Hebreos 10

1 Porque naca ley pcaên Diuzi lao naêa Moisés tiempote ca quie tu ta uluêen raêo cabëê una Diuzi bi huenëê ta huenëê dyaêa quiero dza zazaêra. Binaca ley naê mero tadyaêa reêen Diuzi huenëê quiero. Derla tadyaêa reêen Diuzi huenëê quiero. Bide fuerza valor quie ley naê ta yeyuen benëê yëri lao Diuzi, baêalaêcazi bëtijëê bia guixiê, bia naca gun quienëê, bziojëê ren quiebaê lao ruêaba lao tu iza huio. 2 Chi tali huaca yeyuejëê cuinjëê yëri lao Diuzi nun quie danê bëtijëê tu bia guixiê, bia naca gun quie Diuzi, bira inaban gutijëê bia tula. Pues chi tali abeduba dulaê xquia quiejëê tuzioli, bira idëbijëê chi napajëê dulaê xquia. 3 Pero cati bëtijëê bia guixiê, bia naca gun quie Diuzi, bziojëê ren quiebaê lao ruêaba lao tu iza huio, lenaê nacan ta yezaêlaêadyiêjëê napajëê dulaê xquia. 4 Canaê nacan como danê bisaqueê yeduba dulaê xquia quie benëê conlë ren quie bëdyihuaga, o conlë ren quie chibo. 5 Quie lenaê cati bida Cristo lao yedyi layu unëê gudyinëê Diuzi: Bisuloê gusto caora cati guti ja benëê bia guixiê, bia naca gun quioê, udyiajëêbaê lao ruêaba, chi bihue quiejëê cabëê naoê. Pero babzaloloê benloê tu cuerpo quiaê ta taê lao yedyi layu hue quiaê cabëê naoê. 6 Biraxeloê ca ruejëê gutijëê bia guixiê naca gun quioê, udyiajëêbaê lao ruêaba uzeijëêbaê cuenda yeduba dulaê xquia quiejëê, chi bihue quieyaquëê cabëê naoê. 7 Quie lenaê agudyaê luëê dza naê: “Ni zuaê, zuaê dispuesto hue quiaê cabëê reêenloê luëê, Diuzi. Cabëê rguixogueên quiaê nëêëdiê lëêë guichi laêiya quioê, canaê huaê, hue quiaê diêidzaê quioê.” Canaê una Cristo dza naê. 8 Tanëro rguixogueên quie Diuzi de que biraxenëê hueê ja benëê tu gun quienëê, nica raxenëê gutijëê bia guixiê gaca gun quienëê, nica raxenëê udyiajëê bia guixiê lao ruêaba uzeijëêbaê cuenda yeduba dulaê xquia quiejëê, chi bihue quieyaquëê xtiêidzëê. Biraxe Diuzi huejëê canaê, baêalaêcazi canaê rnabëên lëêë guichi ley quie Diuzi ta huejëê. 9 Quie lenaê rnën rnan cani: “Ni zuaê, zuaê dispuesto hue quiaê cabëê reêenloê luëê, Diuzi.” Canaê udixogueênëê raêo bira zacaên cabëê bë ja benê unitaê tiempote bëtijëê bdyiajëê bia guixiê lao ruêaba. Lao laza lenaê udixu Diuzi ta naca tacubi cati guti Cristo lëêë yaga cruzo, guquëê gun quie Diuzi, bë quienëê xtiêidzaê Diuzi. 10 Banuelaêiya Diuzi raêo nun quie bzu Jesucristo diêidzaê ca mandado una Diuzi huenëê caora cati psedyinnëê cuinnëê, guquëê gun quie Diuzi, gutiëê lëêë yaga cruzo tu lasazi para tuzioli. 11 Yugu dza rzë yaca pxuzi quie benê Israel ruejëê cabëê dyin napajëê quie idaoê. Yugu dza rutijëê bia guixiê rudyiajëêbaê lao ruêaba ruzeijëêbaê, laêacazi conlë lëbaê biyeduba dulaê xquia quie benê Israel. 12 Pero Jesucristo guquëê gun quie Diuzi gutinëê lëêë yaga cruzo ta yeduba dulaê xquia quie ja benëê tu lasazi para tuzioli. Naêtera yereênëê zaquëê yebë ga reê Diuzi guibá. 13 Naê zuëê rbezanëê dza cati hue Diuzi castigo yugulu benê rudie lëbëê. 14 Porque danê guquëê gun quie Diuzi, gutinëê lëêë yaga cruzo, canaê beyuenëê yëri para tuzioli ja benê bdëê Diuzi gaca benê quienëê. 15 Pues nuxelaêadyiê Bichi Be quie Diuzi raêo de que nacan tali con cabëê unanëê, con cabëê rnan lëêë guichi laêiya cani: 16 Cani naca diêidzaê yegaêntzaêoliaê benê Israel tacubi cati idyin dza bira usanlaêadyaê xuzixtaêojëê. Udziêa pensari quiaê luêu guicho laxtaêojëê. 