Los Hechos 2

1 Chenu uriña bichia liñi nú lee Pentecostés, uyetesaê ye bee bene enu nzeli arquiê Jesuse tucutsia luhuare. 2 Nu tuênatsia ubene nú rula enza liñibe xi rula chenu enta tucu bi juerte, nu ubene nú rula diquineca liñi niêi elu nucuaêa beella. 3 Chequie ulubeêlu beenú rnaa xi rnaa quii meêe nú rulu, nu ulacae equie cada tucua beella. 4 Nu yebeella chiquiê uyucu arquiêbeella Espíritu Santo, nu uquixie nú unibeella stucu bee dialu rene, tucu nú niarquiê Espíritu Santo nú ni beella. 5 Bee bichia zeêe uriña bee bene Israel eyeche Jerusalén para nú deteê beella ulaêna lu Diose, nu nzeêta beella diqui bee luhuare lu iliulabe. 6 Chenu ubeneêbeella nú rula, uyetesaêbeella para nú nze biêya beella xi nú rula scua, nu hasta la riêibeella beyaê xi elliebacuê riêibeella, xne cada tucua beella ubeneê beella nú rni bee beneê Jesuse dialuê cada tucua beella. 7 Chiquiê nzenu arquiêbeella hasta nú lá riêibeella beyaê xa ni beella, nu uquixie beella nú unibeella lusaêbeella: â¿Xieê la neca ye bee bene enu rni cuaê bee bene Galilea la? 8 ¿Xiquie nú rieneêahua nú rnibeella dialuê cada tucuaêahua? 9 Caêa letaêahua nucuaêa bee bene eyeche iliu Partia, cuna bee bene enu nzeêta lu iliu Media, cuna bee bene enu nzeêta lu iliu Elam, cuna bee bene enu nzeêta lu iliu Mesopotamia, cuna bee bene lu iliu Judea, cuna bee bene lu iliu Capadocia, cuna bee bene lu iliu Ponto, cuna bee bene Asia, 10 cuna bee bene Frigia, cuna bee bene Panfilia, cuna bee bene Egipto, cuna bee bene lu iliu Africa, axu Cirene. Nu cuna bee bene Roma, chiucu chuna bee bene Roma quieê ungula lu iliu Israel nu nucuaêa beei Roma. Leêca chiucu chuna beei neca mero bene Roma enu nzeli arquiê tucu nú nzeli arquiê bee bene Israel Diose. 11 Leêca caêa letaêahua nucuaêa bee bene lu iliu Creta cuna bee bene Arabia, pero yeêahua rieneêahua bee milagro nú rriêi Diose xne rni bee bene cuaê dialuê cada tucuaêahua. 12 Chiquiê nzenu arquiê ye beei nu la riêibeei beyaê xi elliebacuê riêibeei, nu uquixiebeei nú rnidichiaê beei lu saêbeei: â¿Xi nucuaê nú reca caêa scua? 13 Pero nuê beei enu utsequichiaê liêibeella nú unibeei: â¡Xuchiê bee bene cuaê! 14 Chequie utsuli Pedro cuna se chetuêcu bee apóstol nu juerte unilla: âBee bene Judea cuna ye bee bene enu nucuaêa caêa Jerusalén, uzuêcuê diacahua nu uriêihua beyaê nú nia luhua. 15 La lluchiê bee bene quieê tucu nú rriêihua elliebacuê, xne apena neca rquiquieê silaê nee. 16 Lunú reca caêa, neca tucu nú uni profeta Joel chenu unilla: 17 Uni Diose, riña bichia chenu xeêla Espíritu Santoa para nú llutsene arquiê ye bee bene; Nu bee llianaêhua cuna bee xinchiuêcuhua ixiuleêe beei stichiaêa, nu bee enduêhua huaxi beenú enta lubeêlu lubeei, leêca esquie bee bene uxu huaxi beenú ni xcalaê beella. 18 Bee bichia zeêe xeêla Espíritu Santoa lubee niyu cuna lubee unaêa enu sibiê lua, che ixiuleêe beella stichiaêa lubee bene. 19 Lubea luhua nú lañiêhua huaxi bee seña liñibe nu chiquiê chenu arquiêhua, nu lu yuu lubea luhua bee seña: Nu lañiêhua nú na xi na rene, cuna quii cuna llene nu na xi na xcabe. 20 Che cabe lu bichia, nu aca nelu guu xi nelu rene, ante nú riña bichia llene nú ñia neca, chenu riña liêinu, enu rnibiyaê. 21 Nu tatse bee bene enu nacuê lu Diose, tsilaêanu nzeêe lu dula. 22 ‘Nee nia luhua bee bene Israel, uzuêcuê diacahua, nú liêihua nediyaê nzeêcaêhua nú Jesuse bene eyeche Nazaret, liêinu enu uxeêla Diose uriêinu bee milagro luhua nu cuna bee seña nú chiquiê uyanu arquiêhua para nú riêi nzeêcahua beyaê nú Diose uxeêla liêinu. 23 Hasta huaêtu utsula Diose nú xa zeca Jesuse, liêihua unaêtsehua liêinu nu udeteê cuendahua liêinu lubee bene enu necha rriêi para nú ungutinu lu cruse. 