiê. Nu leêca detea yalla tucu quiee meê nú niquichi elu nequie nombreêlla nú necuqui nú lecati riêi beyaê, sino que enu atiêtsia quiee cuaê riêi beyaê nucuaê." 18 ‘Nee uquieêe bee bedichiaê nú xeêlalu lu bene enu rnibiyaê lubee benea enu nucuaêa eyeche Tiatira: “Ninguieê neca nú rni Lliêñi Diose, enu rulu siquiê iêculu xi rulu icuê nú lee bronce chenu netsee lu quii: 19 Liêá nediya luye nú rriêihua, nu nediyaa xneca secahua liêá, nu xneca nzeli arquiêhua liêá, nu nediyaa lu ye beenú rriêihua por liêá, nu nediyaa nú la llacaêhua xne másela rriêi nzeêcahua nee luquela huaêtu. 20 Pero nuê tucu nú la yuê arquia rriêihua nú rriquiêhua Jezabel, unaêa enu rni nú rixiuleêe Stichiaê Diose. Nu selahua nú sequienunchu bee benea nu rduênchu arquiêbeella nú riêibeella eluhuexe, nu racubeella bee elubacu nú udeteê bee bene uêna lubee diose enu la nehuañi. 21 Liêá udetela tiempo para nú chiecuê arquiênchu stulanchu nu chili arquiênchu Diose, pero la zelanchu. 22 Enzeêe nee riêá nú aca ritinchu nu utanchu lu luna. Nu utia bee lliêñinchu, cuna bee bene enu nehuañi tucu nú nehuañinchu, tunu la tsanaê arquiêbeei nú nehuañibeei tucu nú nehuañinchu, 23 nu riêá nú chiquiê nehuana zecabeei. Scua ye bee benea riêi beyaê nú liêá nuêlua elliebacuê bee bene cuna xi saê arquiêbeella. Nu liêá liquia lu cada tucuhua equie nu xa uriêi cada tucuhua. 24 Pero beelá bee benea enu nucuaêa eyeche Tiatira, bee enu la chenala lunú uzeteê Jezabel bee bene, liêihua enu rni nú la chululi lunú aêchiê neca lu cuendaê bezeêlu, equie nú la riêi casohua nucuaê la luêcuaêa stucu nú nia luhua. 25 Tucutsia nú nia luhua, utsutaê arquiêhua lunú nzelila arquiêhua Diose hasta bichia nú riña zecaa stucu bese lu iliulabe. 26 Bene enu la riaê dula nu sucuê nú rnia ye tiembu nú nehuañilla, liêá detea nú rnibiyaêa lulla para nú nibiyaêlla lubee bene iliulabe chenu riña bichia zeêe. 27 Scua tucu nú uliquiê Paa lua nú rnibiyaêa, leêca scua liquia nú nibiyaêhua lubee bene xi neca tucu bene enu nzene tucu vara nú neca hierro, xi neca chenu rleêe bene tucu etsu scua riêinunu bee bene enu lá niarquiê azucuê nú rniru, 28 nu leêca detea belaa enu lee lucero rliñi silaê lubeella. 29 Bee bene enu niarquiê yeneê, yeneêhua lunú rni Espíritu Santo lubee bene enu neca bee benea."