Hebreos 11

1 Cati sudyiêilëro Diuzi neziro du guicho du laêadyiêro huenëê tadyaêa quiero cabëê rbezaro huenëê quiero. Lëscanê cati sudyiêilëro Diuzi nuzÌelaêadyiêro nacan tali zuëê rnabëênëê laêacazi bisaqueê ilëêëroguëê. 2 Yaca xuzixtaêoro, benê unitaê tiempote, uzu Diuzi gusto conlë lëjëê nun quie bë quieyaquëê quienëê. 3 Nun quie danê rzudyiêilëro Diuzi neziro dyin bë Diuzi bzalonëê bënëê yugulu ta de zÌan guibá tiempote. Conlë fuerza valor quie xtiêidzaênëê, canaê gutaên. Conlë ta bisaqueê ilëêëro, bënëê bzaloguëê tu ta ilëêëro naêa. 4 Nun quie uzudyiêilë Abel Diuzi, bëênëê Diuzi tu gun nacara dyaêara, quele cabëê naca gun ta bëê bichinëê Caín Diuzi. Quie lenaê blëêë Diuzi Abel benê laxtaêo yëri, uzÌiênëê gun quienëê. Naêra laêacazi aguti Abel, nenaquëê tu ejemplo cabëê reyaêalaê huero, reyaêalaê sudyiêilëro Diuzi cabëê uzudyiêilë Abel Diuzi. 5 Nun quie danê uzudyiêilë Enoc Diuzi, beziê Diuzi lëbëê zeyoguëê guibá bigutinëê. Nun quie beziê Diuzi lëbëê, bira bedzele yaca benëê lëbëê. Rnën lëêë guichi laêiya quie Diuzi de que tu binesiê Diuzi lëbëê, lega yaxe Diuzi lëbëê cabëê bënëê. 6 Chi bisudyiêilëro Diuzi, bisaqueê tzaxe Diuzi raêo cabëê ruero, porque ta tzionlaêadyiêro Diuzi, ruen zi galero zunëê, ruen zi galero huenëê tahuen quie nu benê nao xnezëê. 7 Nun quie danê uzudyiêilë Noé Diuzi, bzunëê diêidzaê ca diêidzaê gudyi Diuzi lëbëê, bënëê tu barco zÌe gula cuenda te ilanëê len yaca familia quienëê como danê gudyi Diuzi lëbëê huaca juicio lao yedyi layu, huaca juicio ca juicio ta binelëêëjëê. Nun quie danê uzudyiêilë Noé Diuzi, udixogueênëê yaca benê unitaê dza tiempote hue Diuzi lëjëê castigo. Canaê blëêë Diuzi Noé benê laxtaêo yëri nun quie uzudyiêilënëê Diuzi. 8 Nun quie danê uzudyiêilë Abraham Diuzi, bzunëê diêidzaê dza cati gudyi Diuzi lëbëê ta uzëêë yedyi quienëê zioguëê ga tula ga de layu hueê Diuzi lëbëê gaque quienëê. Baêalaêcazi binenezinëê ga iseêelaê Diuzi lëbëê, pero uzëêë zioguëê. 9 Nun quie danê uzudyiêilë Abraham Diuzi, uzunëê ga de layu una Diuzi hueênëê quienëê, pero uzunëê naê ca quie binaquen quienëê, ca quie benê zu yedyi binaca yedyi quie. Puro luêu yuêu de laêariêzi uzunëê. Lëscanê cabëê bë Abraham, canaê bërë zÌiêinëê Isaac, canaê bërë zÌiêisubanëê Jacob. Lëscanê conlë lëjëê begaênlë Diuzi lëjëê diêidzaê huadyin dza hueênëê lëjëê gaque quiejëê layu ga zujëê. 10 Canaê bë Abraham, porque ulezanëê dza cati yeyoguëê ga zu Diuzi, ga zu tu yedyi ta biyeyudyi yedu quie, yedyi ta bë cuin Diuzi. 11 Lëscanê, hasta nigula quienëê Sara, nun quie danê uzudyiêilënëê Diuzi, bëê Diuzi lëbëê fuerza gucanëê zÌnaê bdaoê, laêacazi abgulanëê aode tiempo quienëê ta huaêanëê bdaoê. Bzucazi Diuzi diêidzaê ca diêidzaê begaênlënëê lëbëê, gucalënëê lëbëê ta ilaê tu xcuidiê byu quienëê. 12 Lëscanê Abraham, baêalaêcazi abgulëê banapëê zë iza, baêalaêcazi ganu zÌiêinëê uzu, pero bdyincazi dza golo tu zÌiêinëê, biê initaê zÌiêisube zë gula. Quie lenaê uzu diêidzaê unitaê zÌiêisubanëê tazë gula. Nitaêjëê ca quie bélo dyia guibá, nitaêjëê ca quie yozÌo reê ruêa yao zÌe, bisaqueê ulabaron. Canaê nitaê zÌiêisuba Abraham. 