San Mateo 5
TBL1 Chenu ulañiê Jesuse ye bee bene cuaê, uquienu equie tucu dañi nu uzucunu zeêe. Che uyetesaê bee beneênu lunu zeêe, 2 nu uquixienu uzeteênu liêibeella nú uninu lubeella: 3 âÃia neca lu cuendaê bee bene enu rriêi beyaê nú chiquiê rquiêñialla elietsaê Diose, xne cuaêa beella liñibe elu rnibiyaênu. 4 ‘Ãia neca lu cuendaê bee bene enu nehuana nzu arquiê, xne riêi Diose nú ñia tsu arquiêbeella. 5 ‘Ãia neca lu cuendaê bee bene enu lleêna arquiê, xne yucu beella yuu nú uni Diose nú deteênu lubeella. 6 ‘Ãia neca lu cuendaê bee bene enu neca xi neca nú rliaênaê nu rebichiê, scua nuê ana arquiêbeella riêibeella tucu nú rnibiyaê Diose, xne liêinu riêinu elietsa lubeella para nú riêibeella tucu nú niarquiênu. 7 ‘Ãia neca lu cuendaê bee bene enu ruaêa arquiê bee bene, xne leêca huaêa arquiê Diose liêibeella. 8 ‘Ãia neca lu cuendaê bee bene enu lecaxi naa lu Diose, xne liêibeella neca beella enu lañiê liêinu. 9 ‘Ãia neca lu cuendaê bee bene enu rcuaêna nú nzuxe arquiê lusaê, xne liêibeella chiuêuleebeella lliêñi Diose. 10 ‘Ãia neca lu cuendaê bee bene enu nehuana seca luye nú rriêinu bee bene liêibeella equie nú rriêi beella tucu nú rnibiyaê Diose, xne liêibeella chuêu beella liñibe elu rnibiyaênu. 11 ‘Ãia neca lu cuendaêhua chenu riquichiêquiê bee bene liêihua, nu chenu xitserriêinu bee bene liêihua nu chenu rtaê bee bene yelu clasiaê bee eluquichiaê liêihua, equie nú necahua bee benea. 12 Ãia utsu arquiêhua nu ullilaêhua, xne chiquiê ñia neca nú lia liquiê Diose luhua liñibe, nu liêihua nediyaêhua nú leêca scua uriêi condra beella bee profeta enu udetela enu uhuañi rlutila luquela liêihua. 13 ‘Liêihua necahua xi neca zete lu iliulabequieê. Pero tunu niti nú neriêi, ¿xa modo zibiê zecae che? Lecaê xi zibiêi, tsiêquitsia benene nu taê bene equiee. 14 ‘Nu leêca liêihua necahua xi neca ellieêe lu iliulabequieê, liêihua necahua xi neca tucu eyeche nú nchiucuê equie tucu dañi nú leca modo nú ricu aêchiê. 15 Lecati quieêe quii tucu quinqué nu tsacuêlla tucu caja equiee, rquiêña nú zucune aya para nú duêllieêe luye bee bene enu nucuaêa liñi niêi. 16 Leêca scua liêihua, ucuaênahua nú huañi nzeêcahua lubee bene para nú chenu lañiê beella beenú neca nzeêca rriêihua, che nibeella bee bedichiaê nzeêca equie cuendaê Paêahua Diose enu nzucu liñibe. 17 ‘La riêihua elliebacuê nú uriña para nú huachua ley, ley nú udeteê Diose lu Moisés urre beenú uzeteê bee profeta bee bene, xne liêá uriña para nú tsalua tucu nú rni ley. 18 Liêá rnia luhua nú mase fácil nú nitilu liñibe cuna iliulabe, luquelá nú rila tucu letra urre tucu punto nú nzeêta lu leyê Diose, hasta nu yalu lunú nzu nú aca. 19 Enzeêe bene enu la zucuê tucu bee mandamiento nú nzeêta lu ley cuaê, mase secalla nú la neca equie bee mandamiento cuaê, nu leêca esquie tunu la zeteêlla bee bene nú zucuêe, chequie liêilla lleênatsia aca neca equiella elurnibiyaê Diose liñibe. Pero bene enu sucuê ye bee mandamiento nú nzeêta lu ley cuaê, nu seteêlla bee bene nú zucuêe, liêilla acalla enu máse aca neca equie elurnibiyaê Diose liñibe. 20 Enzeêe nia luhua nú tunu la nehuañi nzeêcaláhua luquelá bee ulaxcuela enu reca ley cuna bee fariseo leca modo chuêuhua liñibe elurnibiyaê Diose. 21 ‘Liêihua nediyaêlaêhua lunú uni Moisés lubee beneêahua enu udetela: “La uti bene saê bene, xne bene enu ruuti saê yalalla castiya." 22 Pero liêá nia luhua nú titse bene enu rana arquiêsaê, challa lu usticia, nu leêca titse bene enu rquiexuusaê, rquiêña nú dete bene zeêe lu usticia enu mase neca equie para nú chiulue lu cuendaêlla, leêca titse bene enu rni bedichiaê chiêquiê lusaê nzucheê nú challa lu quii ebila. 