2 Corintios 10
TBL1 Liêá Pablo, nia luhua nú nuê bee bene enu rni nú necaa tucu bene enu chiquiê nzeêca chenu nzua cuna liêihua nu chenu nzucuaêa istu la lliquia rquiêyaêhua rriêa. Pero leêca scua tucu nú uni Jesucristo luhua bedichiaê nú ñiá neca cuna bedichiaê nzeêca nacua luhua nú chenu, 2 nzelabiêya liêihua alaê nú la quiêña nú quiêyaê chiucu chunahua riêá, bee enu rni nú rriêiru lunú xelatsia arquiêru xne la lliquia nia lubeella. 3 Neli nú necaêahua bene iliulabe pero la laênaru nú riêiru ana equie cuendaê nú xelatsia arquiêru tucu nú rriêi bee bene enu la chulu Stichiaê Diose. 4 Nu liaêahua la laênaêahua nú riaêahua ana bee bene lunú necatsia elliebacuaêahua, liaêahua rriaêahua ana bee bene lunú reca poderê Diose rriêi, poder nú reca rnitilu ye beenú necha neca. 5 Nu cuna poder cuaê riaêahua ana luye nú xi rricuê quiya bee bene liaêahua nu rriaêahua ana lu elulliñia nú rluêcu bee bene nú rca nú chulu beella Diose. Che scua rnitiluaêahua ye clasiaê bee elliebacuê bee bene nú necha neca para nú scua zucuê beella stichiaê Jesucristo. 6 Nu nelluaêaru para nú niru lubee bene enu rriêi falta nú zucuê stichiaê Jesucristo, chenu yelahua uzucuêhua stichiaênu. 7 Liêihua máse rriêihua caso nú xneca rriêi bee bene. Tunu nuê bee bene enu rriêi elliebacuê nú neli necalla beneê Jesucristo, rquiêña nú luêcu cuendalla nú iguale necaêahua beneê Jesucristo. 8 Nu mase nú rnilaa luhua equie cuendaê elurnibiyaê nú uliquiê Diose lua, la tua xne liêinu uliquiênu elurnibiyaêcuaê lua para nú riêá elietsa luhua, nú chenalaláhua stichiaênu nu lacane para nú riêa nú nitiluhua. 9 La riêihua elliebacuê nú niarquitsia chiquia arquiêhua cuna bee cartaa. 10 Xne nuê bee enu rni nú chiquiê fuerte nu sin nú lliquia rnia luhua lubee carta nú uxeêla luhua, nu chenu nzua cuna liêihua niê la tsua xi su enu neca equie luhua, nu niê nú niaa lacaa. 11 Pero liêá nia luhua nú bee enu rni scua rquiêña nú riêi bee nzeêe beyaê, nú tucu nú rniru luhua lubee cartaêru chenu nelluaêaru istu, leêca scua nuê beyaê nú niru luhua chenu nelluaêaru cuna liêihua. 12 Xne liêiru la riêiru tucu nú rriêi bee enu sucuê aya leêcatsia liêi. Nu niêtemeê la riêiru elliebacuê nú riêiru scua. Xne lecaê elliebacuê bee enu sucuê aya leêcatsia liêi, nu riêyatsia beei nú xa necabeei ante lu beelá bee saêbeei. 13 Pero liêiru la zucuê ayaru liêiru másela lunú riala acane, xne liêiru rnitsiaru lunú neli neca tucu nú unibiyaêla Diose nú riêiru, nu liêinu uzelanu nú uriñaru corinto elu uyuluru liêihua. 14 Enzeêe la riêihua elliebacuê nu rdeteê xeêtaru lunú rnibiyaêru luhua, xi neca tucu bene enu lascaêli cha lachihua xne rlutiláru uriñaru lachihua para nú zeteêru liêihua bedichiaê nzeêcaê Jesucristo. 15 Nu liêiru la zucuê ayaru liêiru equie cuendaê riñaê nú uriêi stucu bene. Pero liêiru nzuculuru nú másela nze chili arquiêhua, para nú nze riêiláru elietsaêhua nú nze chululáhua lunú riala riêihua beyaê, tucu nú riala riêiru. 16 Che scua nuê modo nú nzaêaláru lubee lá bee bene enza lulá lachihua para nú leêca dixiuleêeru bedichiaê nzeêcaê Jesucristo lubeella. Pero bee luhuare elu lecascaê ti quixie ixiuleêe Stichiaê Diose para nú la aca nelliñiaru equie riñaê nú uriêi stucu bene. 17 Tunu nuê bene enu niarquiê zucuê aya leêcatsia liêi, nzalá nú zucuê ayalla Diose Pa liñibe. 18 Xne la neca nzeêca nú zucuê aya bene leêcatsia liêilla, sinoque máse neca nzeêca nú Diose zucuê aya bene.