San Juan 3

1 Uhuañi tucu fariseo enu lee Nicodemo, liêilla ungalla usticia lubee bene Israel. 2 Nu uyabiêyalla Jesuse tucu rulaê, nu unilla lunu: âMaestro, liêiru nediyaêru nú Diose uxeêla liêilu para nú zeteêlu liêiru, xne lecati aca riêi saê bee milagro nú rriêilu tunu la nzu Diose cuna liêilla. 3 Nu uni Jesuse lulla: âLiêá rixiuleêe nzeêca lulu, nú enu la ala zeca stucu bese leca modo chuêu nzeêe elurnibiyaê Diose. 4 Che uni Nicodemo lunu: âPero ¿xa modo nú ala zeca tucu bene enu unguxula? ¿Xieê nuê modo nú chuêu zeca tucu bene xlaêcu naêlla nu ala zecalla la? 5 Nu ucuaqui Jesuse lulla: âLiêá rixiuleêe nzeêca lulu, nú enu la rinza nu la nzu Espíritu Santo cuna liêi leca modo chuêu nzeêe liñibe elurnibiyaê Diose. 6 Ye bee bene chenu ralalla, necatsialla bene lu iliulabe quieê. Pero bee bene enu nehuañi cuna Espíritu Santo, equie cuendaê Espíritu Santo rluêcula beella stucu elunehuañi. 7 La zeca lullieêlu equie nú unia lulu chenu unia lulu: “Rquiêña nú ala zeca bee bene." 8 Xne tucu nú reca bii catse bee luhuare, nu mase rieneêlu chenu reca bii, pero niêla riêilu beyaê cá enza nzeêtae, urre cá enza nzae. Scua neca Espíritu Santo luye bee bene enu nzu cuna Espíritu Santo. 9 Che uni Nicodemo lunu: â¿Xa modo nú acahuaê scua? 10 Nu ucuaqui Jesuse: â¿Liêilu, nú necalu ulaxcuela lubee bene Israel, nu la riêilu beyaê bee nucuaê la? 11 Liêá rnia lulu, nú liêiru rniru lunú nediyaêru nu lunú ulañiêlaêru. Pero liêihua la chili arquiêhua lunú rniru. 12 Tunu la chili arquiêhua chenu rnia luhua equie cuendaê beenú nuê lu iliulabe quieê. ¿Xa chili arquiêhua chenu rnia luhua equie cuendaê beenú nuê liñibe? 13 ‘Lecali ti uya liñibe tucutsia enu nzeêta enza liñibe, nu liêinu necanu Bene enu uxeêla Diose. 14 Nu tucu nú uquieêe Moisés tucu beêla enu necacheê icuê lu tucu aca lu dañi achi, leêca esquie Bene enu uxeêla Diose quieêe bee bene liêinu lu cruse, 15 para nú ye bee bene enu chili arquiê liêinu, la nitilu beella, nu luêcu beella elunehuañi nú leca xunga laxu lunu. 16 ‘Equie nú chiquiê seca Diose bee bene iliulabe, uxeêlanu Lliêñi eêcunu lu iliulabe para nú ye bee bene enu chili arquiê liêinu la nitilubeei, sino que luêcu beei elunehuañi nú leca xunga laxu lunu. 17 Xne né xeêla Diose Lliêñinu lu iliulabe para nú deteênu castiya bee bene, sino que ubeêtanu para nú tsilaêanu bee bene. 18 ‘Bene enu chili arquiê Lliêñi Diose, la zecaê nzeêe castiyaê Diose. Pero enu la chilí arquiê liêinu, zeca nzeêe castiya xne la chili arquiê nzeêe Lliêñi eêcu Diose. 19 Bee bene enu la chili arquiê liêinu zeca bee nzeêe castiya, xne nee nú uriñanu lu iliulabe liêinu enu neca ellieê Diose, liêibeei máse riuê arquiêbeei inziu nú necha neca, xne rriêi beei puro lunú necha neca. 20 Xne ye bee enu rriêi nú necha neca, la yuêlí arquiêbeei ellieêe cuaê, nu la chebica beei lue para nú la yaêlalu lunú necha neca rriêibeei. 21 pero bee bene enu nehuañi tucu nú rialane lu Diose, liêibeella nzequie beella ellieênu para nú acachee nú rriêi beella lunú niarquiê Diose. 22 Chenu udete nú unga bee nucuaê, uya Jesuse cuna bee beneênu lu iliu Judea, zeêe ucuaêa beella chiucu chuna bichia nu urinza bee beneênu bee bene. 23 Leêca tucu eyeche nú lee Enón, axu eyeche nú lee Salim, zeêe uriênza Juan bee bene xne nuê huaxi inza zeêe, nu nza bee bene para nú rinza beei zeêe. 24 Nucuaê unga chenu lascaê chuêu Juan niêcuê. 25 Chequie chiucu chuna bee beneê Juan cuna texcuaêa bee bene Israel, uquixie beei nú rni xuu beei lu saêbeei equie cuendaê nú xa rnaa nzeêca beei lu Diose. 26 Nu uya niê bee beneê Juan lulla: âMaestro, bene enu nzunuulu stucu chú reêcu Jordán, liêilla enu unilu luru, rrinzalla bee bene nu ye beei nzequie beei liêilla. 27 Che uni Juan lubeei: âLecati aca luêcu elurnibiyaê nú riêilla scua tunu la deteê Diose nucuaê lulla. 28 Liêihua ubenelaêhua nú unila luhua nú la neca Cristo, necatsia enu uriña rluti para nú ixiuleêa lu cuendaênu. 29 Lu tsaêa chia nzu niyu enu xia cuna unaêa enu xialla, nu bene enu rquieteê niyu enu xiacuaê enu nzu cuna liêilla, chiquiê ñia nzu arquiêlla chenu rieneêlla nú uquixie nú rni niyu enu xia. Nee leêca scua chiquiê ñia nzu arquia equie cuendaê liêinu. 30 Liêinu chu nzeaca neca equielánu, nu liêá chu nzelacalá lunú neca equia luquela liêinu. 31 ‘Enu nzeêta enza liñibe liêinu necanu enu rnibiyaê lu yeene. Pero bee bene iliulabe necatsialla bee bene iliulabe, nu rnitsialla beenú nuê lu iliulabe, pero liêinu enu nzeêta enza liñibe liêinu necanu enu rnibiyaê lu yeene. 32 Nu liêinu rninu lunú ulañiêlaênu cuna lunú ubeneêlaênu. Pero lecati nzeli arquiê lunú rninu. 33 Tunu nuê enu nzeli arquiê stichiaênu, scua rlubeêlla nú neli neca Stichiaê Diose. 34 Enu nzeêta lu cuendaê Diose, liêinu rninu Stichiaê Diose xne chiquiê udeteê Diose Espíritu Santo lunú. 35 Diose secanu Lliêñinu, nu udeteê cuendanu yeene lu Lliêñinu para nú nibiyaênu lu yeene. 36 Nu tatse enu chili arquiê Lliêñinu, liêilla rluêculla elunehuañi nú leca xunga laxu, pero enu la niarquiê chili arquiê Lliêñinu la luêculla elunehuañi cuaê sino que rialalla castiyaê Diose.