San Lucas 12

1 Diquila nú nucuaêa beella esquie uyetesaê huaxi mili bee bene zeêe, nu equie nú huaxi beei rtaêcu saêbeei. Chequie uquixie Jesuse uninu rluti lubee beneênu: âUbiêyahua liêihua lu levaduraê bee fariseo, rni nucuaê nú ubiêyahua liêihua xne la riêi beei tucu nú rnibeei. 2 Xne niê tucu nú aêchi neca la yaêna nucuaê scuatsia, riña nú acachee ye bee nucuaê, nu niê tucu beenú aêchi neca la yaêna nucuaê scuatsia, riña nú acabiyaê ye bene nucuaê. 3 Enzeêe ye bee bedichiaê nú unihua elu necabe nzu, yeneê bee bene bee bedichiaê cuaê lu ellieêe, nu bee bedichiaê nú aêchiê unihua liñi niêihua, nuê bene enu bixialí bedichiaê cuaê ante lu ye bee bene. 4 ‘Liêihua bee bene enu rquietea, nia luhua nú la lliquihua bee bene enu niarquiê nú uti liêihua. Xne titse bee bene nuê modo nú uti cuerpoêhua, pero espírituêhua lecati riêchia 5 Pero nia luhua nú ti rquiêña nú lliquihua: Ulliquihua Diose, xne liêinu rluêcunu nú rnibiyaênu nu chenu uyuculanu nú nehuañihua, liêinu recanu xeêlanu espírituêhua ebila. Enzeêe ulliquihua liêinu. 6 ‘Liêihua nediyaêhua nú bee iñi enu rcuecuê la zeca beeí huaxi, pero Diose la zañiê niê tucu beeí. 7 Nu liêihua hasta ye bee ichia equiehua nebacuê Diose. Enzeêe la lliquihua, xne másela secahua lunú seca huaxi bee iñi. 8 ‘Liêá nia luhua nú titse bene enu ni lubee bene nú necalla benea, leêca esquie liêá Bene enu uxeêla Diose nia lubee ángeleênu nú necalla benea. 9 Pero bene enu ni lubee bene nú la acalla benea, leêca esquie liêá nia lubee ángeleê Diose nú la necalla benea. 10 ‘Nuê perdonaê titse bene enu ni condra liêá Bene enu uxeêla Diose, pero bene enu ni condra lu Espíritu Santo. Lecaê perdona para bene zeêe. 11 ‘Chenu uyaê bee bene liêihua liñi bee indu, urre lubee juece, urre lubee usticia, la chenu arquiêhua xa cuaquihua lubeella cuna nú xa nihua. 12 Xne chenu riña hora nú nihua, Espíritu Santo neca enu duê arquiêhua xanihua. 13 Tucu bene enu nza leta bee bene zeêe uni lu Jesuse: âMaestro, uniê lu bichiaa nú liquiêi rencia nú rialaa. 14 Nu ucuaqui Jesuse lui: âNiyu, ¿ti uni lulu nú neca juece urre tucu enu ritsiê bee steneêhua? 15 Leêca uninu lubeei: âUbiêyahua liêihua para nú la leêhua eluxene nú la luêcuhua, xne lecaxi zibiê eluxene nú rluêcu bee bene, nu bee eluxene cuaê la neca nucuaê nú liquiê nú nehuañi bee bene. 16 Chequie uni Jesuse tucu ejemplu lubeei: âUhuañi tucu bene xene, nu chiquiê unguyuê nú unguyuê lu yuêlla. 17 Nu uquixie uriêilla elliebacuê nú rnilla: “¿Xa riêá nee? La lucua elu ducheêa ulaêcua." 18 Che unilla: “Nediyalá xa riêá, chila bee niêi elu rducheêa bee ulaêcua, nu recheêa bee niêi nú llenelá. Zeêe ducheêa bee ulaêcua cuna ye beenú rluêcua. 19 Nu nia lu leêcatsia liêá: Nee sí rluêculu huaxi ulaêcu para huaxi lana, utsulachi nu udacu nu uhueê nu ñia utsu arquiêlu." 