San Mateo 19

1 Chenu ulaxu nú uni Jesuse scua, uchiuêunu lu iliu Galilea nu uriñanu lu iliu Judea stucu chú reêcu Jordán. 2 Nu uyanala huaxi bee bene liêinu, nu zeêe uriyecanu bee bene enu riti. 3 Che uyabica chiucu chuna bee fariseo lunu para nú riêi beei preu liêinu, nu unedichiaê beei lunu nú unibeei: â¿Nuê modo nú leêe niyu unaêai equie xitse tucu nú uriêinchu la? 4 Chequie ucuaqui Jesuse nú uninu lubeei: â¿Xieê lasca ulahua lu ichiê Stichiaê Diose elu rni, nú liêinu enu urecheê bee bene desde nú uquixie iliulabe, “urecheênu niyu cuna unaêa la”? 5 Leêca uninu: “Enzeêe zaêna niyu paêi cuna naêi para nú yucui unaêi, che rucu beei neca beei xi neca tucutsia bene." 6 Scua la necaê beei chiucu bene, sino que tucutsia neca beei. Enzeêe leca modo nú riêi tucu bene nú leêesaê bee bene enu uriêi Diose nú neca tucunecatse. 7 Che uni bee fariseo lu Jesuse: â¿Xiquie nú unibiyaê Moisés nú nuê modo leêe bene unaêa bene, tunu acacheê tucu ichiê elu rni nú leêe saêlla? 8 Chequie uni Jesuse lubee fariseo: âEquie nú chiquiê nziti arquiêhua, enzeêe uzela Moisés nú leêehua unaêahua. Pero chenu uquixie iliulabe né acae scua. 9 Nu Liêá nia luhua nú titse niyu enu leêe unaêa, nu la necane nú uriêi unaêalla eluhuexe cuna stucu niyu, nu yuculla stucu unaêa, rriêilla dula che, nu niyu enu yucu unaêa enu uleêe niyuê, leêca rriêi nzeêe dula. 10 Chequie uni bee beneê Jesuse lunu: âTunu scua necane lu cuendaê niyu cuna unaêalla, nzalá nú la chia bene che. 11 Che uni Jesuse lubeella: âLa ye bee bene rriêi beyaê nucuaê, sino que bee bene enu udeteêtsia Diose elliebacuê nú riêi beyaê nucuaê rriêi beyaêe. 12 Xne nuê bee bene enu desde nú ungula lá ala para nú chia, leêca nuê bee bene enu la chia equie nú reca remediolla, nu nuê bee bene enu la chia lunú rriêilla elliebacuê nú mejora ixiuleêella Stichiaê Diose luhuare nú chialla. Enu riquiê núla chia, la chia nzeêe. 13 Che uriñayu bee bene chiucu chuna bee enduê lu Jesuse para nú ricuênu yanu equie beei nu nacuênu lu Diose lu cuendaê beei, pero uquiêyaê bee bene enu uriñayu bee enduê zeêe uriêi bee beneênu. 14 Pero uni Jesuse lubee beneênu: âUzelahua nú yeêta bee enduê lua, nu la cahua nú yeêta beei lua, xne liñibe elurnibiyaê Diose neca para bee bene enu neca arquiê xi neca arquiê bee enduê quieê. 15 Chenu ulaxu nú uricuênu yanu equie bee enduê zeêe, che chu nzanu. 16 Uya biêya tucu bene Jesuse nu unedichiaê bene zeêe lunu nú uni: âMaestro enu neca bene nzeêca, ¿xi nú neca nzeêca riêá para nú luêcua elunehuañi nú leca xunga laxu? 17 Nu uni Jesuse lui: â¿Xinú rnilu nú neca bene nzeêca? Leca niê tucu bene nzeêca tucutsia Diose neca bene nzeêca. Pero tunu niarquiêlu luêculu elunehuañi nú leca xunga laxu liñibe, uzuêcuê nú rni bee mandamiento. 18 Che uni bene zeêe lu Jesuse: â¿Ta bee mandamiento rquiêña nú zucua che? Nu uni Jesuse lui: âLa utilu bene, la naêtselu stucu unaêa enu la neca unaêalu, nu la riêilu eluhuanaê, nu la taêlu eluquichiaê bene, 19 uluêcu ulaêna lu paêlu cuna lu naêlu, nu uzeca saêlu tucu nú secalu liêilu. 20 Che uni bene zeêe lu Jesuse: âYe bee nucuaê sucua hasta chenu necaa enduê; ¿neequie xilá rriêi nú zucua? 21 Nu uni Jesuse lu bene zeêe: âTunu niarquiêlu nú huañilu tucu nú niarquiê Diose, uquia tuti ye beenú rluêculu nu udeêteê dimicuaê lubee bene enu seca elitsi, che luêculu eluxene liñibe, nu chu yeêta quielu Liêá. 22 Pero chenu ubeneê bene zeêe nucuaê, chiquiê nehuana utsu arquii nziai xne chiquiê xenei. 23 Chequie uni Jesuse lubee beneênu: âLiêá nia luhua, nú chiquiê neriñaê nú chuêu tucu bene xene liñibe elurnibiyaê Diose. 24 Liêá nia luhua, nú mase facil nú dete tucu cameyu iêchiu echedicu, luquelá nú chuêu tucu bene xene liñibe elurnibiyaê Diose. 25 Chenu ubeneê bee beneê Jesuse nú uninu scua, chiquiê uyanu arquiê beellla, nú uni beella lusaê beella: â¿Ti nuê modo tsilaêa che? 26 Nu ubiêya Jesuse lubeella nu uninu lubeella: âPara bee bene neriñaê neca nucuaê pero para Diose lecaxi neriñaê. 27 Chequie uni Pedro lu Jesuse: âLiêiru utsaênaru ye beenú rluêcuru para nú nzela quieeru liêilu. ¿Xi atiêru, lu cuendaê nucuaê che? 28 Che uni Jesuse: âLiêá nia luhua nú chenu riña bichia nú aca necuqui yeene, nu chenu zucuaêa lu xleta nú nibiyaêa liêá Bene enu uxeêla Diose, liêihua enu entanala liêá leêca zucuhua lu chiêchiucu xleta, para nú hualuhua lu cuendaê ye bee bene enu nzeêta lu chiêchiucu familia Israel. 29 Nu titse bee bene enu utsaêna niêi, urre bichilla, urre zanalla, urre paêlla, urre naêlla, urre unaêalla, urre bee enduêlla, urre bee yuêlla equie cuendaê Liêá, atiêlla tucu ayuêu bese masela lunú utsaênalla, nu leêca luêculla elunehuañi nú leca xunga laxu liñibe. 30 Pero huaxi bee bene enu neca equie lu iliulabe quieê nee, aca bee nzeêe enu la neca equieêa bichia zeêe, nu bee bene enu la neca equie nee lu iliulabe quieê, aca neca equie bee nzeêe bichia zeêe.