San Mateo 14

1 Timbu zeêe arre Herodes enu rnibiyaê lu iliu Galilea, ubeneêlla ye beenú rriêi Jesuse, 2 nu unilla lubee mosoêlla: âJuan Bautista nucuaê, uhuañi zeca. Enzeêe rluêculla poder cuaê nú rriêilla bee milagro. 3 Uni Herodes scua xne liêilla unibiyaêlla nú ulluna Juan nu uyacaêculla cuna cadena uyuêulla niêcuê. Uriêi Herodes scua equie cuendaê Herodías, enu unga unaêa bichilla Felipe, 4 xne uni Juan lu Herodes: âLa yala nú zucunuulu leêcatsia unaêa bichilu. 5 Nu niarquiê Herodes nú utilla Juan, pero xiquilla bee bene, xne ye bee bene rni nú neca Juan tucu profeta. 6 Pero chenu reca eliñi nú relluêcu Herodes lana, che uyeêe xinchiuêcu Herodías lubee bene enu nezeneê lu eliñi zeêe, nu chiquiê uyuê arquiê Herodes xa uyeêenchu, 7 nu hasta uquieêella Diose nú deteêlla xitse nú nacuênchu lulla. 8 Nu naê enduê cuaê uni lunchu, nú ninchu lu Herodes: âUliêquiê lluca equie Juan Bautista liñi tucu pliato lua. 9 Che nehuana utsu arquiê arre Herodes, pero lunú uquieêelalla Diose lu ye bee bene enu nezeneê lu eliñiêlla nú deteêlla xitse lunú nacuênchu, enzeêe unibiyaêlla lubee sundaduêlla nú yeêtayu beei nú rnacuênchu lulla. 10 Che unibiyaêlla nú chiecuê bee sundadu lluca equie Juan liñi niêcuê, 11 nu uriñayu beei lluca equie Juan nchiucuê liñi tucu pliatu, nu udeteê beeii yanchu, nu chu udeteênchue ya naênchu. 12 Che uriña bee beneê Juan unguyaê cuerpoê Juan nu uya caêchiê beella cuerpoêlla, cheelá uyatixiuleêe beella lu Jesuse lunú unga. 13 Chenu ubeneê Jesuse nú unguti Juan, uchiuêunu zeêe nza tuculiênu liñi tucu barco, tucu luhuare elu lecalí tinuê, para nú nzu tuculiênu zeêe. Pero chenu uriêi bee bene beyaê nú nzanu uchiuêu bee bene bee eyeche enza zeêe nzenala liêinu nu se eêya beei nzuebeei elu riñanu. 14 Chenu ulaca Jesuse equie barco, ulañiênu nú tesquielaê huaxi bee bene nucuaêa zeêe nu uhuaêa arquiênu beella, che uriyecanu bee bene enu riti nuyaê beella. 15 Nu chenu uchela, uyabica bee beneênu lunu nu uni beella lunu: âUchela nee nu caêa neca tucu luhuare elu la nucuaêa niê tucu bee bene. Uniê lubee bene nú chue beei lubee eyeche para nú tsi beei nú acu beei. 16 Nu uni Jesuse lubeella: âLa quiêña nú yue beei, liêihua udeêtehua nú acu beei. 17 Nu uni beella lunu: âPero rluêcutsiaru ayuê pa cuna chiucu bela. 18 Che uni Jesuse lubeella: âUteyuhuane caêa. 19 Chequie unibiyaênu nú cuaêa bee bene añi zeêe lu ixi xata. Nu unaêtsenu lu ayuê pa zeêe cuna rucu bela nu ubiêyanu enza liñibe nu udeteênu cheêtsa lu Diose. Nu chu uleêenu bee pa cuaê udeteênu ya bee beneênu para nú ritsiê beellae lu ye bee bene. 20 Ye bee bene zeêe udacu beei hasta nú ubelaê beei, nu uquietesaêscaê beei chiêchiucu llume bee pa nú uyaêna. 21 Bee enu udacu neca casi ayuê mili puro bee niyu, sin nú bacuê bee unaêa cuna bee enduê. 22 Che chu unibiyaê Jesuse nú chuêu bee beneênu liñi barco para nú riculubeella chue beella stucu chu inzatuê. Diquila nú rninu lubee bene nú nzanu. 23 Chenu ulaxu uninu lubee bene zeêe nú nzanu, uquienu equie tucu dañi para nú nacuênu lu Diose zeêe. Chenu uyuêu rulaê nzu tuculiênu zeêe, 24 nu barco nú nza bee beneênu istula nzae lu inzatuê, nu chiquiê necha rriêinu inzatuê barco, xne chiquiê reca bii enza lu barco. 25 Nu elliecabe see Jesuse lu inzatuê, nzanu enza lubee beneênu. 26 Chenu ulañiê bee beneênu nú senu lu inzatuê, ulliqui beella nu ubixialí beella nú uni beella: â¡Tucu benechiquiê! 27 Pero uni Jesuse lubeella: â¡Utsu naaqui arquiêhua! ¡Liêá nucuaê la lliquihua! 28 Chequie uni Pedro lu Jesuse: âDetá, tunu liêilu nucuaê, unibiyaê nú tsea lu inzatuê nzela hasta lulu. 29 Che uni Jesuse lulla: âUtee che. Nu che chu ulaca Pedro equie barco nu uquixiella sella lu inzatuê nzalla lu Jesuse. 30 Pero chenu utsiêlla nú chiquiê reca bii, ulliquilla nu uquixie ratseêlla lu inzatuê, nu urixialilla unilla: â¡Detá, utsilaêa liêá! 31 Hora zeêe unaêtse Jesuse yalla, nu uninu lulla: â¡Xinu lleênatsia nzeli arquiêlu liêá! ¿Xiquie nú uzaê arquiêlu? 32 Nu chenu uquie beella equie barco, ungaxe bii. 33 Chequie beelá bee enu nchiucuê equie barco, utsulliqui beella lu Jesuse nú uni beella lunu: â¡Nelíca nú liêilu necalu lliêñi eêcu Diose! 34 Chequie udete beella lu inzatuê zeêe, nu uriña beella stucu chu ruêu inzatuê lu iliu nú lee Genesaret. 35 Nu uyuêulu bee bene luhuare zeêe liêinu nú necanu Jesuse, nu ungabiyaê ye bee bene diqui enza zeêe nú uriñanu zeêe, che uriñayu bee bene zeêe bee bene enu riti lunu. 36 Nu uziquie beei lunu nú zelanu nú tiêya beei masia ruêu xucunu, nu ye bee bene enu utiêya ruêu xucunu uyecaê beei.