20 Pero uni Diose lulla: “Niyu chiquiê netundulu, nee rulaê quieê atilu, nu beenú nuêcheêelu, ¿ti yaênanuu bee nucuaê che?" 21 Scua seca bene enu rducheê eluxeneê para liêitsia, pero lu Diose lecaxi luêculla. 22 Che uni Jesuse lubee beneênu: âLiêá nia luhua, nú la chenu arquiêhua nú xi acuhua para nú nze nehuañihua, leêca la chenu arquiêhua nú xi utuhua. 23 Nú nehuañi bene máse seca lunú racu bene, nu cuerpoê bene máse seca lu xucu bene. 24 Ubiêyacuruhua bee bieca. La duê beeí nii nu la quieteê saêbeeí ulaêcu, nu la luêcu beeí elu chucheê ulaêcuê beeí, pero Diose lia rdeteê nú racu beeí. Enzaláquieê liêihua másela secahua lunú seca bee iñi. 25 Nu leêca, ¿xieê equie nú tematsia chenu arquiê bene nú xeelá huañilla la? 26 Nu tunu niê nucuaê la aca bene riêilla, ¿xiquie nú nzenu arquiê bene equie nú xi aculla cuna beelá beenú xa nze nehuañilla che? 27 ‘Ubiêyacuruhua xa rruêcu bee quie dañi, la riêi bee riñaê, nu la recheê bee laquie. Pero niê arre Salomón lá tsucheêlla tucu nú nzucheê bee quie añinzuca nú chiquiê utsucheêella. 28 Enzeêe, tunu bee huañi dañi sucheê Diose nee, nu yeêe tsia nzula nu chiquine, ¡enza láquieê liêihua nú la liquiênu lunú utuhua, bene enu lleêna tsia nzeli arquiê Diose bee lee! 29 Enzeêe la chenzehua nu la chenu arquiêhua nú xi acuhua cuna nú xi hueêhua. 30 Xne bee bene enu la chili arquiê Diose, liêibeei neca beei enu nzenu arquiê bee nucuaê. Pero liêihua rluêcuhua tucu paêhua enu nzucu liñibe, nu liêinu nediyaêlaênu lunú secalaêchaêhua. 31 Pero uzelahua nú nibiyaê Diose luhua che liquiênu ye beenú secalaêchaêhua. 32 ‘Bee benea, la lliquihua laca huaxihua, pero Paêahua Diose ñia nzu arquiênu liquiênu lunú rnibiyaênu luhua. 33 Utihua lunú rluêcuhua, nu uriêihua elietsa lubee bene enu seca elitsi. Ucuaênahua nú riêihua ana eluxene liñibe nú leca xunga laxu, elu la chuêu huanaê niê bee belalaê. 34 Xne elu nuêcheêe eluxeneêhua zeêetsia nzu elliebacuêhua. 35 ‘Ucuaêa tsiñahua, nu uriêihua tucu nú riala riêihua. 36 Uriêihua tucu nú rriêi bee mosoê enu nucuaêaquiee chenu benchilaê patronêbeei, nú nzalla lu tucu tsaêa para nú chu xaêla beei ruêu puerta chenu chichilla ruêu puerta. 37 Ãia neca lu cuendaê bee mosoê enu nucuaêa naa nu nucuaêa quiee nú benchilaê patronê beei. Xne nia luhua nú leêca liêi patronê beei cuaêa liêibeei lu mexa nu chu cheêella xuculla para nú deteêlla nú acu beei. 38 Ãia neca lu cuendaê beei tunu llunaê patronê beei liêibeei nú nucuaêa naa beei, mase nú riñalla ulelaê rulaê urre riñalla elliecabe. 39 Leêca uriêihua beyaê, tunu nediyaê tucu bene nú xiura riña huanaê niêilla, la zelalla nú chuêu huanaê zeêe cachiê bee steneêlla. 40 Leêca ucuaêa tsiñahua xne liêá Bene enu uxeêla Diose, riñaa chenu la riêihua elliebacuê nú riñaa. 41 Chequie unidichiaê Pedro lu Jesuse nú unilla: â¿Unilu ejemplu cuaê lu liêitsiaru la? u ¿Unilu nucuaê lu ye bee bene la? 42 Nu uni Jesuse: âUnia ejemplu cuaê lu titse bene enu saêalu stichiaê nu rriêilla tucu nú rialane. Tucu nú rriêi tucu mosoê enu riaênanuu niêi patronê para nú deteêlla nú acu beelá bee mosoê chenu riña hora nú acu bee nzeêe. 