23 ‘Enzeêe, tunu nzeyulu uêna ruêu ecuêcuê Diose nu ulluêcu arquiêlu nú rlelu lu bene, 24 utsaênascaê uênaêlu zeêe. Nu uquiatsalaxuhua arquiê saêhua, che benchilaêlu nu deteêlu uêna lu Diose. 25 ‘Tunu nuê ti deteê cuenda liêilu lu juese, ante nú chahua lu juese utsucheêxuhua nucuaê diquila nú nuê tiempo para nú la deteê cuendalla liêilu lu juese, xne tunu deteê cuenda benecuaê liêilu lu juese che juese deteêcuenda liêilu lu policÃa para nú chalu niêcuê. 26 Liêá nia lulu nú la chiuaêlu niêcuê hasta nú ixiuxulu nzieê dimi nú nacuê juese lulu. 27 ‘Liêihua nediyaêlaêhua nú rni lu ley: “La luêcu niyu stucu unaêa enu la neca unaêi, nu la luêcu unaêa stucu niyu enu la neca niyuênchu." 28 Pero liêá nia luhua nú titse bene enu riêyatsia lu tucu unaêa nu rriêilla elliebacuê nú necha neca chenu riêyalla lu tucu unaêa, uriêilalla dula arquiêlla lu cuendaênchu che. 29 ‘Tunu rriêi iêcululu chube nú rriêilu dula, neca nzeêcalá nú uhuane nu utsiêquii istu. Xne neca nzeêcalá nú nitilu tucutsia iêcululu luquela nú diquinecalu chálu ebila. 30 Nu tunu rriêi yalu chube nú rriêilu dula, uchieêcue nu utsiêquii istu. Xne neca nzeêcalá nú nitilu techu yalu luquela nú cha diquilu ebila. 31 ‘Leêca rni lu ley: “Titse bene enu leêe unaêa, rquiêña nú hualla tucu ichiê elu rni nú uleêella unaêalla." 32 Pero liêá nia luhua nú tunu tucu niyu leêe unaêa, nula necane nú uriêi unaêalla eluhuexe cuna stucu niyu, che leêca liêilla uriêilla nú rluêcu unaêalla stucu niyu. Nu niyu enu xia tucu unaêa enu lá acaxeelá uleêe niyuê, rriêilla dula. 33 ‘Leêca nediyalaêhua nú uni Moisés lubee beneêhua enu udetela: “Rquiêña nú tsaêalu bene lunú unilla nú riêilla chenu rquieêella Diose nú riêilla." 34 Pero liêá nia luhua nula quiêña nú quieêehua dioseêhua nú nihua ista liñibe riêya, para nú aca achee nú neli nú rnihua xne liñibe nzucu Diose, 35 nu niê lu yuu, xne necane elu nzu eêyanu, nu niê eyeche Jerusalén, xne necane lachinu, liêinu enu neca arre enu mase rnibiyaê. 36 Nu niê la yala quieêe bene equie cuendaê lluca equie bene, xne leca modo nú riêi bene nú aca nequichi urre aca naatsa niê tucu ichia equiella. 37 Mejora uniêhua, “aahua” urre “aêa”, xne ye beela bee bedichiaê nú nihua nzeêtae lu cuendaê bezeêlu. 38 ‘Leêca ubeneêlaêhua bedichiaê nú rni: “Enu lua iêcululu, leêca ulua iêculu nzeêe. Nu enu lua layalu, leêca ulua laya nzeêe." 39 Pero liêá nia luhua: Nú la duseêehua nú necha neca cuna nú necha neca, tunu nuê enu duê tucue xecalu chube, uzela nú duêllae stucu chú xecalu. 40 Tunu nuê bene enu rliunuu liêilu para nú axilla lliacaêlu, uzela nú leêca uyaêlla chiamarraêlu. 41 Tunu ti rriêi juersa liêilu nú uyaêlu steneêlla tucu kilometro, uyaêe stucu kilometro. 42 Titse bene enu rnacuê tucu elietsa lulu, uriêi elietsa lulla, nula aca nechiquiêlu chenu xi riêñalla lulu. 43 ‘Leêca ubeneêhua bedichiaê nú rni: “Uzeca bene enu seca liêilu nu uhuana arquiê bene enu rana arquiê liêilu." 44 Pero liêá nia luhua: Uzecahua bene enu rle luhua, nu niêhua nú cha nzeêca lu cuendaê bene enu rnacuê nú la cha nzeêca lu cuendaêhua, uriêi nzeêcahua lubee bene enu rana arquiê liêihua, unaêcuhua lu Diose lu cuendaê bee bene enu riquichiêquiê liêihua nu xitse rriêinu liêihua. 45 Scua acahua lliêñi Diose paêhua enu nzucu liñibe, xne liêinu rriêinu nú rliñi bichia para yebee bene enu rriêi nzeêca nu cuna lubee bene enu la riêi nzeêca, nu rriêinu nú rlaca quiu para bee bene enu rriêi nzeêca nu cuna lubee bene enu la riêi nzeêca. 46 Xne tunu secatsiahua bee bene enu seca liêihua, ¿xi atiêhua lu Diose che? Xne hasta bee bene enu rriêi cobre equie impuesto rriêi scua. 47 Nu tunu rnihua Diose lubee saêtsiahua, lecaxi nú neca nzeêca rriêihua, xne hasta bene enu la chulu Diose rriêi scua. 48 Aca nzeêcahua tucu nú nzeêca paêhua Diose enu nzucu liñibe.