San Mateo 6

1 ‘Ubiêyahua nu la riêihua lunú neca nzeêca lubee bene para nú lañiêtsia beei lunú xa rriêihua. Xne tunu rriêihua scua, paêhua Diose enu nzucu liñibe lecaê xi liquiênu luhua. 2 Enzeêe chenu rriêilu elietsa lubee bene enu rquiêña elietsa, la tiêchia dichiaêlue para nú acabiyaê bee bene nú xi rriêilu, xi rriêi bee bene enu nequichiaê liñibee indu cuna labe inziu para nú zucuê aya bee bene liêibeei, pero liêá nia luhua nú nucuaê neca premioê beei. 3 Enzeêe chenu rriêilu elietsa lubee bene enu rquiêña nú riêilu elietsa lu, la tiêchia dichiaêlu nucuaê lubee bene, pero niê lu bene enu máse rquieteêlu la nilu nú rriêilu. 4 Mase neca nzeêca nú liêitsialu nediyaêlu lunú rriêilu, nu Paêlu Diose enu riêya lunú liêitsialu rriêilu, liêinu liá liquiênu premio nú rialalu. 5 ‘Nu chenu nacuêhua lu Diose, la riêihua xi rriêi bee bene enu nequichiaê, nú riuê arquiêbeella nú nzulí beella rnacuê beella lu Diose liñi bee indu, nu bee squiñia inziu para nú lañiê bee bene lunú rriêi beella. Xne liêá nia luhua lunú rriêi beella scua nucuaê neca premioê beella. 6 Pero liêilu chenu nacuêlu lu Diose, uyuêu liñi niêi, nu utsaêcu puerta nu unaêcuê lu Diose enu nzu cuna liêilu. Nu liêinu enu riêya lunú liêitsialu rriêilu, liêinu lia liquiênu premio nú rialalu. 7 ‘Chenu rnacuêlu lu Diose, la nilu bee bedichiaê nú la zibiê huaxi bese, xi rriêi bee bene enu la chulu Stichiaê Diose. Xne seca beella nú tunu huaxi bese rni beella tucu bedichiaê che máse riêi caso Diose nú rni beella. 8 La riêihua tucu nú rriêi beella, xne paêhua Diose nediyaêlaê xi rquiêñahua ante nú nacuêhuane lunu. 9 Enzeêe chenu nacuêhua lu Diose uniêhua: Pa Diose liêilu enu nzucu liñibe, Chiquiê riala nú luêcuru ulaêna lunú leelu. 10 Nu yeêta nú rnibiyaêlu luru. Nu aca tucu nú riuê arquiêlu lu iliulabe, tucu nú reca liñibe. 11 Uliêquiê elubacu nú daêcuru yebichia. 12 Nu uriêi perdona nú necha rriêiru tucu nú leêca rriêiru perdona bee bene enu necha rriêi luru. 13 La zelalu nú riêiru dula, sino que uriêi elietsa luru para nú la riêi ye beenú necha neca ana luru. Xne liêilu rnibiyaêlu, nu liêilu rluêculu poder, poder nú leca xunga laxu. Amén. 14 ‘Xne tunu rriêihua perdona bee bene enu rriêi nú necha neca luhua, leêca scua Paêahua Diose enu nzucu liñibe riêi perdona liêihua; 15 pero tunu liêihua la riêihua perdona bee bene enu rriêi nú necha neca luhua, leêca la riêi Diose Pa liñibe perdona stulahua che. 16 ‘Chenu la acuhua equie nú rluêcuhua ulaêna lu Diose, la ricuê nehuanahua luhua tucu nú nehuana reca lubee bene enu nequichiaê, rriêi beei scua para nú lañiê bee bene nú la acu beei equie nú rluêcu beei ulaêna lu Diose. Pero liêá nia luhua nú nucuaêtsia necala premioê beei. 17 Pero liêilu, chenu la aculu equie nú rluêculu ulaêna lu Diose, udiêñi nu uriêcucheê equielu, 18 para nú la riêi bee bene beyaê nú la aculu lunú rluêculu ulaêna lu Diose. Tucutsia Pa Diose enu nzu cuna liêilu liêitsianu riala acabiyaênu lunú rni liêitsialu, nu liêinu liquiênu premio nú rialalu. 19 ‘La laênahua nú luêcuhua huaxi eluxeneêhua lu iliulabe quieê, elu acu bee belalaêe nu nitilue, nu chuêu bee huanaê cachiê bee. 20 Mejora ucuaênahua nú riêihua ana eluxene nú nuê liñibe, elu leca bee belalaê para nú acune, nu leêca lecaxi nitilu zeêe nu la chuêu bee huanaê zeêe para nú cachiêi. 21 Xne lu eluxeneêhua zeêe nzu arquiêhua. 22 ‘Iêculuaêahua neca xi neca ellieêe lu cuerpoêahua, nu tunu rriêi bene lunú neca nzeêca, diqui cuerpoê bene nuê ellieêe, 23 pero tunu rriêilu lunú necha neca, diqui cuerpoêlu neca xi neca nú nzu leta xcabe, ¡Leta xcabe nú naatsacabelí! 24 ‘Niê tucu mosoê leca modo riêi riñaê lu chiucu patrón, xne leei lu tuculla, nu stuculla zecai, urre riêi nzeêcai lu tuculla, nu lu stuculla la riêi nzeêcai. Enzeêe leca modo nú zibiêhua lu Diose nu tsu arquiêhua lu dimi. 25 ‘Liêá nia luhua: La chenu arquiêhua lunú xi acuhua cuna nú xi hueêhua para nú huañihua. Leêca la chenu arquiêhua lu cuendaê xucuhua nú utuhua. Máse seca lunú nehuañi bene luquela nú racu bene, nu cuerpoê bene máse seca luquela xucu bene. 26 Biêyacuruhua bee iñi enu rcuecuê liñibe. La duê beeí nii nula riêi beeí ulaêcu, nu la luêcu beeí elu chucheêe, pero Paêahua Diose enu nzucu liñibe lia rdeteênu nú racu beeí. ¿Enzaláquieê liêihua nú másescaêlá secahua luquela bee iñi? 27 Nu leêca esquie, ¿xieê lianú máse chiquiê nzenu arquiêhua nú duñilahua lleêna la? 28 ‘¿Xinu nzenu arquiêhua lunú xi utuhua? Ubiêyacuruhua xa rruêcu bee quie dañi, la riêi bee riñaê nu la recheêe xi utune, 29 pero niê arre Salomón luye nú ñia utsucheêlla, né tsucheêlla tucu nú ñia nzucheê bee quie. 30 Nu tunu sucheêe Diose bee huañi scua, nú nee nuêe dañi nu yeêe chiquine. ¡Enzaláquieê liêihua bee bene enu lleênatsia nzeli arquiê liêinu, nú la tsucheênu liêihua scua! 31 Enzeêe, la chenuaê arquiêhua nú rnihua: “¿Xi daêcuahua nee? nu ¿xi diyaêahua? nu ¿xi utuêahua?" 32 Xne bee bene enu la chili arquiê Diose nzenu arquiê ye bee nucuaê, pero liêihua rluêcuhua tucu paêhua liñibe, nu liêinu nediyaê nzeêcanu nú xi seca laêchaêhua. 33 Pero uzuêcuêhua nú rni Diose nu uriêihua tucu nú niarquiênu che liquiênu ye nú seca laêchaêhua. 34 La chenu arquiêhua lu cuendaê bichia yeêe, xne ye yeêe nuê xi nzenu arquiê bee bene. Xne cada bichia nuê xi chenu arquiê bene.