Hebreos 6

1 Quie lenaê huero seguir usëdiro ta tzioñeêero mazara cabëê reyaêalaê tzioñeêero ta hue quiero xtiêidzaê Diuzi mazara. Bira usëdiro puro ta baoyoñeêero dza naê cati uzulaoro unaoro xneza Cristo. Banezile cabëê rguixogueê xtiêidzaê Diuzi, rguixogueên cabëê reyaêalaê utzaêro pensari quiero bira huero xquia, rguixogueên cabëê reyaêalaê hue quiero xtiêidzaê Diuzi, 2 rguixogueên quie bautismo, rguixogueên cabëê huero uquichiro naêaro lao guicho benê nao xneza Cristo, benê gapa dyin cati dza sulaonëê gapanëê dyin. Lëscanê rguixogueên cabëê naca quie benê huati huebanjëê, rguixogueên quie dza gaca juicio. 3 Pues huero seguir usëdiro tzioñeêero mazara como canaê reêen Diuzi huero. 4 Canaê reyaêalaê huero, porque chi babeyue Diuzi raêo benê cubi, chi baozulaoro siêro ca ta run Diuzi raêo, chi bayuêuro Bichi Be quienëê, 5 chi baozulaoro usëdiro tzioñeêero cabëê na diêidzaê quienëê, chi baozulaoro usëdiro tzioñeêero quie yelaê huaca gataê quiero dza cati taro lao dyila yu cubi ta zazaêra, 6 chi chuêunro tzalaêla ca una Diuzi, chi bira inaoro xnezëê, naêra bisaqueê yeyue Diuzi raêo benê cubi tatula yetzaêro pensari quiero tatula. Chi huero canaê, naca quiero ca quie benê udaê zÌiêi Diuzi lëêë yaga cruzo tatula, utitoronëê zaquëêlao lao ja benëê. 7 Chi huero canaê, naca quiero ca quie layu riêon nisa cati ruen nisayo. Chi hueên usecho huen quie benê raza raên laona, naêra layu dyaêa naê, huelaêiya Diuzi len. 8 Pero chi hueên puro guixiê, nacan layu mala bibi zacaên. Ruen zÌudyi udzeêdeê Diuzi len, hueyudyi huedu quien tzeina. 9 Laê acazi inandoê leêe canaê, leêe bichaê, benê nedyëêëdaê, quie leêe nuzÌelaêadyiêndoê huelaêiya Diuzi leêe, rnaole neza ta yeyole guibá. 10 Naca Diuzi benê rue puro ta yuêu niêa xnezi. Bigalaêadyiênëê cabëê bële dza naê bluêele cabëê nedyëêële gucalële ja benê bichiro, benê nao xneza Cristo. Lëscanê nezi Diuzi neruele naêa cabëê bële dza naê. 11 Naêra nëtoê reêenndoê huele seguir yugulule inaole xneza Cristo du guicho du laêadyiêle hasta dza cati gatile nuzÌelaêadyiêle gun Diuzi leêe ca ta rbezale gunnëê leêe. 12 Bireêenndoê yehuëdile, reêenndoê huele seguir huele cabëê rue yaca los demás benê nao xneza Cristo. Nun quie rue quiejëê ca na Diuzi, redaohuejëê rbezajëê dyëêëdi dza hueê Diuzi lëjëê cabëê diêidzaê begaênlënëê lëjëê. 13 Naêra quie dza cati begaênlë Diuzi Abraham diêidzaê, bgunte Diuzi cuinnëê huenëê ca unëê huenëê, como danê ganura benê tula zu nacara benê rnabëêra ca lëbëê ta uguntënëê laohue. 14 Naêra unëê rëbinëê Abraham: “Talicazi iniaê luëê, huelaêiyaê luëê tazÌe, huezÌe zÌiêisuboê.” Canaê una Diuzi gudyinëê lëbëê. 15 Pues dyëêëdi uleza Abraham dza hue Diuzi cabëê unanëê huenëê quienëê. Naêra cati bdyin dza, bëcazi Diuzi cabëê unanëê huenëê quienëê. 16 Cati rugunte ja benëê, ruguntejëê lao Diuzi. Cati raca dila binaca lëbi ca rnajëê lao benê rnabëê, naêra ruguntejëê lao Diuzi nacan tali ca rnajëê. 17 Lëscanê Diuzi, bguêuntenëê dza naê laohuëê cuinnëê unëê nacan tali ca unanëê. Guêunnëê bluêenëê dyëêëdi zuëê dispuesto uzunëê diêidzaê ca diêidzaê unëê, bibetzaênëê ca unëê huenëê. Quie benê begaênlë Diuzi diêidzaê, lëbenê naê abluêe Diuzi seguro naê huenëê ca unëê huenëê. 18 Naca chopa ta rue Diuzi bisaqueê itzaên. Bisaqueê itzaên ca unëê huenëê. Lëscanê bisaqueê itzaên ca bguêuntenëê laohuëê cuinnëê huenëê. Bisiê Diuzi yëê. Danê canaê rue Diuzi, lenaê uxelaêadyiên raêo tazÌe. Canaê raca quiero, benê rnaba lao Diuzi, ta huia inaênëê raêo. Canaê raca quiero, benê rzudyiêilë Diuzi, nuzÌelaêadyiêro hue Diuzi quiero cabëê unëê huenëê quiero. 19 Naca seguro quiero lao Diuzi cabëê naca seguro quie nu barco nerio len tu guíba naca ziêi gula, bisaqueê udyiga be len tzalaêla. Canaê naca quiero huazaqueê yeyuêutero hasta ga zu Diuzi guibá. 20 Lëganê naê naca ga uyuêu Jesús, psalonëê neza quiero cuenda saqueê yeyuêurëro ga beyuêunëê guibá. Canaê naca quie Jesús, naquëê pxuzi rnabëêra quiero tuzioli cabëê pxuzi guca Melquisedec dza naê.