San Marcos 5

1 Chenu uriña beella stucu chú inzatuê zeêe, lu yuêu bee bene eyeche Gadara. 2 Hora nú uchiuêu Jesuse liñi barco zeêe uyachaêcalu tucu niyu enu nchiñi benechiquiê arquiê liêinu, uchiuêu niyu quieê liñi pantiuñi. 3 Xne siempre nehuañi niyuquieê leta bee eluhuaê bee bene nguti. Nu lecati riêi ana lui, mase nú ullicaêcuu bee bene liêi cuna cadena. 4 Huaxi bese ullicaêcuu bee bene cadena yai cuna cuchiuêi, pero chu uchiecuêi cadena nu unga pedasue, nu lecati riêi ana lui. 5 Bichia si rulaê enzei leta bee eluhuaê bee bene nguti cuna liñi dañi, rixialii nu uchiecuêi liêi cuna quiee. 6 Pero chenu ulañiêi Jesuse, nú entanu istuscaê chequie xexuêi nze chaêcalui liêinu, nu chu utsulliquii lunu. 7 Che juerte urixialii nu uni: â¿Xinu riuêulu cuna liêá Jesuse lliñi Diose liñibe? Ziquia lulu nú la duêlu nú nehuana zecaa. 8 Uni niyucuaê scua, xne rnila Jesuse nú rninu: â¡Benechiquiê uchiuêu arquiê niyu cuaê! 9 Chequie unidichiaê Jesuse lu niyu zeêe nú uninu: â¿Ti leelu? Che ucuaqui niyu zeêe: âLiêá lea Legión xne huaxi necaru. 10 Chiquiê uziquiee niyu zeêe lu Jesuse, para nú la xeêlanu bee benechiquiê zeêe enza istu luhuare zeêe. 11 Axu dañi zeêe nucuaêa huaxi bee cuchi enu racu bee huañi. 12 Chequie uziquiee bee benechiquiê zeêe lu Jesuse nú unibeei, uzela nú chuêuru arquiê bee cuchi cuaê. 13 Che uzela Jesuse nú uchiuêu bee benechiquiê arquiê niyu zeêe, nu uyuêu beei arquiê bee cuchi. Neca bee cuchi quieê tucu chiucu mili beeí. Nu uyecaxuêu beeí nu utsundiqui beeí ruêu qiuee laa nu uzanaê beeí hasta lu inza nu chu unguti beeí lu inza zeêe. 14 Hora zeêe uyecaxuêu bee bene enu rriucu bee cuchi zeêe nzetixiuleêe beei lubee bene eyeche zeêe cuna lu ye bee bene enza zeêe lunú unga. Che uyabiêya huaxi bee bene lunú unga zeêe. 15 Chenu uriña bee bene zeêe elu nzu Jesuse, ulañiê beei nú uyecaêlaê niyu enu ulletse benechiquiê arquiê cuna nú nutulai xucui nzucui zeêe. Nu chiquiê ulliqui bee bene zeêe. 16 Che bee bene enu ulañiê nú xa unga lu niyu enu ulletse benechiquiê arquiê cuna nú xa unga lubee cuchi, udixiuleêe beei nucuaê lu beelá bee bene. 17 Chequie uquixie beei nú uziquiee beei lu Jesuse para nú chiuêunu lu iliuêbeei. 18 Chenu nze chuêu Jesuse liñi barco uyabica niyu enu ulletse benechiquiê arquiê lunu, nu uziquiei lunu para nú chenunu liêi. 19 Pero né zela Jesuse nú chenunu niyu zeêe nu uninu lui: âUyaêa niêilu para nú zucunulu bee beneêlu, nu ixiuleêelu lubeei lu ye nú uriêi Diose cuna liêilu, nu cuna nú uhuaêa arquiênu liêilu. 20 Chequie chu nza niyu zeêe, nu uquixiei udixiuleêi lubee bene lu iliu Decápolis, lu ye nú uriêi Jesuse lui. Che ye bee bene zeêe uyanu arquiê lu cuendaê nucuaê. 