Los Hechos 16
TBL1 Chenu uriña Pablo cuna Silas eyeche Derbe cuna eyeche Listra, zeêe uchuêu beella tucu bene enu nzeli arquiê Jesucristo, benequieê lee Timoteo nu necalla llianaê tucu unaêa bene Israel enu leêca nzeli arquiê Jesucristo, pero paêlla neca bene griego. 2 Ye bee beneê Jesucristo enu nucuaêa eyeche Listra cuna eyeche Iconio rnibeella nu rriêi nzeêca Timoteo. 3 Chequie uni Pablo nú uyaêlla Timoteo, pero rluti uquieella seña nú rquiee bee bene Israel para nú lecaxi nii bee bene Israel enu nucuaêa enza zeêe lu cuendaêlla, xne ye beei nediyaê beei nú neca paê Timoteo bene griego. 4 Nu lu ye bee eyeche elu uyabeella, udixiuleêe beella lubee bene enu nzeli arquiê Jesucristo nú xa riala riêi beella, tucu nú uni bee ápostol cuna bee bene enu rnibiyaê lubee bene enu nzeli arquiê Jesucristo eyeche Jerusalén. 5 Scua unga nú utsutaê arquiê bee bene enu nzeli arquiê Jesucristo enu nucuaêa enza zeêe, nu bichia por bichia udala bee bene enu nzeli arquiê Jesucristo. 6 Chequie né tsanaê EspÃritu Santo nú a ixiuleêe beella Stichiaê Diose enza Asia. Che udetetsia beella lu iliu Frigia cuna lu iliu Galacia, 7 nu uriñabeella enza Misia. Zeêe uriêibeella elliebacuê nú chue beella enza lu iliu Bitinia, pero leêca né zela EspÃritu Santo nú a chaa beella enza zeêe. 8 Chenu udete beella enza Misia, uriñabeella eyeche Troas. 9 Rulaê zeêe ulleêca Pablo xi neca nú uni xcalaêlla, nú ulañiêlla tucu bene enu nzeêta enza Macedonia nu nzulÃlla sequieella lu Pablo nú unilla: “Yeêtalu enza Macedonia para nú riêilu elietsa luru." 10 Hora chenu ulubeêlu nucuaê lu Pablo, uquieneru nú nzaêaru enza Macedonia xne nediyaêru nú Diose neca enu rixia liêiru enza zeêe para nú chetixiuleêeru bedichiaê nzeêcaê Jesucristo. 11 Nu uyuêru liñi barco eyeche Troas nu nzaêalÃru enza Samotracia. Nu stuculá bichia uriñaru eyeche Neápolis. 12 Zeêe uchiuêuru nu nzaêaru eyeche Filipos, eyeche quieê neca nú máse neca equie enza Macedonia. Pero Roma rnibiyaê lu eyeche quieê, zeêe uyaênaru chiucu chuna bichia. 13 Nu tucu bichia nú sulachi bee bene Israel uchiuêuru ruêu eyeche zeêe, uyaêaru tucu reêcu elu nediyaêru nú rieteêsaê bee bene Israel para nú rnacuê beella lu Diose. Nu zeêe ulluaêaru uniru bedichiaê nzeêcaê Jesucristo lubee unaêa enu uyetesaê zeêe. 14 Tucu unaêa zeêe lee Lidia, liêilla necalla bene eyeche nú lee Tiatira, nu rutilla laquie fiñu nú morado. Neli rluêculla ulaêna lu Diose nu sucuê diacalla lunú rni Pablo, nu uxaêla Diose elliebacuêlla para nú rieneê nzeêcaêlla lunú rni Pablo. 15 Che urinzalla cuna ye bee beneêlla nu uziquieella luru nú unilla: âTunu nzeli arquiêhua nú nzelÃla arquia Jesucristo uteehua ne yaênahua nia. Che uriêilla juerza liêiru nú uyaênaru niêlla. 16 Tucu bichia chenu nzaêaru elu see bee bene rnacuê lu Diose, uchuêuru tucu unaêa eêneê enu nchiñi benechiquiê arquiê. Nu equie nú reca benechiquiê zeêe rriêinchu beyaê, nu rriênchu ana huaxi dimi para bee bene enu utsii liêinchu para nú riêinchu riñaê cuaê. 17 Nu chu nzeêta quienchu Pablo cuna liêiru nu rixialinchu nú rninchu: â¡Bee benequieê sibiê beella lu Diose liñibe, nu rixiuleêe beella luhua nú xa luêcuhua nú tsilaêahua lu stulahua! 18 Scua uriêinchu huaxi bee bichia, hasta nú ullacaê Pablo lunú rriêinchu scua nu ubenchilaêlla nu unilla lu benechiquiê enu nchiñi arquiênchu: âEquie poder nú rluêcu Jesucristo liêá nibiyaêa lulu nú chiuêulu arquiê unaêa eêneê quieê. Hora zeêe uchiuêu benechiquiê zeêe arquiênchu. 