1 Juan 5

1 Ye bee bene enu nzeli arquiê nú neca Jesuse Cristo enu uxeêla Diose, neca beella lliêñi Diose; nu bee bene enu seca Diose Paêahua leêca seca beella bee lliêñinu. 2 Chenu seêcaêahua Diose nu rriaêahua lunú rnibiyaênu nú riaêahua, che rriaêahua beyaê nú seêcaêahua bee lliêñinu. 3 Equie nú seca bene Diose neca nú rriêi bene tucu nú rnibiyaênu; nu laca neriñaê nu riêi bene tucu nú rnibiyaênu. 4 Xne ye bee bene enu neca Lliêñi Diose nuê modo nú riêi beella ana lu beenú necha neca nuê lu iliulabe quieê. Nu equie nú nzeli arquiaêahua Jesuse enu neca Cristo scua rriaêahua ana nú la riaêahua beenú necha neca nuê lu iliulabe quieê. 5 Xne enu nzelítsia arquiê nú neca Jesuse Lliêñi Diose, liêilla nuê modo nú rriêilla ana lubee nú necha neca nuê lu iliulabe quieê. 6 Nu Jesucristo ubeêtanu lu iliulabe nu urinzanu cuna nú uriêchia reneênu; lá rinza tsianu leêca uriêchia reneênu lu cruse. Nu leêca liêi Espíritu Santo neca testigo lu cuendaê bee nucuaê, nu liêinu rninu puro nú neli neca. 7 Xne nuê chuna enu neca testigo liñibe: Diose Paêahua, Jesucristo, nu Espíritu Santo; nu lu yuna beenu neca tucutsia Diose. 8 Nu leêca nuê chuna testigo lu yuu: Espíritu Santo, cuna nú urinza Jesucristo, cuna nú uriêchia reneênu lu cruse; nu lu yunanu neca tucu necatse beenu. 9 Nee tunu nzeli arquiaêahua lunú rni bee bene luaêahua; máse rquiêña nú chili arquiaêahua lunú rni Diose equie cuendaê Lliêñinu Jesucristo, xne másela seca stichiaênu. 10 Bene enu nzeli arquiê Jesucristo Lliêñi Diose, liêisilla nzeli arquiêlla lunú uni Diose lu cuendaênu, pero bene enu la chili arquiê Diose, rni stichiaê nzeêe nú neca Diose enu niquichiaê xne la chili arquiê nzeêe lunú uni Diose lu cuendaê Lliêñinu Jesucristo. 11 Nu lunú uni Diose neca nú uliquiêlanu elunehuañi nú leca xunga laxu, nu elunehuañi cuaê nzeêta equie cuendaê Lliêñinu Jesucristo. 12 Bene enu neca tucutsia cuna Jesucristo Lliêñi Diose, liêisilla rluêculla elunehuañi nú leca xunga laxu lu Diose; pero bene enu la neca tucutsia cuna liêinu, la luêcu nzeêe elunehuañi cuaê. 13 Rquieêa ye bee nucuaê luhua liêihua enu nzeli arquiê Jesucristo Lliêñi Diose, para nú riêihua beyaê nú rluêcuhua elunehuañi nú leca xunga laxu lu Diose. 14 Nzu arquiaêahua nú rieneê Diose tunu nacuaêahua lunu tucu nú riuê arquiênu. 15 Nu lunú nediyaêahua nu rriêi Diose caso stichiaêahua chenu nuê nú rnacuaêahua lunu, leêca nzutaê arquiaêahua nu liêinu liquiênu lunú unacuaêahua lunu. 16 Tunu nuê tátucuaêahua enu nediyaê nú rriêi tucuaêahua dula nu la yala nú atilla, rquiêña nú nacuêhua lu Diose equie cuendaêlla, nu scua deteê Diose elunehuañi nú leca xunga laxu lulla tunu la riêilla dula nú riala nú atilla. Xne nuê dula nú riala nú ati bene, nu la nia luhua nú nacuêhua lu Diose equie cundaê bene enu rriêi dula cuaê. 17 Ye beenú necha neca, neca dula, pero nuê dula nú la yala nú ati bene. 18 Liaêahua nediyaêahua nu bee bene enu neca Lliêñi Diose, la chequiaê beella nú rriêi beella dula; xne Jesucristo lliêñi Diose neca enu rriucu liêibeella, nu la nibiyaê bezeêlu lubeella. 19 Nediyaêahua nú necaêahua beneê Diose, pero beelá bee bene iliulabe enu la neca bee beneê Diose bezeêlu neca enu rnibiyaê lubeei. 20 Nu leêca nediyaêahua nú Jesucristo neca Lliêñi Diose, nu ubeêtalanu lu iliulabe nu uxaêlanu lunú neca elliebacuaêahua para nú chuluaêahua enu mero neca Diose. Liaêahua nehuañiaêahua cuna liêinu nu cuna Lliêñinu Jesucristo. Nu liêinu necanu mero Diose, nu equie cuendaê liêinu nuê elunehuañi nú leca xunga laxu. 21 Bee lliêñia ubiêyahua liêihua lu xitse nú nzeli arquiê bee bene nú rnibeei neca diose. Amén.