21 Chenu uriña zeca Jesuse stucu chu inzatuê zeêe liñi barco, uyetesaê huaxi bee bene lunu zeêe. Che uyaênanu ruêu inzatuê zeêe. 22 Chequie uriña tucu bene enu rnibiyaê liñi induê bee bene Israel lunu, leella Jairo. Chenu ulañiêlla Jesuse utsu lliquilla lunu. 23 Nu chiquiê uziquieella lunu nú unilla lunu: âMero ati endua chaa nee ricuêlu yalu equie endua para nú yecaênchu nu la atinchu. 24 Che nzenu Jesuse liêilla enza niêlla nu nzequiee huaxi bee bene liêinu hasta nú utaêcu bee bene liêinu zeêe. 25 Leta bee bene zeêe nza tucu unaêa enu riti, ungala chiêchiucu lana nú rlaca rene liêinchu. 26 Chiquiê nehuana ulleêca unaêa quieê nu uyanchu lu huaxi bee doctor, hasta nú ulaêxunchu ye bee steneênchu ungüitinchu. Pero né aca bee doctor a riêiyeca liêinchu, aêla mase rriêi elichiaênchu. 27 Enzeêe chenu ubeneê unaêa quieê lu cuendaê Jesuse, che uyabicanchu diêchinu leta bee bene nu utiênchu yanchu tsuê xucunu. 28 Xne uriêinchu elliebacuê: “Tunu tiêyaa tsuê xucunu, scua yecaa uriêinchu elliebacuê." 29 Hora zeêe utsuxee nú rlaca rene liêinchu nu utsiênchu nú uyecaêlaênchu. 30 Che uriêi Jesuse beyaê nú uriyecanu tucu bene cuna poderênu, nu ubelletanu ubiêyanu lubee bene zeêe nu uninu: â¿Ti utiê yaa tetsuê xucua? 31 Nu uni bee beneê Jesuse lunu: âNediyaêlu nú nucuaêa huaxi bee bene caêa rtaêcu liêilu: ¿Xinu rnidichiaêlu nú tii utiê yaa tsuê xuculu? 32 Pero riêyascaê Jesuse diqui abenchilaênu para nú lañiênu tii utiêyaa tsuê xucunu. 33 Chequie chiquiê reca tseêtse unaêa zeêe nú xiquinchu xne nediyaênchu lunú uriêinchu, nu uyabicanchu lu Jesuse, che chu utsu lliquinchu lunu, nu uninchu ye nú ulleêcanchu lunu. 34 Che uni Jesuse lunchu: âEndua lunú uchili arquiêlu liêá enzeêe uyecaêlu, uquiaêa nu la lliquilu uyecaêliêlu elichia nú ulleêcalu nee. 35 Rniscaêla Jesuse lu unaêa zeêe chenu uriña bee bene enu nucuaêa niêi Jairo nu unibeei lu Jairo: âUnguutila enduêlu nee. La niaêlu lu maestro. 36 Pero chenu ubeneê Jesuse lunú uni bee bene zeêe. Che uninu lu Jairo: âLa lliquilu uchilitsia arquiê liêá. 37 Pero né zela Jesuse a chaa bee bene zeêe cuna liêinu niê Jairo. Nzenutsianu Pedro, cuna Jacobo cuna Juan bichi Jacobo. 38 Chenu uriña beella niêi Jairo, ulañiê Jesuse nú nixi bee bene nu rixiali beei cuna nú runaê beei. 39 Chequie uyuêu Jesuse liñi niêi Jairo nu uninu lubee bene zeêe: â¿Xinu nixihua cuna nú runaêhua? Né ati enduê quieê ratse tsianchu. 40 Pero ulliêchinuu bee bene zeêe liêinu, nu unibiyaênu nú chiuêu ye bee bene zeêe eliêyaê, nu uyuêu nutsianu paê enduê zeêe cuna naênchu cuna bee beneênu elu nchiucuênchu. 41 Che unaêtse Jesuse ya enduê zeêe, nu uninu lunchu: âTalita, cumi ârni bedichiaê quieê: Enduê, nia lulu nú, uzetee nee. 42 Hora zeêe uzetee enduê zeêe nu utseenchu, nza enduê quieê chiêchiucu lana, che chiquiê uyanu arquiê yebee bene zeêe nucuaê. 43 Pero unibiyaê Jesuse nú la ixiuleêe beella lu niê tucu bee bene nú ungae scua. Leêca unibiyaênu nú deteê beella nú acu enduê cuaê.