San Mateo 18

1 Che leêca bee bichia zeêe, unedichiaê bee beneê Jesuse lunu, nú unibeella: â¿Ti máse neca equie elurnibiyaê Diose liñibe? 2 Chequie ubixia Jesuse tucu enduê utsunu labe beella, 3 nu uninu lubeella: âLiêá nia luhua nú tunu la cheêe arquiêhua lu stulahua nu acahua xi neca bee enduê, la chuêuhua elurnibiyaê Diose liñibe. 4 Enzeêe nia nú bene enu aca lleêna arquiê xi neca arquiê enduê quieê, nzeêe aca enu máse aca neca equie elurnibiyaê Diose liñibe. 5 Nu titse bene enu riêi elietsa lu tucu enduê equie cuendaê Liêá, lua rriêi nzeêe elietsa. 6 ‘Pero titse bee bene enu riêi nú zanaê tucu enduê enu nzeli arquiê Liêá lu dula, máse neca nzeêca para bene zeêe nú llicaêcu bene tucu quie molino añilla nu tsiêqui benella hasta aquiee lu inzatuê. 7 ¡Cueê bee bene iliulabe nú nuê huaxi beenú necha neca bee nú rriêi nú rriêi bee bene dula! Siempre nuêbeenú necha neca lu iliulabe, pero ¡cueê bene enu riêi nú riêi stucu bene dula! 8 ‘Enzeêe tunu riêi yalu urre cuchiuêlu nú riêilu dula, mejora uchieêcuêe nu utsiêquii istu, xne máse neca nzeêca nú chuêulu liñibe cuna tucutsia yalu nu tucutsia cuchiuêlu, luquela nú chalu cuna rucu yalu nu rucu cuchiuêlu lu quii nú leca xunga laxu. 9 Leêca tunu rriêi iêcululu nú rriêilu dula, mejora uhuane nu utsiêquii istu, xne máse neca nzeêca nú chuêulu liñibe cuna tucutsia iêcululu, luquela nú chalu luquii ebila cuna rucu iêcululu. 10 ‘La huachuhua niê tucu bee enduê quieê, xne nia luhua nú bee ángele enu rriucu liêibeei nucuaêa lu Diose Pa liñibe. 11 Xne Liêá Bene enu uxeêla Diose uriña para nú tsialaêá bee bene enu nza inziu nú necha neca. 12 ‘¿Neca xi neca nú tucu bene rluêcu tucu ayuêu sanchi, nu nitilla tucuí? ¿Xieê la tsaênascaêlla noventa y nueve bee sanchi zeêe dañi nu che cuaênalla sanchi enu uniti la? 13 Nu tunu llelaêllaí, masescaêla ñia tsu arquiêlla nú ullelaêlla sanchi enu uniti luquela noventa y nueve sanchi enu lá niti. 14 Leêca scua, paêhua enu nzucu liñibe, la niarquiênu nú nitilu niê tucu bee bene enu nzeli arquiê liêinu. 15 ‘Tunu nuê xi necha uriêinu saêlu liêilu, ubedichiaê rucutsiahua uniê lulla nú necha uriêilla lulu. Che tunu uriêi casolla nú unilu lulla, uriêilálu ana nú nucuaêa nzeêcahua che. 16 Pero tunu lá riêi casolla nú unilu lulla, uyaê chiucu chuna bee bene para nú nihua lulla. 17 Nu tunu niê nú rni bee benecuaê la zucuêlla, che udixiuleêe lubeelá bee bene enu nzeli arquiê Diose, nu tunu la riêi casolla nú rni bee bene enu nzeli arquiê Diose, che luêcu cuendatsiahualla nú necatsialla xi neca tucu bene enu la chili arquiê Diose urre xi neca tucu bene enu rriêi cubre impuesto. 