Los Hechos 8

1 Nu para Saulo neca nzeêca nú unguuti bee bene Esteban. Nu leêca bichia zeêe uquixie bee bene nú uriêibeei nú nehuana seca bee beneê Jesucristo eyeche Jerusalén. Ye beella uriêchialetse beella diqui lubee iliu Judea, cuna lu iliu Samaria, uyaênatsia bee apóstolênu eyeche Jerusalén. 2 Chequie chiucu chuna bee niyu enu nzenu cuenda nú nzucu Diose uyacaêchiê beella cuerpoê Esteban nu chiquiê ungunaênu beella liêilla. 3 Nu uquixie Saulo nú unaêtsei bee bene enu nzeli arquiê Jesucristo, nu riuêi niê por niê beella, nu ala juerza ruyaêi niyu si unaêa rduêi niêcuê. 4 Pero bee bene enu uchiuêu eyeche Jerusalén udixiuleêe beella bedichiaê nzeêcaê Diose catse elu nzuebeella. 5 Felipe enu neca tucu bene leta beella, uyalla eyeche llene Samaria, nu uquixiella rixiuleêella stichiaê Jesucristo lubee bene zeêe. 6 Uyetesaê huaxi bee bene nu yebeella sucuêdiaca beella lunú udixiuleêe Felipe lubeella, cuna lunú ulañiêbeella bee milagro llene nú uriêilla. 7 Xne uriêiyecalla huaxi bee bene enu nchiñi benechiquiê arquiê, nu rixiali bee benechiquiê zeêe xiuêu arquiêbeei. Leêca uriêiyecalla bee bene enu neati tucu parte cuerpoê cuna bee bene enu necuxu. 8 Enzeêe chiquiê ñia utsu arquiê ye bee bene eyeche zeêe. 9 Pero eyeche zeêe nzucu tucu bene enu lee Simón, hasta huaêtu rriêi elu uliñi nu sequienui bee bene eyeche Samaria, nu rriêi nú necai tucu bene enu neca equie. 10 Ye bee bene zeêe ubeneêbeei lunú uni Simón, desde bee enduê llaêna nu hasta bee bene uxu, nu unibeei: âNiyu quieê chiquiê rluêcu poder nú rluêcu Diose. 11 Chiquiê rriêi caso beei lunú rni, xne hasta huaêtu sequienui bee bene equie elu uliñi nú rriêi. 12 Pero chenu uyalí arquiê bee bene lunú udixiuleêe Felipe equie cuendaê poder nú rluêcu Diose, cuna equie cuendaê Jesucristo. Che urinza beella niyu si unaêa. 13 Nu hasta liêi Simón quieê uyalí arquiêlla Jesucristo nu urinzalla, nu uquixie enzenulla Felipe, cuna nú nzenu arquiêlla lu ye clasiaê bee milagro llene nú rlañiêlla rriêi Felipe. 14 Chequie chenu ungabiyaê bee apóstolê Jesucristo enu nucuaêa eyeche Jerusalén nú uchili arquiê bee bene Samaria Stichiaê Diose, uxeêla beella Pedro cuna Juan lubee bene zeêe. 15 Chenu uriñabeella eyeche Samaria, unacuê beella lu Diose equie cuendaê bee bene enu uyalí arquiê Stichiaê Diose para nú yucu arquiêbeella Espíritu Santo. 16 Xne niê tucu beella lascaê yucu arquiêbeella Espíritu Santo, urinzatsia beella cuna nú lee Jesucristo. 17 Chequie uricuê Pedro cuna Juan ya beella equie bee bene zeêe para nú uyucu arquiêbeella Espíritu Santo. 18 Chenu ulañiê Simón nú uyucu arquiê bee bene zeêe Espíritu Santo equie nú uricuê bee apóstol ya beella equie bee bene zeêe, uniarquiêlla nú deteêlla dimi ya beella, 19 nu unilla: âLeêca nua uliêquiê poder cuaê lua para nú chenu ricua yaa equie tatse bene, leêca yucu arquiê nzeêe Espíritu Santo. 20 Chequie uni Pedro lulla: âLiêilu cuna dimiêlu nitilulu, xne rriêilu elliebacuê nú tsilu poder nú lia rliquiê Diose. 21 Liêilu niêtemeê la yala nú riêilu tucu nú rriêiru, xne niêtemeê la chequieelu inziuê Diose. 