Santiago 1

1 Liêá Santiago, enu sibiê lu Diose cuna lu Jesucristo enu rnibiyaê, xeêlaa saludo lu yehua enu nzeêta lu familiaê bee bene Israel liêihua enu uriêchia letse diqui lu iliulabe. 2 Bee saêa enu nzeli arquiaêahua Jesucristo, nialuhua nú ñia utsu arquiêhua añinzuca nú nuê huaxi nú secahua. 3 Xne liêihua nediyaêhua chenu secahua xitse beenú secahua equie nú nzeli arquiêhua Jesucristo, scua acahua tsutaê arquiêhua nu riquiêhua lu beenú secahua. 4 Pero ubiêyahua lunú utsutaê arquiêhua scua, nu zibiê nucuaê para nú riêihua tucu nú rialane, che scua nezaê lunú neca elliebacuêhua para nú lecaxi riêi falta elliebacuêhua. 5 Tunu nuê tátucuhua enu rriêi falta elliebacuê, nacuê nzeêene lu Diose, xne siempre rdeteê Diose elliebacuê lu ye bee bene nu la cánue. 6 Pero rquiêña nú nacuêllae lu Diose diquinuê arquiêlla nu la zaê arquiêlla, xne bene enu saê arquiê liêilla necalla xi neca inzatuê nú rriêi bii nú nza nzeêta. 7 Nu bene enu neca scua, la riêilla elliebacuê nú yuculla lunú unacuêlla lu Diose. 8 Xne bene enu saê arquiê scua, la riêilla tucutsia elliebacuê nu la challa tucutsia inziu. 9 Bee saêa enu nzeli arquiaêahua Jesucristo, liêihua enu neca bee bene elitsi, ñia utsu arquiêhua equie nú nediyaêhua nú huaxi secahua lu Diose. 10 Pero liêihua enu neca bee bene xene, ñia utsu arquiêhua nu aca lleêna arquiêhua lu Diose. Xne bee eluxene la diêyae tucu nú la diêya bee quiee. 11 Liêihua nediyaêhua nú chenu rliñi bichia nu chiquiê nelee siquiê beê bichia huañi dañi, che sanaê bee quie lue, scua unitilu nú ñia rnae. Leêca esquie bene xene atilla añinzuca nú necalla xene, nu che scua ulaxu nú neca eluxeneêlla. 12 Ãia nza lu cuendaê bene enu nzutaê arquiê nu rriquiêlla lunú nehuana secalla equie nú nzeli arquiêlla Jesucristo. Xne equie nú uriquiêlla scua yuculla premio nú rialalla, nu premio cuaê neca elunehuañi nú leca xunga laxu tucu nú ucuaqui uêna Diose nú deteênu lubee bene enu seca liêinu. 13 Chenu rriêi taa tucuhua elliebacuê nú riêilla nú necha neca, la riêilla elliebacuê nú Diose rdeteê elliebacuê cuaê lulla, xne Diose leca bichia nú rriêinu nú necha neca, nú leêca la deteênu elliebacuê lubee bene para nú riêi bee bene nú necha neca. 14 Xne leêca liêi elliebacuê nú necha neca rriêi bee bene, zeêe nzeêta nú riuêu ana arquiê bee bene nú rriêi bee bene lunú necha neca. 15 Nu equie bee elliebacuê nú necha neca cuaê rriêi bee bene dula, nu chenu rnibiyaêla dula cuaê lubee bene, nzuquietsialla castiyaêlla. 16 Enzeêe la zequienuhua leêcatsia liêihua bee saêa enu nzeli arquiaêahua Jesucristo, enu chiquiê seêca. 17 Xne ye elliebacuê nzeêca nu ye beenú neca nzeêca nzeêta lu Diose, liêinu enu urecheêe ye nú nuê liñibe. Diose leca bichia nú cheêenu lunú necanu, ye bichia rriêinu tucu nú rialane. 18 Nu equie nú scua niarquiê Diose, uliquiêlanu luaêahua elunehuañi nú leca xunga laxu lunu, xne nzelila arquiaêahua bedichiaê nzeêcaênu, scua necaêahua xi neca ebichi rlu lu beelá bee bene enu chili arquiê liêinu. 19 Nee lunú nediyaêahua bee nucuaê, bee saêa enu nzeli arquiaêahua Jesucristo enu chiquiê seêcaa, utsu tsiñahua para nú yeneêhua chenu rni bee bene, nu la lialaêhua nú chu nihua cuna nú chu leehua. 20 Xne bene enu rlee leca modo riêilla lunú riuê arquiê Diose. 21 Enzeêe utsanaê arquiêhua ye beenú lecaxi zibiê, cuna ye beenú necha neca nuê lu iliulabe quieê, nu uriêi lleênahua arquiêhua uquia quiehua Stichiaê Diose nú ubenelaêhua, xne equie cuendaêtsia bedichiaê cuaê nuê modo nú tsilaêahua. 22 Pero la yeneê tsiahua Stichiaê Diose uriêihua tucu nú rnii, xne tunu la riêihua scua sequienuhua leêcatsia liêihua. 23 Xne bee bene enu rieneêtsia Stichiaê Diose nu la zucuêlla tucu nú rnii, liêilla necalla xi neca tucu bene enu riêya lu huana nú xa rnaalla. 24 Nu chenu nzalla uzañiêlla xa rnaalla. 25 Pero bene enu la zañiê lunú ubeneêlaêlla, máselá rcuaênalla nú riêilla lunú rni Stichiaê Diose nu lecaxi riêi falta, xne bedichiaê cuaê neca nú silaêa liaêahua lu dula. Benecuaê nzutaê arquiêlla rriêilla lunú rnibiyaê Diose, nu ñia tsu arquiêlla riêilla bee nucuaê. 26 Tunu nuêhua enu rriêi elliebacuê nú neli nzequiee inziuê Diose, pero niêtemeê la biêyalla lunú rnilla, sequienulla leêca tsia liêilla nu lecaxi zibiê nú rriêilla elliebacuê nú nzequiella inziuê Diose che. 27 Xne para Diose, enu neli nzequie inziuênu nu la riaêlla niê tucu nú necha neca, liêilla rriêilla elietsa lubee enduê zaqui, cuna lubee unaêa enu unguti niyuê chenu nuê nú seca laêchaê beella, nu riêyalla liêilla lu beenú necha neca, nú nuê lu iliulabequieê.