San Juan 11

1 Uhuañi tucu bene enu ungariti lee Lázaro, liêilla cuna bee zanalla María nu Marta neca lachi beella Betania. 2 Nu María zana Lázaro, liêinchu necanchu enu uduê perfume cuchiuê Jesuse nu ucuiêchinchue cuna ichia equienchu. 3 Che rucu bela beenchu uxeêla beenchu resuna lu Jesuse nu uni beenchu lunu: âDetá, amigoêlu Lázaro riti. 4 Chenu ubeneê Jesuse nucuaê uninu: âElichia quieê lanecatsiae para nú atilla sino que necane para nú equie cuendaêe acachee poderê Diose nu para nú leêca acachee poder nú rluêcu lliêñi Diose. 5 Añinzuca nú chiquiê seca Jesuse Marta cuna María nu Lázaro. 6 Chenu ungabiyaênu nú riti Lázaro uyaênascaêlánu xiucu bichia luguare elu nzucunu. 7 Udetetsia bee bichia zeêe uninu lubee beneênu: âCha zecaêahua lu iliu Judea. 8 Che uni bee beneênu lunu: âMaestro, lacaxeelá nú uniarquiê bee bene Israel zeêe úti liêilu cuna quiee. ¿Nu nzaêlalu zeêe stucu bese la? 9 Nu uninu lubeella: âLiêihua nediyaêhua nú chiêchiucu hora nuyaê tucu bichia. Nu tunu bichia see bee bene la llica cuchiuêlla, xne rlañiêlla ellieêe nú nuê lu iliulabe quieê. 10 Pero tunu rulaê see bene xica cuchiuêlla xne leca ellieêe yeêe lulla. 11 Leêca uninu lubeella: âAmigoêahua Lázaro raêtselalla. Pero nee nzecuaêñialla. 12 Nu uni bee beneênu lunu: âDetá, tunu raêtsella yecaêcalla che. 13 Pero lunú uni Jesuse scua, rnii nú ungutila Lázaro, nu bee beneênu ulleêca nú liêinu rninu nú raêtsetsialla. 14 Chequie udixiuleêe itá Jesuse lubeella nú uninu: âUnguti Lázaro. 15 Nu ñia nzu arquia nú lecá zeêe, xne scua máse neca nzeêcae lu cuendaêhua para nú chili arquiêhua liêá. Nee chahua chebiêyaêahualla. 16 Chequie Tomás enu riêchia bee bene “cuachi”, unilla lubeelá bee beneê Jesuse: âUchahua cuna liêinu para nú atiaêahua cuna liêinu. 17 Che uriña Jesuse Betania, nu ungala tacu bichia nú uhuachiê Lázaro. 18 Betania axu riaêna Jerusalén, tucu chuna kilometro. 19 Nu huaxi bee bene Israel uya biêya Marta cuna María, para nú tsala beella arquiê beenchu equie nú unguti zana beenchu. 20 Chenu ungabiyaê Marta nú axula nzeêta riña Jesuse che uyachaêcalunchu liêinu, pero María uyaêna niêbeenchu. 21 Chequie uni Marta lu Jesuse: âDetá, tunu nzulu caêa né ati zanaa. 22 Pero liêá nediyaa nú Diose liquiê ye nú nacuêlu lunu. 23 Nu uni Jesuse lunchu: âLiêá rniaa nú huañi zeca zanalu. 24 Chequie uni Marta lunu: âNeliêlu nucuaê, nediyaa nú huañi zecai chenu huañi zeca bee bene nguti, bichia nú laxu iliulabe. 25 Nu uni Jesuse lunchu: âLiêá neca enu rriêi nú rehuañi zeca bee bene nguti nu rdetea elunehuañiê bee bene. Nu enu chili arquiê liêá mase nú atilla huañi zecalla. 26 Nu ye bee bene enu nehuañiscaê nu nzeli arquiê liêá lecaê xunga ati bee nzeêe. ¿Nzelí arquiêlu nú rnia la? 27 Nu uninchu lunu: âNzelí arquia nú rnilu Detá, liêá nzeli arquia nú liêilu necalu Cristo Lliêñi Diose, enu nzu nú riña lu iliulabe. 28 Chenu ulaxu nú uni Marta scua lunu, chu uyatixianchu belanchu María, nu uni aêchiênchu lunchu: âUriñala Maestro nu rixianu liêilu. 29 Chenu ubeneê María nucuaê, utsulíxuêunchu nzanchu lu Jesuse. 30 Nu lascaê chuêu Jesuse eyeche Betania zeêe, nu nzuscaênu luhuare elu uyachaêcalu Marta liêinu. 31 Che bee bene Israel enu nucuaêa niêi beenchu saala arquiê beenchu, chenu ulañiê beella nú yexetsia nza María che nzenala beella liêinchu nu rni beella. Nzanchu nze unaênchu ruêu eluhuaê Lázaro. 