22 Utsanaê arquiê beenú necha neca rriêilu nu ucheêe elliebacuêlu, nu uziquiee lu Diose tunu tianuê xa riêinu perdona lunú necha uriêilu elliebacuê scua. 23 Xne puro nú necha neca nuê arquiêlu, nu rnibiyaêscaê dula lulu. 24 Che ucuaqui Simón nú unilla: âUnaêcuhua lu Diose equie cuendaa para nú la zeca niê tucu beenú unihua. 25 Chenu ulaxu nú unibeella stichiaê Jesucristo cuna nú unibeella Stichiaê Diose lubee bene zeêe, cheelá ubenchilaê zeca beella eyeche Jerusalén. Nu ye bee eyeche nú nchiucuê lu iliu Samaria elu udete beella udixiuleêe beella Stichiaê Diose lubee bene. 26 Lulá bee nucuaê, uni tucu ángeleê Diose lu Felipe: âUquia enza sur, inziu nú xiuêu enza Jerusalén nu nza enza eyeche nú lee Gaza. Inziu zeêe rdete lu dañi achi. 27 Che uchiuêu Felipe nú nzalla, nu lu inziu ullunaêlla tucu niyu eyeche Etiopía. Neca benequieê enu chiquiê neca equie xne rricucheêella ye dimiê reina Candace enu rnibiyaê Etiopía, nu uyaalla eyeche Jerusalén udeteêlla ulaêna lu Diose. 28 Nu nuê nziulalla nú nzialla enza lachilla, nzuculla equie acaretaêlla rulalla lu ichiê Stichiaê Diose nú uquieêe profeta Isaías. 29 Che uni Espíritu Santo lu Felipe: âUquiabica lu acareta cuaê. 30 Chenu uyabica Felipe lu acareta zeêe, ubeneêlla nú rula bene zeêe lu ichiê Stichiaê Diose nú uquieêe profeta Isaías, nu unidichiaêlla lu bene zeêe: â¿Detá rriêilu beyaê lu ichiê nú rulalu la? 31 Chequie ucuaqui bene zeêe nú unilla: â¿Xa riêá beyaê nú rnii, tunu lecati ixiuleêe lua xa rnii? Nu uni bene zeêe lu Felipe nú quieella equie acareta nu cuaêa junto beella. 32 Lu ichiê Stichiaê Diose elu rulalla rni: Unguyaê bee bene liêinu xi neca tucu sanchi, elu úti beei liêinu; nu lá ninu xi neca tucu sanchi enu lecaxi riêi nuxu lu bene chenu xiecuê bene ichia tsuêí. 33 Chenu xitse uriêinu bee bene liêinu. Lecati uriêi elu usticia lu cuendaênu, ¿ti nii nú ti neca bee beneênu enu udetela? Xne uchiuêulanu lu iliulabe quieê. 34 Chequie uni bene zeêe lu Felipe: âUriêi faura uniê lua, ¿ti lu cuendaê rni profeta cuaê, rnilla lu cuendaê liêitsialla la, urre rnilla lu cuendaê stucu bene la? 35 Chequie uquixie Felipe nú udixiuleêella xi rni luhuare lu Stichiaê Diose elu rulalla, nu uni Felipe equie cuendaê bedichiaê nzeêcaê Jesucristo lulla. 36 Lu zeêelá chenu udete beella tucu luhuare elu nuê inza, uni bene zeêe lu Felipe: âCaêa nuê inza, ¿nuê modo rinzalu liêá caêa nee la? 37 Nu uni Felipe lulla: âNuê modoe, tunu diquinuê arquiêlu chili arquiêlu Jesuse. Che unilla: âChili arquia nú Jesucristo neca Lliêñi Diose. 38 Chequie unibiyaêlla nú utsuxe acaretaêlla, nu ulaca rucu beella equie acareta zeêe, nu uyuêu beella lu inza nu urinza Felipe liêilla. 39 Chenu uchiuêu beella lu inza, hora zeêe tuênatsia uniti Felipe nu unguyaê Espíritu Santo liêilla, nu né lañiaê bene zeêe liêilla. Pero chiquiê ñia nzu arquiêlla nze riêilla seidu inziuêlla. 40 Chenu uriêi Felipe beyaê nú hasta eyeche Azoto nzulalla, che eyeche por eyeche udixiuleêella bedichiaê nzeêcaê Jesucristo lubee bene, hasta nú uriñalla eyeche Cesarea.