19 Pero chenu ulañiê bee bene enu rnibiyaê lu unaêa eêneê zeêe nú la riaênchu ana dimi para liêibeei, chequie unaêtse beei Pablo cuna Silas unguyaêbeei liêibeella ruêu nilabe lubee usticia. 20 Chenu udeteê cuenda beei liêibeella lubee usticia unibeei: âBee bene Israel quieê chiquiê sureche beella bee bene lachiaêahua, 21 nu seteê beei bee custumbre nú leca modo riaêahua nu la riaêahua bee custumbre cuaê, xne necaêahua bee bene Roma. 22 Chequie ye bee bene zeêe uriêi condra beei liêibeella, nu unibiyaê bee usticia nú chiuêu xucu Pablo cuna Silas para nú zeteêcheê beei liêibeella. 23 Chenu ulaxu nú juerte uzeteêcheê beei liêibeella, chu uduê beei liêibeella niêcuê nu unibiyaê beei lu bene enu rriucu ruêu niêcuê para nú riêi ucu nzeêca bene zeêe liêibeella. 24 Chenu ubeneê bene enu rriucu ruêu niêcuê zeêe nucuaê, che uduê bene zeêe Pablo cuna Silas hasta cuarto aquié xiñaê niêcuê zeêe nu ullicaêcui cuchiuê beella cuna cadena lu tucu baêca nú nchiucuê zeêe. 25 Pero tucu ulelaê rulaê, diqui nú rnacuê Pablo cuna Silas lu Diose cuna nú rula beella canto lunu. Chequie beelá bee bene enu nchiñi liñi niêcuê zeêe rieneê beei lunú rula beella. 26 Chequie tuênatsia uquixie nú unga tucu xú juerte nu ucuñi hasta simienduê niêcuê zeêe. Hora zeêe uyaêla ye ruêu bee puertaê niêcuê zeêe nu uyeêche bee cadena nú nacaêcuu ye bee bene enu nchiñi zeêe. 27 Chenu uzetee bene enu rriucu ruêu niêcuê zeêe ulañiêlla nú ye ruêu bee puerta niêcuê zeêe naêla, che uhualla espadaêlla para nú nze utilla liêilla xne uriêilla elliebacuê nú ye bee enu nchiñi niêcuê ulaêala. 28 Che juerte uni Pablo lulla: âLa útilu liêilu xne yeeru nelluaêaru caêa. 29 Chequie unacuê bene enu rriucu ruêu niêcuê zeêe tucu quii nu uyuêu xuêulla liñi niêcuê nu recatseêtseêlla xiquilla, uriñalla hasta lu Pablo cuna Silas nu utsulliquilla lubeella. 30 Nu chu uhualla liêibeella eliêyaê nu unidichiaêlla lubeella nú unilla: âDetá uniêhua, ¿xi riala riaêa para nú riêi Diose perdona liêá? 31 Nu ucuaqui beella lulla: âUchili arquiê Jesucristo enu rnibiyaê, che riêi Diose perdona liêilu cuna bee beneêlu. 32 Che unibeella stichiaê Jesucristo lulla cuna lu ye bee bene enu nucuaêa niêlla. 33 Nu rulaê zeêe bene enu rriucu ruêu niêcuê, uquieella bee elu nediêquiê Pablo cuna Silas. Che chu urinzalla cuna ye bee beneêlla. 34 Nu unguyaêlla liêibeella niêlla nu udeteêlla nú udacu beella, nu chiquiê ñia nzu arquiêlla cuna bee beneêlla equie nú nzelÃla arquiêbeella Diose. 35 Chenu uyeêe luyuu, uxeêla bee usticia bee sundado nú uyaniêbeei lu bene enu rriucu ruêu niêcuê nú laêlla Pablo cuna Silas. 36 Chequie uni bene enu rriucu ruêu niêcuê zeêe lu Pablo: âUnibiyaêla bee usticia nú laêa liêihua nuê modo nú yuehua nee sin nú chenu arquiêhua. 37 Che uni Pablo lubee sundado zeêe: âLiêiru necaru mero bene Roma nu udiñi beella liêiru ante lu ye bee bene, nu niêtemeê la zela beella nú aniru lubeella xa necane, nu uduê beella liêiru niêcuê. Nu nee niarquiêbeella nú laêa beella liêiru aêchiêtsia. ¡Leca modoe! Yeêta liêi eêcu beella laêa beella liêiru. 38 Nu uya bee sundado zeêe udixiuleêe bee nucuaê lubee usticia, chequie ulliqui bee usticia zeêe chenu ubeneê beella nú neca Pablo cuna Silas bene Roma. 39 Che uya bee usticia unacuê beella perdona lu Pablo cuna lu Silas, nu unibiyaê bee usticia nú uchiuêu beella niêcuê nu uni bee usticia zeêe lubeella nú chiuêu beella eyeche zeêe. 40 Chenu uchiuêu Pablo cuna Silas liñi niêcuê zeêe uyabeella niê Lidia. Nu chenu ulaxu nú uduê beella ana arquiê bee saê beella enu nzeli arquiê Jesucristo, chu nzuebeella.