43 Ãia neca lu cuendaê mosoê enu rriêi tucu nú rialane chenu riña zeca patronêlla. 44 Xne nia luhua nú tsaêna patrón zeêe ye bee steneêlla para nú yaêna cuendaê mosoê zeêe bee nucuaê. 45 Pero tunu riêi mosoê zeêe elliebacuê nú rleêlá nú riña patrónêlla, che quixiella nú xitserinulla beelá bee mosoê cuna bee criada. Nu quixiella nú acutsialla cuna nú hueêtsialla hasta nú lluchiêlla, 46 chequie riña patrónêlla tucu bichia nú la zucuêlla, nú riña patron zeêe tucu hora nú la riêlla beyaê. Che chiquiê juerte deteê patrón zeêe castiya liêilla, nu xeêla patron zeêe liêilla elu riala bee bene enu la zucuê nú rni bee bene. 47 ‘Xne mosoê enu nediyaê nú xa niarquiê patrónêlla nú riêilla pero la tsu tsiñalla, nu leêca la zucuêlla stichiaê patrónêlla, liêilla rialalla castiya nú chiquiê juerte. 48 Pero mosoê enu la riêi beyaê xa niarquiê patrónê nú riêi, nu rriêilla tucu nú yalalla castiyaêlla, zecalla castiyaêlla pero menola. Enzeêe bene enu lia udeteê Diose huaxi lunú recalla, rquiêña nú máse riêilla lunú udeteê Diose lunú recalla. Leêca esquie bene enu lia udeteê Diose nú rnibiyaê rquiêña nú máse riêilla equie nú udeteê Diose nu rnibiyaêlla. 49 ‘Liêá nzela lu iliulabe xi neca tucu quii, nu alaê recala lunú nzu nú aca. 50 Nzeêta nú chiquiê nehuana zecaa nu nzula nú zeca scua, ¡nu desde nee chiquiê nehuana nzu arquia hasta nú yalu ye bee nucuaê! 51 La riêihua elliebacuê nú tia uriña lu iliulabe para nú riêá nú aca tucunecatse arquiê bee bene lu saê beei. Xne equie nú chili arquiê bee bene liêá leêe saê bee bene cuna bee bene enu la chili arquiê liêá. 52 Xne desde nee elu nucuaêa ayuê bene liñi tucu niêi, liunu chunalla cuna chiuculla, nu liunu chiuculla cuna chunalla. 53 Bee paa riêi condralla bee lliêñilla, nu bee lliêñilla riêi condra liêibeella. Leêca esquie bee naa riêi condra beella xinchiuêcu beella nu xinchiuêcu beella riêi condra liêibeella, nu bee suegra riêi condralla bee llixilla, nu bee llixilla riêi condra liêibeella. 54 Chequie uni Jesuse lubee bene: âChenu rlañiêhua nú rliñi xcabe enza ratseê bichia, che rnihua nú laca quiu nu rlaca quiu. 55 Nu chenu rlañihua nú xiuêu bii enza sur, che rnihua nú aca nelee nu esquie recae. 56 Bene enu niquichiaê bee lee. Rriêihua beyaê xa neca bee seña liñibe cuna lu iliulabe, nu ¿xiquie nú la riêihua beyaê xa neca lunú reca nee? 57 ‘¿Xiquie nú la riêihua elliebacuê leêca liêitsiahua ta nú neca nzeêca riala nú riêi bene? 58 Tunu nuê enu nze deteê cuenda liêilu lubee usticia, nu llaêcalu liêilla labe inziu chenu nzalálu lubee usticia ucuaêna nú tsúcheêlu nucuaê cuna liêilla ante nú riñalu lubee usticia. Xne tunu riñalu lu enu hualue lu cuendaêlu, che deteê cuenda nzeêe liêilu lubee sundado nu duê beei liêilu niêcuê. 59 Liêá nia lulu, nú la chiuêulu niêcuê hasta nú ixiulu ye nú nacuê juece lulu.