1 Juan 4

1 Bee saêa enu chiquiê seêca, liêá nia luhua nú la chili arquiêhua titse bee bene enu rni nú rni Stichiaê Diose, rluti uriêinzeêcahua beyaê tunu neli nú rnilla Stichiaê Diose urre lia rnilla, xne lu iliulabe enzee huaxi bee bene enu niquichiaê, nu rnibeei nú rnibeei Stichiaê Diose. 2 Nee, para nú riêihua beyaê ta enu neli rni Stichiaê Diose: neca beella enu neli nzeli arquiê nú ubeêta Jesucristo lu iliulabe xi neca tucu bene, enu nzeli arquiê scua nzu Espíritu Santoê Diose cuna liêilla. 3 Pero bee bene enu la chili arquiê nú neca Jesucristo Lliêñi Diose enu ubeêta lu iliulabe, la nzu Espíritu Santoê Diose cuna liêibeei, nu liêibeei neca beei enu rlee lu Jesucristo. Liêihua ubeneêhua nú rquiêña nu nzeêta tucu enu rlee lu Jesucristo lu iliulabe quieê, nu desde nee nucuaêala huaxi enu rana arquiê Jesucristo lu iliulabe quieê. 4 Pero liêihua bee lliêñia, necalahua Lliêñi Diose, nu bee enu rana arquiê Jesucristo la riaê bee nzeêe ana luhua, xne máse llene neca lunú rnibiyaê liêinu enu nzu cuna liêihua luquela nú rnibiyaê bee enu nchiñi lu inziu nú necha neca. 5 Bee enu rlee lu Jesucristo rriêitsia beei elliebacuê lunú nuê lu iliulabe, nu puro beenú nuê lu iliulabe rnibeei nu bee enu la chili arquiê Jesucristo rriêi caso lunú rnibeei. 6 Pero liaêahua necalaêahua bee beneê Diose. Nu bee bene enu nuêlu Diose rieneê lunú rniaêahua; nu bee bene enu la chulu Diose ni temeê la riêibeei caso lunú rniaêahua. Scua rriaêahua beyaê nú ta enu nehuañi cuna Espíritu Santo nu seteê nú neli neca, cuna enu nehuañi cuna espíritu nú seteê puro lunú la neli neca. 7 Bee saêa enu chiquiê seêca, rquiêña nú zecaêahua bee saêahua, xne eluseca quieê nzeêta lu Diose. Ye bee bene enu seca bee saê liêibeella neca beella Lliêñi Diose nu nuêlu beella liêinu. 8 Nu bee bene enu la zeca bee saê la chululla Diose, xne lu Diose nzeêta eluseca. 9 Ulubeê Diose nú secanu liaêahua, enzeêe añinzuca nú tucutsia Lliêñinu Jesucristo pero uxeêlanu Lliêñinu lu iliulabe para nú luêcuaêahua elunehuañi lunu equie cuendaê Lliêñinu. 10 Diose seca liaêahua: nu la necane nú rlutiaêahua seêcaêahua Diose, liêinu rlutinu secanu liaêahua enzeêe uxeêlanu Lliêñinu Jesucristo para nú ungutinu equie cuendaê stulaêahua, nu scua nuê nú rriêi Diose perdona liaêahua. 11 Bee saêa enu chiquiê seêca, liêá nia luhua tucu nú seca Diose liaêahua, leêca scua rquiêña nú zecaêahua bee saêahua. 12 Añinzuca nú lecati lañiê Diose, pero tunu seêcaêahua bee saêahua rlubeê nucuaê nú nehuañiaêahua cuna Diose, nu neli seêcaêahua liêinu. 13 Liaêahua nediyaêahua nú nehuañiaêahua cuna Diose nu liêinu nzunu cuna liaêahua, xne uliquiêlanu Espíritu Santoênu luaêahua. 14 Nu liêiru bee apóstol ulañiêru Jesucristo Lliêñi Diose, nu rixiuleêeru luhua nú Diose Paêahua uxeêlanu Lliêñinu para nú tsilaêanu ye bee bene. 15 Tatse bee enu rni nu nzeli arquiê nú Jesucristo neca Lliêñi Diose nehuañilla cuna Diose, nu nehuañinu cuna liêilla. 16 Liaêahua rriaêahua beyaê nu nzeli arquiaêahua nú seca Diose liaêahua. Nu equie cuendaê liêinu nzeêta nú seêcaêahua bee saêahua nu enu nehuañi cuna eluseca cuaê nehuañilla cuna Diose, nu nehuañinu cuna liêilla. 17 Tunu neli nú nediyaêahua nú seca Diose liaêahua lu iliulabe quieê, la luêcuaêahua niê tucu nú lliquiaêahua para bichia chenu hualunue lu cuendaê bee bene equie nú neca tucutsiaêahua cuna Diose, tucu nú neca tucutsia Jesucristo cuna Diose. 18 Elu nuê elusecaê Diose lecaê nú lliqui bee bene. Xne enu neli nzequiee elusecaê Diose lecaxi lliquilla, pero enu la chequiee eluseca cuaê xiquilla, xne rriêitsialla elliebacuê xi castiya riala nú zecalla. Enzeêe tunu nuê enu xiqui rlubeê nucuaê nu neli la chequiella elusecaê Diose. 19 Liaêahua seêcaêahua Diose xne liêinu rlutinu secanu liaêahua. 20 Tunu nuê bene enu rni: “Nu secalla Diose”, nu rana arquiêlla bee saêlla, necatsialla tucu enu niquichiaê. Xne tunu la zecalla bee saêlla enu rlañiêlla, ¿xa modo zecalla Diose enu la lañiêlla? 21 Leêca liêi Jesucristo uninu: nú enu seca Diose rquiêña nú leêca zecalla bee saêlla.