2 Tesalonicenses 2

1 Nee bee saêa enu nzeli arquiaêahua Jesucristo, equie cuendaê nú nzeêta zeca Jesucristo enu rnibiyaê luaêahua nu equie nú yeteê saêahua cuna liêinu, nacua nu zequiaa luhua, 2 nú la zelahua nu chu zequienu bee bene liêihua, liêibeei enu rni nu uriñala bichia nu riña Jesucristo enu rnibiyaê. La lliquihua chenu yeneêhua nú rni bee bene scua, urre bee enu rni nú tucu espíritu uni lubeei scua, urre nibeei nú liêi eêcuru uquieêeru tucu carta nú rni scua lubeei. 3 La zelahua nú ti zequienu liêihua, xne ante nú riña bichia zeêe rluti riñaxu bee bichia nú la zucuaê bee bene Stichiaê Diose. Che lubeêlu tucu bene enu riêi puro nú rriêi bezeêlu bene quieê necala nú cha ebila. 4 Bene quieê neca enu riêi cundra ye lunú neca cuendaê Diose nu luêcu bee bene ulaêna lui, nu zucuê ayai liêi hasta nú zucui liñi induê Diose, nu ni nú necai Diose. 5 Ulluêcu arquiêhua nú scua unia luhua chenu uzucuaêa cuna liêihua. 6 Nu nee liêihua nediyaêlaêhua ti la zela nú chu lubeêlu nucuaê sino que lubeêlu nucuaê hasta chenu riña bichia nu riala nú lubeêlui. 7 Bee elliebacuê nú nechá neca cuaê necalane lu iliulabe, rriêitsia nú zela enu la zela nú acane scua. Chenu uzelala enu la zela nú acane scua, 8 che lubeêlu bene enu nechá rriêi cuaê, nu Jesucristo cuna bii nú laatsianu utinu liêi nu cuna ellieênu nú nzeêtanu nitilu liêi. 9 Bene enu necha rriêi cuaê, lu cuendaê bezeêlu entai, nu chiquiê luêcui nú nibiyaêi. Nu riêi huaxi bee nú zecalullieê bee bene, nu riêi bee milagro para nú zequienui bee bene. 10 Cuna ye clasiaê beenú necha neca zequienui bee bene enu unitilula ante Diose equie nú lá zela beei nu lá niarquiê beei chili arquiê beei nú neli neca nú atsilaêa liêibeei. 11 Enzeêe tsanaê Diose nu ye bee nucuaê zequienu liêibeei, nú chili arquiê beei lunú la neli neca. 12 Para nú ye beei zeca beei castiya, liêibeei enu lá chili arquiê lunú neli neca, equie nú máse uyuê arquiê beei uriêi beei lunú nechá neca. 13 Pero liêiru ye yeêe riala nú deteêru cheêtsa lu Diose equie cuendaêhua, bee saêa enu chiquiê seca Jesucristo. Xne hasta huaêtu ucañila Diose liêihua para nú tsilaêahua lu castiya lunú leca xi nahua equie cuendaê Espíritu Santo nu lunú uchili arquiêhua lunú neli neca. 14 Para nucuaê ubixia Diose liêihua nú acahua bee beneênu, chenu uniru luhua bedichiaê nzeêcaê Jesucristo enu rnibiyaê para nú huañihua liñibe elu nzucunu. 15 Enzeêe bee saêa enu nzeli arquiaêahua Jesucristo utsutaê arquiêhua uyanalahua lunú uzeteêru liêihua chenu ulluaêaru cuna liêihua, nú lunú unilaru luhua lu carta. 16 Nu Jesucristo enu rnibiyaê luaêahua cuna Paêahua Diose enu seca liaêahua nu rduênu ana arquiaêahua diqui tiembu enu uliquiê luaêahua tucu nú neca nzeêca nzuculuaêahua, equie nú ñia nzeêcanu. 17 Liêinu duênu ana arquiêhua nu riêinu elietsa luhua nú tsutaê arquiêhua nihua nu riêihua puro nú neca nzeêca.