18 ‘Liêá nia luhua nú titse saêhua enu nzeli arquiê Diose enu riêihua perdona lu iliulabequieê leêca neca perdonalalla liñibe, nu titse saêhua enu nzeli arquiê Diose enu la riêihua perdona stula lu iliulabequieê leêca la neca perdona stula nzeêe liñibe. 19 ‘Leêca nia luhua, nú tunu chiucuhua aca tucunecatse para nú nacuêhua xi nacuêhua lu Diose Paa liñibe lu iliulabequieê, liêinu liquiênue. 20 Xne elu rieteêsaê chiucu chuna bee bene equie cuendaê liêá, zeêe nzua cuna liêibeella. 21 Che uyabica Pedro lu Jesuse nu unedichiaêlla lunu, nú unilla: âDetá, ¿xala bese rquiêña nú riêá perdona bee saêa, tunu nuê xi uriêi nzeêe lua? ¿Hasta achi bese la? 22 Nu ucuaqui Jesuse lulla: âLa nia nú achitsia bese. Sino que nia lulu nú hasta setenta bese siete rquiêña nú riêilu perdona bee saêlu, nucuaê rni nú diqui tiembu riêilu perdona saêlu. 23 ‘Tucu nú rnibiyaê Diose neca nú rnibiyaê tucu arre enu uriêi elliebacuê nú uzaêla bichia nú ixiu bee bene enu rriêi riñaê lulla nú neziêqui beei lulla. 24 Nu chenu uquixie arre zeêe nú rlacuêlla calu neziêqui cada tucua bee bene lulla, che uriñayu bee bene tucu bene enu rriêi riñaê lulla enu neziêqui huaxi dimi lulla. 25 Nu lunú la luêcui xi ixiui lu arre. Che unibiyaê arre zeêe nú iquii cuna unaêi cuna bee enduêi, nu cuna ye bee steneêi para nú yaxu nú neziêquii lu arre zeêe. 26 Che utsulliqui mosoê zeêe lu arre nu uziquiei lu arre, nú uni: “Detá, alaê chiuêu arquiêlu tsuquiescaê lleêna ixiuca ye nú neziêquia lulu." 27 Chequie uhuaêa arquiê arre zeêe liêi, nu né ixiui nú neziêquii lu arre zeêe nu che utsanaê arre liêi. 28 Pero chenu uchiuêu mosoê zeêe lu arre, uchuêui stucu mosoê enu leêca sibiê lu arre nu neziêqui mosoê quieê lui lleêna dimi. Che chu unaêtsei añi mosoê zeêe utsiêii, nu uni: “¡Udixiu nú neziêquilu lua!" 29 Che utsu lliqui bene zeêe lui, nu uziquie nzeêe lui nú uni nzeêe: “Alaê chiuêu arquiêlu tsuquiescaê lleêna, ixiuca ye nú neziêquia lulu." 30 Pero né zelai atsuquiei, nu uduêi bene zeêe niêcuê hasta nú ixiu nzeêe ye nú neziêqui nzeêe lui. 31 Chenu ulañiê beelá bee saêi enu rriêi riñaê lu arre zeêe nucuaê, chiquiê ulebeei nu uyatixiuleêe beei lu arre lu ye nú unga. 32 Chequie chu unibiyaê arre nú yeêta bene enu unga neziêqui lulla, nu unilla lu bene zeêe: “¡Chiquiê necha rriêilu! Liêá uriêá perdona ye nú neziêquilu lua, xne uziquielu lua. 33 Leêca scua liêilu riala nú ahuaêa arquiêlu saêlu, tucu nú uhuaêa arquia liêilu." 34 Nu lunú chiquiê rle arre zeêe, chequie unibiyaêlla nú cha bene zeêe niêcuê hasta nú ixiui ye nú neziêquii lu arre. 35 Chenu ulaxu nú uni Jesuse ejemplu cuaê, che uninu: âLeêca scua riêinu Pa liñibe liêihua tunu la riêihua perdona bee saêhua diquinuê arquiêhua.