24 Pero uriêi Diose nú uhuañi zeca Jesuse lu eluti, nu utsilaêa Diose liêinu lu eluti, xne másela reca Jesuse luquela eluti. 25 Nu chenu uni arre David bedichiaê equie cuendaê Jesuse, unilla: Siempre ulañia nú nzu Diose Pa liñibe cuna liêá. Nu nzunu cueêtsea chubee para nú lecaxi lliquia. 26 Enzeêe chiquiê ñia nzu arquia rnia bedichiaê nzeêca lu Diose. Mase nú atia la chenuarquia, 27 xne la tsanaêlu nú yaêna cuerpoa liñi eluhua, nu leêca la tsanaêlu nú uchu cuerpoê Lliêñilu enu la luêcu dula. 28 Ulubeêlu lua inziu nú rliquiê nú nehuañia nu chiquiê ñia tsu arquia huañia cuna liêilu. 29 ‘Bee saêa, nia luhua nú arre David ungutilalla nu uhuachiêlalla, nu eluhuaêlla rlañiêscahua hasta nee. 30 Pero arre David ungalla tucu profetaê Diose, nu nediyaêlaêlla nú ucuaqui uêna Diose nú leta bee beneêlla enu nzeêta enza luquiela ala Cristo enu nibiyaê. 31 Scua unga, chenu uhuañi David neca xi neca nú rlañiêláêlla nú xi enta aca, nu unilla nú huañi zeca Cristo lu eluti nu la yaêna cuerpoênu liñi eluhua, nu leêca esquie la uchu cuerpoênu. 32 Nu nee uriêila Diose nú uhuañi zeca Jesuse lu eluti, yeru ulañiêlaêru nú ungae scua. 33 Nu nee nzucula Jesuse liñibe cueêtse Diose chúbe, nu udeteêla Diose Espíritu Santo lunu tucu nú ucuaqui uêna Diose hasta huaêtu, nu uxeêla Jesuse Espíritu Santo quieê lu iliulabe nu equie cuendaê Espíritu Santo reca lunú rieneêahua nu rlañiêahua. 34 La neca David enu uquie liñibe, xne liêilla unilla: Diose Pa liñibe uni lu liêinu enu rnibiyaê lua: “Uzucu cueêtsea chube, 35 hasta nú riña bichia nú riêá nú nibiyaêlu lu ye bee bene enu rle lulu." 36 ‘Enzeêe yehua bee bene Israel, uriêihua beyaê nú Jesuse enu uquieêehua lu cruse, uriêi Diose nú necanu Cristo enu rnibiyaê luaêahua. 37 Chenu ubeneê bee bene cuaê nú uni Pedro scua, nehuana utsu arquiêbeella, chequie unidichiaê beella lu Pedro cuna lubeelá bee apóstolê Jesucristo nú unibeella: âUniêhua, ¿xi rquiêña nú riêiru che? 38 Nu ucuaqui Pedro lubeella: âUtsanaê arquiêhua stulahua, nu urinza cada tucuahua lu nú lee Jesucristo para nú riêi Diose perdona stulahua, nu scua liquiênu Espíritu Santo luhua. 39 Xne nucuaê ucuaqui uêna Diose, nu neca nucuaê para liêihua, nu necane para lu ye bee lliêñihua nu para lu ye bee bene enu nucuaêa istu, nu leêca necane para lu ye bee bene enu ucañi Diose Pa liñibe para liêinu. 40 Scua uni Pedro lubeella, nu unilla bee bezeteê lubeella cuna beelá bee bedichiaê nú unilla: â¡Uchiuêuchuhua leta bee bene enu rriêi nú necha neca! 41 Chequie bee bene enu uzucuê stichiaê Pedro urinza beella, nu bichia zeêe uyalí arquiê tucu chuna mili bee bene Jesucristo. 42 Yebeella utsutaê arquiêbeella lunú uzeteê bee apóstolê Jesucristo liêibeella, nu uhuañinzeêca beella, nu unga tucu necatse beella nu rnacuê beella lu Diose, nu uyetesaêbeella para nú udacu junto beella pá tucu nú unibiyaê Jesucristo nú riêi beella. 43 Ye bee bene chiquiê uyanu arquiêbeella, lu huaxi bee milagro cuna lubeela beenú uriêi bee apóstol. 44 Ye bee bene enu uyalí arquiê Jesucristo neca tucu necatse beella nu uditsiê beella steneê beella lu saêbeella, 45 nu ungüiti beella bee yuê beella cuna ye beenú rluêcu beella, nu uditsiê beella dimi cuaê lu saêbeella lunú xi seca laêchaê cada tucua beella. 46 Ye bichia rieteê saêbeella liñi Indu llene Jerusalén, nu cheelá nzuebeella niêbee saêbeella enu nzeli arquiê Jesucristo nze tacu beella eta nu ñia nzu arquiêbeella lu saê beella cuna nú seca saêbeella. 47 Unibeella bedichiaê nzeêca lu Diose, nu uyuê arquiê ye bee bene eyeche zeêe lunú xneca nehuañi beella, ye bichia uriêi Diose elietsa nú rdalalá bee bene enu uchili arquiê liêinu nu uriêinu perdona stula beella, nu uyeteê bee bene quieê cuna beelá beneê Jesucristo.