13 Naêra lëbenê uzudyiêilë Diuzi agutijëê yugulujëê. Binehue Diuzi quiejëê cabëê unanëê huenëê quiejëê, pero como uzudyiêilëjëê Diuzi, canaê nuzÌelaêadyiêjëê idyincazi dza hue Diuzi quiejëê cabëê unanëê huenëê quiejëê. Canaê bedaohuejëê unajëê ca naca pensari quiejëê, unezijëê bisujëê lao yedyi layu tuzioli. 14 Quie yaca benê una canaê, ruluêen quiejëê dyëêëdi rbezajëê yeyojëê sujëê ga naca quiejëê. 15 Pero bibdëbijëê quie layu ga brojëê uzaêjëê, porque chi bdëbijëê quie layu naê, bebiêjëê bedyinjëê ga uzaêjëê. 16 Pero guêunjëê tziojëê tzesujëê ga nacatera dyaêa, ta inaro guêunjëê tziojëê tzesujëê guibá ga zu Diuzi. Quie lenaê redaohue Diuzi cati inajëê naquëê Diuzi quiejëê. Pues banuetzaêo Diuzi tu ciudad guibá ga sujëê. 17 Nun quie uzudyiêilë Abraham Diuzi, uquiëênëê zÌiêinëê Isaac ta gutinëêbiê udyianëêbiê lao ruêaba ca gun quie Diuzi dza cati bë Diuzi lëbëê tu prueba chi tali hue quienëê ca una Diuzi lëbëê. Uzunëê dispuesto ta gutinëê tu litzaê zÌiêinëê Isaac, laêacazi begaênlë Diuzi lëbëê diêidzaê dza naê cati unëê gudyinëê lëbëê cani: 18 “Lao naêa zÌiêiloê Isaac huanitaê ja zÌiêisuboê." 19 Naêra gule Abraham napa Diuzi poder ta yesebannëê benê huati. Huazaqueê inaro guca quie Abraham len zÌiêinëê como si fuera beseban Diuzi zÌiêi Abraham caora beziênëê zÌiêinëê tatula nebambiê. 20 Nun quie danê uzudyiêilë Isaac Diuzi, bëlaêiya Isaac zÌiêinëê Jacob len zÌiêinëê Esaú gudyinëê lëjëê cabëê gaca quiejëê dza zazaêra. 21 Lëscanê nun quie danê uzudyiêilë Jacob Diuzi, bëlaêiya Jacob ja zÌiêi José dza cati anapëê iza baruen bago gatinëê, uyonlaêadyiênëê Diuzi pquichinëê xaga quienëê layu ta gucalën lënëê ta zënëê. 22 Nun quie danê uzudyiêilë José Diuzi, udixogueênëê benê Israel idyincazi dza yerojëê saêjëê nación Egipto, bënëê lëjëê mandado cuiojëê chita quienëê huaêajëên dza cati saêjëê. Canaê udixogueê José lëjëê dza cati baruen bago gatinëê. 23 Nun quie danê uzudyiêilë xuzi zÌnaê Moisés Diuzi, pcachiêjëê lëbiê tzona biuê dza cati golobiê, como danê blëêëjëê naca bdaoê naê badan gula. Naêra bibdzebijëê rey quie benê Egipto, como danê bë rey naê mandado gati yugulu bdaoê byu quie benê Israel. 24 Nun quie danê uzudyiêilë Moisés Diuzi, biguêunnëê ilëêë ja benëê lëbëê ca zÌiêi nigula, benê naca zÌiêi rey quie benê Egipto cati bgulanëê guquëê benê huaca. 25 Quie lenaê uzunëê dispuesto ta yedzagalaonëê gacalënëê benê yedyi quienëê tuzÌe. Uzunëê dispuesto yedzagalaonëê, biguêunnëê inaohuëê neza mala quie benê Egipto. 26 Unezinëê nacaran huenra yedzagalaonëê cabëê bedzagalao Cristo, ta inaro uzunëê dispuesto hue ja benëê lëbëê bizinaquezi cuenda gacalënëê benê Israel, biguêunnëê gaca quienëê yelaê uñaêa ta de quie benê Egipto. Quie lenaê bigulenëê quie benê Egipto, como danê unezinëê cabëê tahuenra de ta hueê Diuzi lëbëê. 27 Nun quie danê uzudyiêilë Moisés Diuzi, bzÌunonëê nación Egipto, pero bibdzebinëê bdzaê rey quie benê Egipto lëbëê. Uzuenëê como nuebëênëê Diuzi, benê birzaqueê ilëêëro. 