32 Chenu uriña María elu nzu Jesuse, utsu lliquinchu lunu nú uninchu: âDetá, tunu nzulu caêa né ati zanaa. 33 Chenu riêyanu nú runaê María nu leêca runaê bee bene Israel enu nuunchu, che nehuana utsiênu, nu chiquiê nehuana utsu arquiênu. 34 Nu unidichiaênu lubeella: â¿Cá ucachiêhualla? Che unibeella: âUtecuru ne lañiêlu Detá, 35 Chequie ungunaê Jesuse. 36 Che uni bee bene Israel zeêe: â¡Biêyacuruhua chiquiê ulleêcanu liêilla! 37 Pero nuê beei enu uni: âBenequieê neca enu uriyeca iêculu bene enu unga niquieê iêculu zeêe, ¿xieê lá acaquiella ariêilla xi ariêilla para nú lá ati Lázaro la? 38 Chequie stucuaêla bese nehuana utsu arquiê Jesuse chenu uya bicanu ruêu eluhua zeêe. Necane tucu yubeê, nu nacuê tucu quiee ruêe. 39 Nu uni Jesuse: âUyucuhua quiee cuaê. Che Marta zana tuxie uni lunu: âDetá, nechala rlialla xne necala tacu bichia nú ungutilla. 40 Nu uni Jesuse lunchu: â¿Xieê lanu unilá lulu nú tunu chili arquiêlu, lañiêlu poderê Diose la? 41 Che uyucu beella quiee nú nacuê ruêu eluhua zeêe, nu ubiêya Jesuse enza liñibe nu rninu: âPa Diose, cheêtsalu xne uriêi casolu nú unia lulu. 42 Liêá nediyaa nú siempre rriêilu caso lunú rnia pero rnine lu cuendaê bee bene quieê, enu nucuaêa caêa, para nú chili arquiêbeella nú liêilu uxeêlalu liêá. 43 Chenu ulaxu nú uninu scua che juerte uninu: â¡Lázaro, uchiuêu liñi cuaê! 44 Chequie uchiuêu Lázaro liñi eluhua zeêe, nu nebelascaê venda yalla cuna cuchiuêlla. Nu leêca nacuê tepedaso laquie lulla, che uni Jesuse lubeella: âUxeêchehualla nu uzelahua yaalla. 45 Chequie huaxi bee bene Israel enu uyanuu María uyalí arquiêbeei Jesuse chenu ulañiê beei milagro nú uriêinu. 46 Pero nuêbeei enu uyatixiuleêe lubee fariseo lunú uriêi Jesuse. 47 Che bee fariseo quieê cuna bee uleêya enu rnibiyaê uquieteê saêbeella cuna beelá bee usticia nu uni beella: â¿Xneca riaêahua? Xne bene quieê rriêi huaxi bee milagro. 48 Nu tunu zelaêahua nú nzeriêilá benequieê scua, ye bee bene chili arquiê liêilla, che bee usticia Roma yeêta nitilu induêahua nu cuna naciónêahua. 49 Pero tucu beella enu lee Caifás enu neca uleêya enu rnibiyaê lu ye bee uleêya lana zeêe uni: âLiêihua la biyaêhua, 50 nu la riêihua beyaê nú másela neca nzeêca nú ati tucutsia bene equie cuendaê ye bee bene, luquela nú nitilu diqui naciónêahua. 51 Pero né ni Caifás nucuaê lu cuendaêtsialla. Diose udeteê bee bedichiaê cuaê lulla, xne necalla uleêya enu rnibiyaê lu ye bee uleêya lana zeêe, enzeêe unilla nú enta nú ati Jesuse equie cuendaê bee bene Israel; 52 nu la necane nú equie cuendaêtsia beella atinu, sino que leêca necane para nú acatucunecatse beella cuna bee beneê Diose enu nucuaêa diqui lu iliulabe. 53 Enzeêe desde bichia zeêe bee usticiaê bee bene Israel unga tucunecatse beella nú útibeella Jesuse. 54 Enzeêe lá lubeêluaê Jesuse lubee bene Israel. Sino que uchiuêunu lu iliu Judea nu nzanu tucu eyeche nú lee Efraín axu lu tucu dañi achi, nu zeêe uyaênanu cuna bee beneênu. 55 Chenu nzeêta riñala eliñi baxcu nú rriêi bee bene Israel. Huaxi bee bene bee eyeche enza zeêe nzuebeella Jerusalén para nú riêibeella lunú neca costumbreê beella para nú lecaxi naa beella lu Diose ante nú riña eliñi zeêe. 56 Che rlaêna beei Jesuse nu rnedichiaê beei lu saêbeei liñi Indu llene Jerusalén, nú unibeei: â¿Xa nihua? ¿Nzeêtalla lu eliñi la o la yeêtalla la? 57 Nu bee uleêya enu rnibiyaê cuna bee fariseo unibiyaêla beella, nú tunu titse bee bene acabiyaê cá nzunu ixiuleêe beei para nú llunanu.