Colosenses 2

1 Niarquia nú riêihua beyaê nú chiquiê rtiêquia arquia para nú riêá elietsa luhua, cuna lubee bene enu nucuaêa eyeche Laodicea nu cuna lu ye beelá bee bene enu lascaê chulu liêá. 2 Rtiêquia arquia para nú duaêa ana arquiêbeella nú aca tucu necatsebeella nu zeca beella bee saê beella nu luêcubeella nú chiquiê aca elliebacuê beella para nú aca beella chulu beella lunú nélubeê Diose lubee bene tiembu nú udete, nú nucuaê neca Cristo. 3 Nu equie cuendaê liêinu nzeêta ye nú reca elliiebacuê bee bene, cuna nú rriêi bee bene beyaê. 4 Liêá rnia bee bedichiaê quieê luhua para nú lecati zequienu liêihua cuna bee bedichiaê nú nuêchi neca. 5 Añinzuca nú la nzua cuna liêihua, pero siempre nchiucuê arquia liêihua, nu ñia nzu arquia xne rriêihua tucu nú rialane, cuna nú chiuca nzutaê arquiêhua lunú nzeli arquiêhua Jesucristo. 6 Enzeêe tucu nú nzelila arquiêhua Jesucristo enu rnibiyaê leêca scua uzuêcuêhua lunú rninu, 7 ucuaênahua nú chequiehua liêinu tucu nú neli neca, nu chiuca utsutaê arquiêhua lunú nzeli arquiêhua liêinu tucu nú ungalahua, nu siempre deêteêhua cheêtsa lu Diose. 8 Ubiêyahua liêihua. La tsanaêhua nú zequienu bee bene liêihua cuna elliebacuê beei nú lixiu neca, urre bee bedichiaê nú la zibiê nú nzeêta lubee costumbretsia, urre elurnibiyaê nú nuê lu iliulabe quieê, xne la yeêta nucuaê lu cuendaê Jesucristo. 9 Xne tucu nú neca Diose scua neca Jesucristo, 10 nu lecaê xi quiêña riêihua para nú acahua beneê Diose xne neca tucu necatselahua cuna Jesucristo, liêinu enu rnibiyaê lu ye bee enu rnibiyaê cuna ye bee elu usticia nú la lañiaêahua. 11 Nu leêca equie nú neca tucu necatsehua cuna Jesucristo, nuyaêlahua señaênu, pero la neca seña quieê xi neca seña nú rquiee bee bene Israel, señaênu neca nú la huañiaêhua tucu nú necatsia elliebacuêhua. 12 Chenu urinzahua, neca nucuaê xi neca nú ungutihua cuna Jesucristo nu uhuañi zecahua cuna liêinu, equie nú nzeli arquiêhua nú rluêcu Diose poder nu uriêinu nú uhuañi zeca Jesucristo lu eluti. 13 Huaêtu, liêihua necahua xi neca bene enu unguti lu Diose equie cuendaê stulahua nu equie nú la uyaêhua seña nú nuyaê bee bene Israel. Pero nee equie cuendaê Jesucristo uriêila Diose perdona liaêahua lu cuendaê stulaêahua, nu nee rluêculaêahua elunehuañi cuna Jesucristo. 14 Diose uchilala stulaêahua lunú nzu dixiuêahua tucu nú rnibiyaê leyênu. Uchilanu dula cuaê chenu unguti Jesucristo lu cruse. Nu liêinu udixiunu equie cuendaêahua. 15 Nu scua uriêinu ana lu ye bee elu usticia, cuna lu ye nú rnibiyaê nú nzeêta lu benechiquiê. Nu utsaêna netúnu beei lu ye bee bene nu uriêinu ana lubeei equie nú ungutinu lu cruse. 16 Enzeêe la riêihua caso bee enu seêta liêihua equie nú racuhua urre equie nú rueêehua, urre equie nú la riêi casohua bee bichia liñi, urre bichia nú rquiee guu urre bee bichia nú sulachi bee bene, 17 xne ye bee nucuaê necatsia xi neca xcaêlaê Jesucristo, nu nee liêinu ubeêtalanu. 18 La tsanaêhua nú zequienu bee enu rluêcu ulaêna lubee ángele liêihua para nú tsanaê arquiêhua inziuê Diose, xne liêibeei rlubeêbeei nú lleêna arquiêbeei pero lia rriêitsiabeei nucuaê. Leêca rnibeei nú nuê xi rlubeêlu lubeei, che rutiêbeei cuna elliebacuê tsiaêbeei. 19 Pero liêibeei la nzu Jesucristo cuna liêibeei, liêinu enu rnibiyaê luaêahua. Nu equie cuendaê liêinu nze riêilaêahua beyaê xa chequieêahua stichiaênu para nú aca tucu necatseêahua cuna bee saêahua, cuna nú aca tucu necatsehua cuna Jesucristo tucu nú niarquiê Diose. 20 Nee tunu neli nú rluêcuhua elunehuañi nú necuqui neca cuna Jesucristo, cuna nú la quiêña nú riêihua caso stichiaê bee bene enu nzequiee lunú la yeêta lu Diose. ¿Xinu sucuêhua stichiaê bee bene enu rni: 21 “La tiêyalu nucuaê. Nu la aculu nucuaê, nu la naêtselu nucuaê”? 22 Ye bee elu rnibiyaêcua laxu bee nucuaê, xne bee benetsia ullela arquiê bee nucuaê. 23 Neli nú bee elurnibiyaê cuaê neca xi neca nú chiquiê secae equie nú chiquiê rlaêna bee bene nú tsaêalubeei nu sucuêbeei nu rriêibeei nú nehuana seca leêcatsia liêibeei, pero lecaxi zibiê elurnibiyaê cuaê para nú cá nucuaê lunú necha neca rleêbeei.