Santiago 3

1 Bee saêa enu nzeli arquiaêahua Jesucristo, leêca nia luhua nú la aca huaxihua enu niarquiê nú aca bee ulaxcuela enu zeteê Stichiaê Diose lubee bene, xne rriêihua beyaê nú liaêahua enu seteêahua Stichiaê Diose lubee bene másela juerte chiuêulue lu cuendaêahua tunu la riaêahua tucu nú rialane. 2 Yeêahua nuê chenu rriêi dula ana luaêahua, neequie tunu nuê enu lá ni niê tucu bedichiaê nú necha neca liêilla necalla tucu bene enu chiquiê neca nzeêca lu Diose, nu leêca recalla rnibiyaêlla lulla. 3 Liêihua nediyaêhua nú chenu rduêahua freno ruêu bee huayu para nú zucuê beeí lunú niarquiaêahua, scua acaêahua nibiyaêahua lubeeí. 4 Leêca esquie necane lu cuendaê bee barco, añinzuca nú llenee nu añinzuca nú juerte siêña bii, pero cuna tucu icuê meê nú nzucu rquiê barco, icuê quieê lee timón, cuna icuê quieê senu bene barco catse elu niarquiêlla. 5 Leêca scua neca lu cuendaê luêchi bene, meêtsiae pero hasta bee bedichiaê nú máse necha neca xiuêu ruêu bene. Luêchi bene neca xi neca tucu xila meê, pero cuna tucu xila meêtsia nuêmodo quiee quii diqui neca tucu dañi. 6 Luêchi bene neca xi neca tucu quii, necane xi neca tucu elu nuê bee nú necha neca, nu tunu la biêyaêahua luêchiaêahua rnitilue liaêahua, che diqui lunú nehuañiaêahua chiuêu bee bedichiaê nú necha neca ruaêahua nú nzeêta ebila. 7 Liaêahua nediyaêahua nú ye clasiaê bee nañi xi neca bee iñi, bee serpiente, cuna bee nañi enu nuê lu inzatuê nuê modo reca maxu beeí, nu rriêi maxula bene iliulabe beeí. 8 Pero lecati aca riêi maxu luêchi. Luêchi bene neca xi neca tucu nú leca modo aca maxu, necane xi neca tucu nú chee nuê veneno nú ruuti bene. 9 Cuna luêchiaêahua rniaêahua bedichiaê nzeêca lu Diose Pa liñibe, nu leêca liêi rniaêahua bedichiaê chiêquiê lu saêahua enu urecheê Diose tucu nú rnanu. 10 Nu ruêahua xiuêu bedichiaê nzeêca cuna bee bedichiaê chiêquiê, bee saêa enu nzeli arquiaêahua Jesucristo, la yala nú riaêahua scua. 11 Liêihua nediyaêhua nú elu rliñi inza, leca modo nú liñi inza nzeêca cuna inza nú neribi. 12 Leêca scua la ayu aceituna lu aca higuera, nu la ayu higo lu aca uva, nu leêca la liñi inza nzeêca elu rliñi inza nú neribi. 13 Tunu nuê tatucuhua enu siê nú reca nu rriêi beyaê ye nú neca Stichiaê Diose, rquiêña nú aca lleêna arquiêlla tucu nu rialane, scua lubeêlla lunú reca elliebacuêlla. 14 Pero tunu chiquiê ria arquiêhua lubee saêhua nu ye nú niarquiêhua para liêitsiahua, lecaxi zibiê nú nelliñahua nú recahua Stichiaê Diose, sino que sequienuhua bee bene che. 15 Nu bee clasiaê bee elliebacuê cuaê la yeêta bee nucuaê lu Diose, nzeêtatsia bee nucuaê lubee bene iliulabe quieê, cuna lu bezeêlu. 16 Xne elu nuê beenú ria arquiê bee bene lusaê bene cuna nú niarquiêtsia bee bene steneêlla para liêitsialla, zeêe nuê xuu cuna ye beenú necha neca. 17 Pero bee bene enu reca elliebacuê nú nzeêta lu Diose, rluti rcuaênalla nú huañi nzeêcalla lu Diose, cuna nú nzuxe arquiêlla lubee bene, cuna nú nzeêcalla lubee bene, cuna nú ñia nzuquie arquiêlla bee bene, nu ruaêa arquiêlla bee bene, nu rriêilla nú neca nzeêca lu ye bee bene, nu riêilla tucu necatse lu ye bee bene. Nu leêca saêalulla lunú rrnilla. 18 Bee bene enu rcuaêna nú la liu bee bene rcuaêna beella nú huañi nzeêca beella cuna bee bene, scua nehuañi beella tucu nú niarquiê Diose nú huañi beella.