Los Hechos 17

1 Chenu nza Pablo cuna Silas, udete beella enza eyeche Anfípolis cuna enza eyeche Apolonia nu uriñabeella eyeche Tesalónica, elu nzucu tucu induê bee bene Israel. 2 Tucu nú neca costumbreê Pablo, uyalla liñi indu zeêe chuna bichia nú sulachi beella, unilla Stichiaê Diose lubeella. 3 Udixiuleêella nu ulubeêlla lu ichiê Stichiaê Diose lubeella elu rni nú rquiêña nú nehuana zeca Jesucristo, nu chenu atinu huañi zecanu unilla lubeella: âLeêca liêi Jesuse enu rnia luhua nee, liêinu necanu Cristo. 4 Chequie chiucu chuna bee bene Israel zeêe uyalí arquiê lunú uni Pablo, nu uyetesaêbeella cuna liêilla cuna Silas, leêca huaxi bee bene griego enu rluêcu ulaêna lu Diose cuna huaxi bee unaêa enu chiquiê neca equie uyalí arquiêbeella Jesuse. 5 Pero bee bene Israel enu la chili arquiê Jesucristo, uye arquiêbeei nu uquieteêsaêbeei bee bene enu enzee labe inziu, nu bee bene zeêe uquieteêsaêbeei beelá bee bene para nú tsureche beei bee bene. Nu uyuêu beei liñi niê Jasón rlaêna beei Pablo cuna Silas para nú huabeei liêibeella nu tsu beei liêibeella ante lu ye bee bene eyeche zeêe. 6 Pero lunú néllelaê beei liêibeella zeêe, che uxaêbeei Jasón cuna xiucu xuna bee bene enu nzeli arquiê Jesucristo, nu uyayu beei liêibeella lubee usticia, nu urixialibeei nú unibeei: âBee niyu enu rriêi nú rliu casi ye bee bene iliulabe uriñabeella caêa, 7 nu niê Jasón nucuaêa beella. Liêibeella cuna ye bee bene enu nzeli arquiê lunú rnibeella, la riêi beella tucu nú rnibiyaê leyê arre César. Xne rnibeella nú nuê stucu arre enu lee Jesús. 8 Chenu ubeneê bee usticia cuna bee bene nucuaê, yelu elliebacuê uriêi beella. 9 Pero Jasón cuna beelá bee bene enu unaêtse beei, chenu udixiu beella che ulaêa bee usticia liêibeella niêcuê. 10 Leêca rulaê zeêe, bee bene enu nzeli arquiê Jesucristo uxeêla beella Pablo cuna Silas eyeche nú lee Berea. Chenu uriñabeella zeêe, uya beella liñi induê bee bene Israel. 11 Bee bene Israel quieê máse uriêi nzeêca beella luquela bee bene enu nucuaêa eyeche Tesalónica, nu chiquiê ñia nzu arquiêbeella ubeneêbeella lunú uni Pablo, nu yeyeêe rula beella sitichiaê Diose para nú riêi beella beyaê tunu neli lunú rni Pablo. 12 Enzeêe huaxi beella uyalí arquiêbeella Jesucristo, nu leêca huaxi bee enu neca griego uyalí arquiêbeella liêinu, sia bee niyu nu sia bee unaêa enu máse neca equie zeêe. 13 Nu chenu ungabiyaê bee bene Israel enu nucuaêa eyeche Tesalónica nú rixiuleêe Pablo Stichiaê Diose eyeche Berea, che uyatuê beei arquiê bee bene zeêe para nú lee bee bene zeêe lu Pablo. 14 Pero bee bene enu nzeli arquiê Jesucristo né leêbeella chu uxeêla beella Pablo enza ruêu inzatuê. Nu Silas cuna Timoteo uyaêna beella eyeche Berea. 15 Nu bee bene enu uya tuêinza Pablo uyayu beella liêilla hasta eyeche Atenas liñi barco chenu ubenchilaê zeca beella eyeche Berea unguyaêbeella resuna nú uxeêla Pablo para nú chu cha Silas cuna Timoteo elu nzuculla. 16 Diqui nú nzuquie Pablo nú riña Silas cuna Timoteo eyeche Atenas, chiquiê nehuana utsu arquiê Pablo chenu ulañiêlla nú nuê huaxi bee diose enu rluêcu bee bene ulaêna lu eyeche zeêe. 17 Enzeêe, uya Pablo liñi induê bee bene Israel para nú unilla lubee bene zeêe Stichiaê Diose, cuna lubeelá bee bene enu rluêcu ulaêna lu Diose tucu nú rriêi bee bene Israel, nu yeyeêe unilla lu titse bee bene enu xaêcalla ruêu iêya stichiaênu. 