2 Corintios 9
TBL1 Nu nee equie cuendaê uêna nú rquiêña nú deteêhua para nú riêihua elietsa lubee saêahua enu nzeli arquiê Jesucristo, la quiêña nú nila nucuaê luhua stucu bese. 2 Xne liêá nediyaa nú chiquiê riuê arquiêhua riêihua elietsa. Nu hasta nú chiquiê ñia nzu arquia unia lubee bene Macedonia nú liêihua bee bene acaya desde teliana niarquiêhua riêihua elietsa, nu casi ye bee bene lu iliu Macedonia uniarquiê beella nú leêca riêibeella elietsa chenu ubeneê beella nucuaê. 3 Enzeêe uxeêlaa Tito cuna xiucu bee saêahua para nú aca achee nú neli nú unia equie cuendaêhua lu cuendaê elietsa zeêe, para nú nucuaêa tsiñiahua nú riêihua elietsa, tucu nú unila lubeella nú rriêihua. 4 Xne tunu nzelayua chiucu chuna bee bene Macedonia nu canú llunaêru liêihua nú lascaê quieteêsaêhua uêna cuaê nu che acane diatu para liêá nu para liêihua, equie confianza nú rluêcua cuna liêihua. 5 Enzeêe uriêá elliebacuê nú unia lu Tito cuna lu xiucu bee saêahua nú máse neca nzeêca nú riculu beella yeêtabiêya beella liêihua, para nú riêibeella elietsa luhua nú laêxuhua quieteêsaêhua elietsa nú unilá luhua para nú neca listulane chenu riñaa. Nu scua aca achee nú neli niarquiêhua riêihua elietsa, nu la necane nú sucuê quiyaru liêihua nú riêihua scua. 6 Liêá nia luhua nú bene enu rduê lleênatsia nii leêca esquie lleênatsia ulaêcu riuculla nu bene enu rduê huaxi nii leêca esquie huaxi ulaêcu riuculla. 7 Cada tucuhua udeêtehua elietsa nú rriêihua elliebacuê nú deteêhua, la deteêhuane ala fuerza tunu la niarquiêhua nú deteêhuane, xne Diose riuê arquiê bene enu ñia nzu arquiê rdeteê xi rdeteê. 8 Nu Diose rluêcu yee poder para nú riêinu elietsa luhua para nú luêcuhua yee lunú seca laêchaêhua para nú lecaxi zeca laêchaêhua nu para nú nuê modo riêihua elietsa lu yeene chenu riala riêihuane. 9 Lu ichiê Stichiaê Diose rni: Bene nzeêca, rriêi elietsa lubee bene enu nuê xi seca laêchaê, nu leca xunga zañiê beella lunú rriêi nzeêca bene zeêe. 10 Nu Diose enu rliquiê ebichi nú rduênii bee bene, liêinu riêinu elietsa luhua nú xneca riêihua para nú luêcuhua ye lunú seca laêchaêhua, para nú nuê beyaê riêiláhua elietsa lubee bene enu nuê xi secalaêchaê. 11 Che scua luêculáhua ye clasiaê eluxene nú liquiê Diose luhua para nú nzeriêiláhua elietsa lubee bene. Nu equie cuendaê elietsa nú liquiêhua nú uyaêru lubee saêahua enu nzeli arquiê Jesucristo, liêibeella deteê beella cheêtsa lu Diose equie cuendaê nucuaê. 12 Elietsa cuaê la zibiêtsiae lubeella lunú xi rquiêña beella sino que zibiêi lubeella para nú máse deteêlá beella cheêtsa lu Diose. 13 Equie cuendaê elietsa cuaê riêi beella beyaê nú neli sucuêhua nú rni stichiaê Jesucristo tucu nú nzeli arquiêhuanu nu nihua bedichiaê nzeêca lu Diose equie cuendaê nucuaê, nu lunú chiquiê nzeêcahua riêihua elietsa lubeella cuna lubeelá bee bene enu seca elitsi. 14 Nu leêca nacuêbeella lu Diose equie cuendaêhua, nu zeca beella liêihua equie elliebacuê nzeêca nú uliquiê Diose luhua nú rriêihua elietsa. 15 ¡Cheêtsala Diose equie nú lia uliquiênu luaêahua hasta la llelaêahua xi niaêahua equie cuendaê nucuaê!