San Mateo 15
TBL1 Chequie uyabica chiucu chuna bee fariseo cuna bee ulaxcuela enu reca ley lu Jesuse, nu nzeêta beella enza Jerusalén, nu uni beella lunu: 2 â¿Xiquie núla zucuê bee beneêlu custumbre nú utsaêna bee beneêahua enu udetela? ¿Xiquie núla naa bee beneêlu chenu racu beei tucu nú neca custumbre? 3 Che uni Jesuse lubeella: â¿Leêca xiquie nú sanaê arquiêhua Stichiaê Diose, para nú nzenalahua lunú neca costumbreêtsiahua? 4 Xne uni Diose: “Luêcu ulaêna lu paêlu cuna lu naêlu”, nu “Enu riquichiêquiê paê cuna naê rquiêña nú ati nzeêe." 5 Pero liêihua rnihua nú nuê modo ni bene lu paêlla cuna lu naêlla: “Leca modo riêá elietsa luhua, xne ye nú rluêcua necalane uêna para Diose”, 6 rnihua nú titse bee bene enu ni scua, la quiêñia nú riêi nzeêe elietsa lu paê nzeêe cuna lu naê nzeêe. Scua ruachuhua Stichiaê Diose, nu nzenalahua costumbreêhua. 7 ¡Lia rriêihua nú nehuañi nzeêcahua! Neli nú uni profeta IsaÃas lu cuendaêhua chenu unilla: 8 Bee benequieê rnibeei nú rluêcu beei ulaêna lua, pero niê temeê la luêcu beei ulaêna lua. 9 Lecaxi sibiê nú rluêcu beei ulaêna lua, xne seteêtsia beei lunú xelatsia arquiê bee bene. 10 Chequie ubixia Jesuse ye bee bene zeêe, nu uninu lubeei: âUzuêcuê diacahua nu uriêihua beyaê nú nia luhua: 11 La neca nú racu bene nú rriêi, nú rriêi bene dula. Sino que bee bedichiaê nú rni bene enzeêe rriêi nú rriêi bene dula. 12 Chequie uyabica bee beneê Jesuse lunu nu uni beella lunu: â¿Uriêilu beyaê nú né yuê arquiê bee fariseo bee bedichiaê nú unilu la? 13 Nu ucuaquinu lubee beneênu nú uninu: âYe bee aca nú lá quieni Paa liñibe yetsu hasta lue. 14 Cualaê beella, xne necatsia beella xi neca bene enu nequieêlu enu rlubeê lu stucu bene enu nequieêlu nú cá enza tsella, nu tunu tucu bene enu nequieêlu rlubeê stucu bene enu nequieêlu cá enza tsella, che rucu beella nuê modo nú zanaê beella liñi tucu iêchiu. 15 Che uni Pedro lu Jesuse: âUdixiuleêe luru xi rni bee bedichiaê nú unilu. 16 Chequie uni Jesuse: â¿Xieê leêca nuuhua lá riêihua beyaê lunú unia la? 17 ¿Xieê la riêihua beyaê nú ye bee elubacu nú racu bee bene rlacae xlaêcu bee bene, nu che chu xiuêu zecae la? 18 Pero bee bedichiaê nú rni bee bene, xiuêu nucuaê arquiê bee bene, nu bee nucuaê rriêi nú rriêi bee bene dula. 19 Xne liñi arquiê bene xiuêu nú necha rriêi bene elliebacuê, nú ruuti bene saêbene, nú rluêcu niyu stucu unaêa, urre rluêcu unaêa stucu niyu, nú rriêi bene eluhuexe, nú rriêi bene eluhuanaê, nú rni bene eluquichiaê, nú riquichiêquiê bene saê bene. 20 Bee nucuaê rriêi nú rriêi bee bene dula. Pero tunu la naa bene chenu racu bene tucu nú neca custumbre nú riala riêi bene ante nú acu bene, la neca nucuaê nú rriêi nú rriêi bee bene dula. 21 Chenu uchiuêu Jesuse lu iliu Genesaret nzanu enza lu eyeche Tiro cuna lu eyeche Sidón. 