18 Leêca unilla lu chiucu chuna bee bene enu nzequiee lunú uzeteê bene enu lee epicúreos, cuna bee bene estoicos, che nuêbeei enu uni: â¿Xi equie rni benecuaê nú chiquiê rni nucuaê scua? Xiucu xuna beei uni: âPianu stichiaê stucu bee diose rene rixiuleêe nucuaê unibeei. Unibeei scua xne lunú rixiuleêe Pablo lubeei neca bedichiaê nzeêcaê Jesucristo, cuna nú unilla equie nú uhuañi zeca Jesucristo stucu bese. 19 Chequie unguyaêbeei Pablo tucu luhuare elu lee Areópago elu rieteêsaêbeei. Nu unidichiaê beei lulla: â¿Nuê modo riêiru beyaê xa neca bee bedichiaê cuqui cuaê nú nzeêtalu seteêlu liêiru caêa la? 20 Xne puro beenú la riêiru beyaê rnilu luru, enzeêe niarquiêru riêiru beyaê xa neca bee nucuaê. 21 Xne ye bee bene eyeche Atenas, cuna beelá bee bene rene enu nucuaêa zeêe, siempre rriêibeei scua, riuê arquiêbeei nú rdeteê beei bichia nú rieneê beei cuna nú rdichiaê beei lunú necuqui neca. 22 Chequie utsuli Pablo ante lu ye beei elu neyeteêsaê beei zeêe, nu unilla lubeei: âBee bene eyeche Atenas, lu ye nú ulañia uriêá beyaê nú rluêcuhua huaxi bee diose enu rluêcuhua ulaêna lu. 23 Nu chenu riêya elu rdeteêhua ulaêna lubee dioseêhua, ulañia tucu ecuêcu elu niquie bee bedichiaê nú rni: “Para Diose enu la chuluru.” Nu Diose cuaê enu rluêcuhua ulaêna lu sin nú chuluhua liêinu, stichiaênu neca nú nzelatixiuleêa luhua. 24 ‘Diose cuaê urecheêe iliulabe cuna ye nú nuê lue, liêinu rnibiyaênu liñibe cuna lu iliulabe. La nzucunu liñi indu nú rrecheê bee bene, 25 nu leêca la quiêñanu núti riêi elietsa lunu, xne liêinu necanu enu lia rliquiê bii luaêahua para nú huañiaêahua nu liêinu rliquiênu elu nehuañiaêahua, cuna ye beenú rquiêñiaêahua. 26 ‘Equie cuendaê tucutsia bene uriêi Diose nú udala bee bene lu iliulabe para nú huañi bee bene diqui lu iliulabe, nu utsaênalanu nú calu lana huañi beei, cuna elu cuaêa beei nu hasta calu luyuu nibiyaê beei lu. 27 Para nú laêna beei Diose masia xi neca chenu rrilaê ya bene nú rlaêna bene xi rlaênalla para nú scua llelaê beei liêinu. Añinzuca nú neli nú laca istu nzu Diose lu ye bee bene. 28 Xne equie cuendaê Diose nehuañiaêahua, nu equie cuendaê liêinu rcuñiaêahua nu seêahua, nu equie cuendaê liêinu nelluaêahua lu iliulabe. Tucu nú leêca uni chiucu chuna bee beneêhua enu chiquiê reca chenu unibeella: “Liêiru necaru lliêñi Diose." 29 Enzeêe tunu necaêahua lliêñi Diose, la quiêña nú riaêahua elliebacuê nú necacheê Diose oro urre plata urre quiee, xi neca bee diose nú rrecheêe bee bene tucu nú xelatsia arquiêbeei. 30 Bee tiembu nú udetela uzela Diose nú uriêi bee bene tucu nú nzelitsia arquiêbeei equie nú la riêi beei beyaê, pero nee diqui lu iliulabe rnibiyaênu lubee bene, nú cheêe arquiêbeei lu stula beei nu chili arquiêbeei Diose. 31 Xne ucañila Diose tucu bichia nú hualunue lu cuendaê bee bene. Nu uduêlanu Jesucristo para nú riêinu elu usticia cuaê, nu para nú lañiê bee bene nú ucañi Diose liêinu nú riêinu nucuaê, nu uriêi Diose nú uhuañi zecanu chenu ungutinu. 32 Chenu ubeneêbeei nú uni Pablo nú huañi zeca bee benenguti stucu bese, chiucu chuna beei utsequichiaê liêilla, nu xiucu xuna beei uni: âPianu hasta stucu bese yeneêlaêru lunú rnilu. 33 Chequie utsanaê arquiê Pablo liêibeei, 34 pero nuê beella enu uyetesaê cuna Pablo nu uchili arquiêbeella Stichiaê Diose. Leta beella nzu tucu bene enu lee Dionisio, enu neca lu tucu texcuaêa bee bene enu lee Areópago, cuna tucu unaêa enu lee Dámaris, cuna beelá bee bene.