2 Tesalonicenses 1
TBL1 Liêá Pablo, cuna Silvano nu Timoteo, rquieêeru carta quieê luhua, liêihua bee bene Tesalónica enu nzeli arquiê Jesucristo, liêihua enu neca tucunecatse cuna Diose Pa liñibe nu cuna Jesucristo enu rnibiyaê. 2 Nu Diose Paêahua cuna Jesucristo enu rnibiyaê riêi nú cha nzeêca lu cuendaêhua cuna nú nzuxe arquiêhua. 3 Bee saêa enu nzeli arquiaêahua Jesucristo ye yeêe rdeteêru cheêtsa lu Diose equie cuendaêhua, xne scua riala nú riêiru, xne ye yeêe másela nze chililá arquiêhua Jesucristo, nu leêca cada tucuhua maselá secahua bee saêhua. 4 Nu chiquiê ñia nzu arquiêru rniru lu cuendaêhua ante lu beelá bee beneê Diose, nu rniru lubeella equie nú xa nzelà arquiêhua nu xa nzuquie arquiêhua añinzuca nú rriêinu bee bene liêihua lunú rriêinu bee bene liêihua, nu lunú nehuana secahua. 5 Nucuaê rlubeê nú rlualu Diose tucu nú necane. Xne liêihua bee enu nehuana seca riala nú atiêhua elu rnibiyaênu. 6 Nu lunú rlualu Diose tucu nú necane, enzeêe riêinu nú nehuana zeca bee bene enu rriêi nú nehuana secahua. 7 Nu liêihua bee enu nehuana seca nee, liquiênu nú tselachiaêahua bichia chenu riña zeca Jesucristo enu rnibiyaê, nzeêtanu enza liñibe leta ellieênu nú xi neca quii neca cuna bee ángeleênu enu chiquiê rluêcu poder. 8 Che deteênu castiya bee bene enu la niarquiê chulu Diose nu cuna lubee bene enu lá niarquiê chili arquiê bedichiaê nzeêcaê Jesucristo enu rnibiyaê luaêahua. 9 Bee benequieê zeca castiya nú leca xunga laxu, nu la yala cuaêa beei elu nzucu Diose xne chiquiê rnibiyaênu. 10 Scua aca bichia chenu riña zeca Jesucristo enu rnibiyaê para nú luêcu bee beneênu ulaêna lunu, nu zecalullieê ye beella lunu, nu leêca liêihua enu uyali arquiê stichiaênu nú uniru luhua. 11 Enzeêe ye yeêe rnacuêru lu Diose equie cuendaêhua, nú riêinu elietsa luhua nú huañihua tucu nú rialane tucu nú ubixianu liêihua nú huañihua. Nu leêca rnacuêru lunu nú riêinu elietsa luhua cuna poder nú rluêcunu nú yalu ye elliebacuê nzeêca nú rriêihua, nu cuna ye beelá beenú rriêihua, equie nú nzeli arquiêhua liêinu. 12 Nu scua zucuê ayahua Jesucristo enu rnibiyaê luaêahua nu liêinu zucuê ayanu liêihua equie nú secanu liêihua nu seca Diose liêihua.