28 Nun quie danê uzudyiêilë Moisés Diuzi, udixonëê lani pascua bënëê mandado bzio benê Israel ren quie becoê zÌiêilaê ruêa yuêu quie zÌan yuêu quie quiejëê, como danê useêelaê Diuzi tu ángel ta gutinëê xcuidiê byu nëro quie nu benê bibzio ren ruêa yuêu quie. 29 Nun quie danê uzudyiêilë benê Israel Diuzi dza naê, udejëê ga de nisadaoê laona Nisadaoê ZÌna dza naête. Uyalo tu neza ga udejëê luêu nisa beyacan layu bidyi. Naêra cati guêun ja benëê Egipto terëjëê cabëê ude benê Israel, bedacoê nisa lëjëê gutijëê. 30 Nun quie danê uzudyiêilë benê Israel Diuzi dza naê, byala ja besu ta naca sibi ta neyëcho ruêa ciudad Jericó caora cati beyudyi uyëchojëê ruêa lao ciudad lao gadyi dza cabëê mandado bë Diuzi huejëê. 31 Lëscanê tu nigula bëtiê gusto quie, benê lao Rahab, nun quie danê uzudyiêilënëê Diuzi, bigutinëê dza naê caora cati bdyiaguiê benê Israel benê yedyi quienëê, benê biguêun hue quie cabëê una Diuzi. Biguti nigula naê nun quie gucalënëê chopa benê Israel, benê uyo balarazi ta yenaêjëê ca naca ciudad Jericó. 32 ¿Ca bizÌira ta iniaê leêe? Bide tiempo ta iniaê leêe quie Gedeón, quie Barac, quie Sansón, quie Jefté, quie rey David, quie Samuel, quie yaca profeta, benê udixogueê xtiêidzaê Diuzi tiempote. 33 Nun quie danê uzudyiêilëjëê Diuzi, bëjëê gan bëtijëê yaca enemigo quiejëê cati udilalëjëê lëjëê, bëjëê gan unabëêjëê lao ja yedyi quiejëê, bëjëê gan gucalë Diuzi lëjëê cabëê una Diuzi huenëê quiejëê, bëjëê gan bibi guca quiejëê cati guêun yaca león quiêimbaê lëjëê, 34 bëjëê gan besulajëê guiê ta raca guiê bela, bëjëê gan ulajëê lao naêa benê reêen guti lëjëê conlë espada. Lëscanê yaca benê bdzebi dza naê, bibedzebijëê cati gucadilalëjëê ja soldado quie benê yedyi tula. 35 Lëscanê guca quie bala nigula unitaê dza naê beziêjëê benê huati quiejëê tatula nebanjëê. Pero unitaê ja benê tula guticazijëê. Udi benëê lëjëê hasta gutijëê, pero bipsanjëê unaojëê xneza Diuzi cabëê guêun benê udi lëjëê. Canaê gutijëê, pero unezijëê huadyin dza useban Diuzi lëjëê sujëê guibá ga nacaran huen gula. 36 Naêra balajëê ptitu ja benëê lëjëê. Ibalajëê udi ja benëê lëjëê guidi. Ibalajëê pquio ja benëê lëjëê caden, bdzeêjëê lëjëê luêu dyiguiba. 37 Ibalajëê bëti ja benëê lëjëê con yo. Ibalajëê uchugu ja benëê lëjëê conlë serucho gucajëê chopa yoêo. Ibalajëê bëjëê lëjëê bizinaquezi cuenda usanjëê bira inaojëê xneza Diuzi, naê bëtijëê lëjëê con espada. Ibalajëê udajëê niênizi, gucojëê zÌaba becoê zÌiêilaê, gucojëê zÌaba chibo. Bibi gutaê quiejëê, guca zëdi gula quiejëê. Psaca benëê lëjëê bizinaquezi. 38 Bibizacaê ja benê nitaê lao yedyi ta initaêlëjëê lëjëê tuzÌe. Canaê guca quiejëê udajëê niênizi ga naca lato dachi, udajëê niênizi lao yaêa, udajëê niênizi ga zu beló. 39 Naêra lëjëê, baêalaêcazi uzudyiêilëjëê Diuzi, lëscanê baêalaêcazi uzu Diuzi gusto cabëê bëjëê dza naê, biuzÌiêjëê quiejëê yugulu cabëê tadyaêa unë Diuzi hueênëê quiejëê. 40 Nerdziogue hue Diuzi tadyaêa quiejëê, porque unanëê huenëê tadyaêa quiejëê tuzÌe len raêo, benê laxtaêo yëri, benê laêiya, benê bide dulaê xquia quie. Lenaê nacaran huen hue Diuzi tadyaêa quiero tuzÌe len lëjëê guibá ga zuëê.