22 Enza zeêe uchiuêu tucu unaêa enu neca bene lu iliu Canaán lu Jesuse nu urixialinchu nú uninchu lunu: â¡Detá, llianaê David, uhuaêa arquiê liêá! Biêyacuru xinchiuêcua nchiñi benechiquiê arquiê nu chiquiê nehuana secanchu. 23 Nu né cuaquilà Jesuse lunchu. Che uyabica bee beneênu lunu nu uziquie beella lunu nú uni beella: âUniê lu unaêa cuaê nú yanchu xne rixialinchu nzeêtaquienchu liaêahua. 24 Che uni Jesuse lubee beneênu: âUxeêla Diose liêá para nú riêitsia elietsa lubee bene Israel enu la chenalaê inziuê Diose. 25 Pero che uyabica unaêa zeêe lunu nu utsulliquinchu lunu, nú uninchu lunu: â¡Detá, uriêi elietsa lua! 26 Nu uni Jesuse lunchu: âLa neca nzeêca nú axi bene pá ya bee enduê nu deteê benene acu bee nicu. 27 Chequie uni unaêa zeêe lu Jesuse: âNeliêlu nucuaê Detá, pero hasta bee nicu racu bee pá ube nú sanaê liñi mexaê bene enu neca stene nicu. 28 Che uni Jesuse lunchu: â¡Unaêa liêisiêlu chiquiê nzeli arquiêlu liêá! Aca tucu nú niarquiêlu. Nu hora zeêe, uyecaê enduênchu. 29 Chenu uchiuêu Jesuse zeêe uriñanu ruêu inzatuê Galilea. Che chu uquienu equie tucu dañi nu uzucunu zeêe. 30 Nu uyetesaê huaxi bee bene lunu zeêe, nu uriñayu beei bee bene enu necuxu, cuna bee bene enu niquieêlu, cuna bee bene enu nemangu, cuna bee bene enu la ni, cuna bee bene enu seca huaxilá lu elichia. Uriñayu beei bee bene quieê lunu, nu uriyecanu beei. 31 Chequie chiquiê uyanu arquiê bee bene zeêe chenu ulañiê beei nú rnila bee bene enu lani, nú uyecalaê bee bene enu nemangu, nú sela bee bene enu necuxu, nú riêyala bee bene enu niquieêlu. Nu uquixie uni beella bedichiaê nzeêca lu Dioseê bee bene Israel. 32 Chequie ubixia Jesuse bee beneênu nu uninu lubeella: âRuêu arquia bee benequieê, xne necala chuna bichia nú nucuaêa beei lua nu la uyaê beei nú acu beei. La niarquia nú xeêlaa beei yue beei scuatsia niêi beei, xne cá chiulaê beei inziu. 33 Che uni bee beneênu lunu: âPero ¿ca chiyaêahua nú acu ye bee bene añiquieê, luhuare quieê elu lecati nucuaêa? 34 Nu unedichiaê Jesuse lubeella, nú uninu: â¿Xala pa rluêcuhua? Nu ucuaqui beella lunu: âRluêcuru achine cuna chiucu chuna bee bela. 35 Nu che chu unibiyaênu nú cuaêa bee bene zeêe luyuu. 36 Nu unaêtsenu lu achi bee pa cuna bee bela, nu udeteênu cheêtsa lu Diose. Nu uleêenu bee pa zeêe udeteênu ya bee beneênu para nú ritsiê beellae luye bee bene zeêe. 37 Ye bee bene zeêe udacu hasta nú ubelaê beei. Nu uzucu subrascaê achi llume bee pa nú uyaêna. 38 Bee bene enu udacu neca tacu mili bee niyu, pero la nebacuê bee unaêa cuna bee enduê. 39 Chenu ulaxu nú uni Jesuse lubee bene zeêe nú nzalanu. Che chu uyuêunu liñi barco nu nzanu lu iliu nú lee Magdala.