Hebreos 6

1 Enzeêe rquiêña nú laênaêlaêahua nú chululaêahua stichiaê Jesucristo nu la yala nú benchilaêahua lubeenú uzeteêahua huaêtu. Ãialá nú riaêahua scua, luhuare nú zeteêtsiahua xneca modo tsanaê arquiaêahua lunú necha neca uriaêahua huaêtu, urre nú xneca chili arquiaêahua Diose, 2 urre xneca rinza bee bene, urre xneca ricuê bene yalla equie stucu bene, urre xneca riêi Diose nú huañi zeca bee bene enu unguti, urre xneca hualu Diose lu cuendaê bee bene chenu riña bichia nú deteê bee bene cuenda lu Diose. 3 Chiquiê ñiascaêlá nú nze acaêláêahua stichiaênu tunu scua niarquiê Diose nú acane. 4 Xne bee bene enu recala Stichiaê Diose nu nediyaêlaê lunú nuê liñibe, nu nediyaêlaê beella xneca neca Espíritu Santo, 5 nu uriêilahua beyaê nú ñia neca Stichiaê Diose nu nediyaêlaêhua xneca nibiyaê Diose, 6 nu che la niaê arquiêbeella chili arquiêbeella bedichiaê nzeêcaê Jesucristo, liêibeella chiquiê neriñaê nú chenala zeca beella inziuê Diose, xne neca xi neca nú rquieêe zeca beella Jesucristo lliêñi Diose lu cruse stucu bese para nú zeêta bee bene liêinu. 7 Bee bene neca xi neca yuu nú ratse ye inza quiu lu, nu tunu chiquiê ñia unguyuê nú unguyuê lu yuu zeêe para bene enu rriêi riñaê lu yuu zeêe che rriêi Diose nú nza nzeêcae lu cuendaêlla. 8 Pero tunu purotsia bee eche cuna bee huañi rayu lu yuu zeêe, che lecaxi sibiêi, nu che nzeêta castiya nú zeca yuu zeêe, nu che chiquine. 9 Bee saêa enu nzeli arquiaêahua Jesucristo, la nia scua lu cuendaêhua xne liêiru nediyaêru nú rriêi nzeêcahua, nu scua nzeriêiláhua lunu riala riêihua para nú tsilaêahua lu castiya. 10 Xne Diose, lacanu tucu Diose enu la riêi tucu nú necane para nú zañiênu beenú neca nzeêca uriêihua cuna ye nú ulubeêlahua lunu, nu secahua liêinu nu uriêihua elietsa lubee saêahua enu nzeli arquiê Jesucristo tucu nú rriêiscaêhua nee. 11 Pero liêiru niarquiêru nú nzeriêiláhua scua diqui nú nehuañihua. Nu la llacaêhua nú riêihua scua, para nú atiêhua lunú nzucu luhua nú atiêhua. 12 La riêihua nú aca nebichiuhua sino que uriêihua tucu nú uriêi bee bene enu uchili arquiê Diose sin nú allacaê beella nucuaêa quiebeella nú atiê beella lunú ucuaquiê uêna Diose lubeella nú atiê beella. 13 Chenu ucuaqui uêna Diose lu Abraham, uninu lu leêcatsia liêinu xne lecati stucu enu masela neca equie luquela liêinu, 14 nu uninu lu Abraham: “Liêá neli riêá nú cha nzeêca lu cuendaêlu nu riêá nú chiquiê huaxi bee familiaêlu luêculu." 15 Chequie lá llacaê Abraham utsuquiella nú atiêlla lunú uni Diose nú deteênu lulla. 16 Bee bene, para nú aca achee nú neli tsaêalubeella lunú rnibeella, liêibeella rquiêña nú nibeella nombreê tucu enu máse neca equie luquela liêibeella. 17 Neequie leêca esquie, equie nú niarquiê Diose lubeênu lubee bene enu atiê lunú uninu, nu riña tucu bichia nú leca xunga cheêenu elliebacuênu equie nú ucuaqui uênanu, enzeêe uninu lu leêcatsia liêinu. 18 Chiucu beenú la rila urecheê Diose, nu necane lunú ucuaqui uênanu, nu lunú uninu lu leêcatsia liêinu nu nediyaêlaêahua nú liêinu la nequichiaênu. Chequie scua chiquiê riuêu ana arquiaêahua para nú nzebicaêláêahua lunu para nú riêinu elietsa luaêahua, equie nú nzucula luaêahua nú neli riêinu tucu nú unilanu. 19 Nu lunú nediyaêahua nú aca tucu nú unila Diose nú aca, enzeêe nzutaê arquiaêahua lu stichiaênu tucu nú nzenetaê tucu gancho barco. Nu lunú nzutaê arquiê bene scua nzeêtae enza liñibe. 20 Elu uyuêula Jesucristo para nú xaêlanu inziu para liaêahua, liêinu enu necala uleêya diqui tiembu, tucu nú unga Melquisedec.