Los Hechos 1

1 Teófilo enu rquietea, ichiê rluti nú uxeêla lulu, lu ichiê zeêe udixiuleêa ye beenú uquixie Jesucristo uriêinu cuna ye beenú uzeteênu, 2 hasta bichia nú uquienu liñibe. Nu ante nú yanu liñibe, ucañinu bee bene enu aca bee apóstolênu, nu equie cuendaê Espíritu Santo, udixiuleêenu lubeella nú xi rquiêña riêibeella. 3 Ungutinu nu uhuañi zecanu nu ulubeêlunu lubeella para nú riêibeella beyaê nú neli nú nehuañinu, nu diqui chiuêa bichia ulubeêlunu lubeella, nu udixiuleêenu lubeella nú xa neca lunú rnibiyaê Diose. 4 Chenu nzuscaênu cuna bee apóstolênu, uninu lubeella nú la chiuêuscaê beella eyeche Jerusalén. Nu uninu: âUcuaêaquiehua hasta nú yalu tucu nú ucuaqui uêna Paa nú riêinu luhua, tucu nú unilá luhua. 5 Neli nú Juan urinza bee bene cuna inza, pero la acaxeaê nú rinzahua cuna Espíritu Santo. 6 Chequie chenu uyetesaêbeella cuna liêinu, unidichiaê beella lunu nu necachi unibeella: âJesuse, ¿xieê uriñala bicha nú riêilu nú nibiyaê zeca bee bene lachiru luru la? 7 Nu ucuaqui Jesuse lubeella: âLa yala nú riêihua beyaê nú xi bichia nu xi hora nu xunga riêi Diose nucuaê, xne liêitsianu rnibiyaênu xunga riêinu nucuaê; 8 pero chenu yucu arquiêhua Espíritu Santo, che acahua ixiuleêehua ti neca liêá lubee bene eyeche Jerusalén, cuna diqui lu iliu Judea cuna lu iliu Samaria, cuna lu ye bee bene iliulabe. 9 Chenu ulaxu nú uni Jesuse scua diquila nú riêyascaê beella lunu tuênatsia uyatsanu uquienu liñibe, che ulaca tucu xcabe nú uyacuênu liñi nu né lañiaê beella liêinu. 10 Diqui nú riêyascaê beella enza liñibe enza uquienu, che ulubeêlu chiucu ángele enu nutu laquie niquichi lubeella, 11 nu uni bee ángele zeêe lubeella: âBee bene Galilea, ¿xinu riêyaliscaêhua enza liñibe? Liêi Jesuse quieê enu ulañiaêahua nú uquie liñibe, nzeêta zecanu stucu bese tucu nú ulañiêhua nú nzianu. 12 Chenu ulaca beella nú uya beella dañi nú lee Olivos, utse beella casi tucu kilometro para nú uriña beella Jerusalén. 13 Chenu uriña beella niêi elu nucuaêa beella, uquie beella stucu piso aya equie niêi zeêe. Nu singuie lee beella, Pedro, Jacobo, Juan, Andrés, Felipe, Tomás, Bartolomé, Mateo, Jacobo llianaê tucu bene enu lee Alfeo, Simón enu ulletse leta tucu partido nú lee cananista, cuna Judas enu neca bichi Jacobo. 14 Yebeella unga tucu necatse beella nu uyete saêbeella para nú unacuê beella lu Diose cuna bee bichi Jesuse, cuna María enu neca naênu, cuna beelá bee unaêa. 15 Bee bichia zeêe utsuli Pedro lubee bene enu nzeli arquiê Jesucristo, nu neca casi tucu ayuêu ala beella, nu uni Pedro lubeella: 16 âBee saêa enu nzeli arquiaêahua Jesucristo, rquiêña nú yalu tucu nú uquieêe David lu ichiê Stichiaê Diose, tucu nú uduê Espíritu Santo arquiêlla nú xneca riêi Judas lu iliulabe, Judas quieê neca enu udeteê cuenda Jesuse lubee bene enu unaêtse liêinu. 17 Judas quieê unga tucu saêahua enu, uriêinuaêahua riñaê tucu nú rriaêahua nee. 18 Pero cuna dimi nú uyaxu Judas lu cuendaê nú necha uriêi ungaxiêi tucu yuu, nu uyecata rendiqui Judas lu yuu nu utsa xlaêcui uchiuxquiê ye llutsiêi, nu scua ungutii. 19 Chenu ungabiyaê ye bee bene Jerusalén lunú unga scua, che uhualee beei yuu zeêe Acéldama, nu rni nucuaê yuu réne. 20 Xne lu ichiê Stichiaê Diose nú lee Salmos rni: Yaêna tuculiê niêii, nu lecaê xunga che cuaêa benene. Leêca rni lu Salmos cuaê: Chuêu stucu bene luhuareêi. 21 ‘Enzeêe lu ye bee bene enu uyanzenuaêahua ye bee bichia chenu nzu Jesuse cuna liaêahua, 22 hasta chenu urinza Juan liêinu nu hasta bichia nú uquienu liñibe. Lu ye bee benequieê rquiêña nú cañiaêahua tucu beella para nú riêilla elietsa luaêahua nú ixiuleêahua lubee bene nú neli nú uhuañi zeca Jesuse nú ungutinu. 23 Chequie ucañi beella chiucu bee bene cuaê: tuculla lee Matías, nu stuculla lee José Barsabás, enu leêca riêchia bee bene Justo. 24 Nu unacuê beella lu Diose nú unibeella: âDiose Pa liñibe, liêilu enu nuêlu arquiê ye bee bene, ulubeêluru ta lu rucu benequieê enu ucañilálu 25 para nú acalla apóstolêlu enu chuêu luhuareê Judas xne Judas unitilulai equie cuendaê stulai, nu nzialai elu riala nú yai. 26 Che ubiêya beella biêya ta lu rucu bene quieê yala nú chuêu luhuareê Judas nu uyala nú uyaêna Matías, nu hora zeêe unga zeca chiêchiucu apóstol cuna liêilla.