17 Biyezaêlaê adyaê ca naca dulaê xquia quiejëê, nica ca naca tamala babëjëê. Canaê una Bichi Be quie Diuzi dza naê. 18 Pues cani nacan: Cati abeziêzÌe Diuzi dulaê xquia quiero, bira ruen zi guti ja pxuzi ja bia guixiê ta naca gun quie Diuzi ta yeziêzÌenëê dulaê xquia quiero tatula. 19 Quie lenaê, bichaê, huazaqueê yeyoro ga naca laêiyatzegue ga zu Diuzi biidzebiro, porque guti Jesucristo lëêë yaga cruzo ulato ren quienëê. 20 Huero seguir inaoro neza cubi quiero, porque chi inaoron, canaê gataê yelaê neban quiero tuzioli. Cabëê uyo pxuzi xcuêudzu laêariê ga naca laêiyatzegue dza naê, canaê huazaqueê yeyoro ga zu Diuzi nun quie psalo Cristo neza cubi quiero cati gutinëê lëêë yaga cruzo. 21 Naca Jesús pxuzi rnabëêra quiero. Naquëê benê rnabëêra lao yugulu ja benê nao xnezëê. 22 Quie lenaê reyaêalaê tzionlaêadyiêro Diuzi du guicho du laêadyiêro sudyiêilëroguëê yugo dza. Lëbëê beyuenëê yëri guicho laxtaêoro. Canaê neziro dyëêëdi baozÌiêzÌenëê quie dulaê xquia quiero, gabira dulaê xquia quiero de. Nacaro yëri lao Diuzi ca quie benê bagozo yao len nisa yëri gula. 23 Huero seguir biusanlaêadyiêro hue quiero quie Diuzi, rbezaro dyëêëdi dza cati hue Diuzi quiero cabëê unëê huenëê quiero, como danê uzucazi Diuzi diêidzaê cabëê diêidzaê begaênlënëê raêo. 24 Reyaêalaê hueêlëro laguedyiro, benê nao xneza Cristo, diêidzaê zÌelaêadyiê ta gacalërojëê ta idyëêëjëê benëê huejëê puro ta yuêu niêa xnezi. 25 Bireyaêalaê usanro yeduparo tzionlaêadyiêro Diuzi cabëê naca costumbre quie bala ja benëê, bapsanjëê bira guidajëê dza cati yeduparo. Reyaêalaê hueêlërojëê diêidzaê zÌelaêadyiê ta biyeyatijëê como danê baruen bago idyin dza cati yeguida Cristo lao yedyi layu tatula. 26 Porque cati baneziro con cabëê rna diêidzaê li quie Diuzi, pero chi huero seguir huero tamala, naê bisaqueê inaro bineziro tamala. Chi huero canaê, huero seguir huero tamala, naêtera bira bide bi hue Diuzi ta yeziêzÌenëê dulaê xquia quiero. 27 Tuz ta huenëê, huenëê castigo huala gula nu benê rue canaê, tzeijëê lao guiê ta raêalaê batzaniê gula ga cuiaguiê benê rue condre Diuzi. 28 Naêra dza tiempote cati uzu nu benê uruêun tzalaêla diêidzaê ley pcaên Diuzi lao naêa Moisés, chi uzu nu chopa o nu tzona benê guca testigo, benê nezi tali bë benê naê tamala, caora naê uchuguli yaca benê rnabëê quienëê ta gutijëê lëbëê, bibeyëchiêlaêadyiêjëê biuzÌiêzÌejëê quienëê. 29 Pues ¿bica inale quie benê reruêun tzalaêla zÌiêi Diuzi? ¿Bica inale quie benê rutitu lëbëê inajëê: “Bibi zacaê danê gutinëê lëêë yaga cruzo ulato ren quienëê”? Nedyëêë Bichi Be quie Diuzi yugulu benëê, naêra ¿bica inale quie benê rutasi runio Bichi Be quienëê? ¿Quele mazara castigo huala gula reyaêalaê gaca quiejëê? Pues bira raxejëê tu ta beyue lëjëê yëri lao Diuzi dza naê. Pues nun quie guti Cristo lëêë yaga cruzo ulato ren quienëê, lenaê nezcaziro nacan tali hue Diuzi quiero cabëê tadyaêa unëê huenëê quiero. Pues bira raxejëê tu ta beyuen lëjëê yëri lao Diuzi dza naê. 30 Dyëêëdi neziro Diuzi naê unëê caniga: “Cuenda quiaê naê huaê benëê castigo. HuaguizÌugaêjëê quie tamala bëjëê.” Lëscanê una Diuzi: “Nëêëdiê ichuguliaê quie yaca benê nao xnezaê." 31 Nacan ta idzebitzegue ja benëê cati hue Diuzi lëjëê castigo. 32 Pero bigalaêadyiêle cabëê guca quiele dza naê, dza cati zaozulaole unaole xneza Cristo. Dyëêëdi uzuele bële gan cabëê tazëdi gula guca quiele bedzagalaotzeguele. 33 Pues dza naê ptasi bnio ja benëê leêe. Psacajëê bala leêe bizinaquezi zacaêlao lao ja benê yedyi quiele. Lëscanê ibala leêe guca quiele bedzagalaole cabëê bedzagalao laguedyile. 34 Dyëêëdi beyëchiêlaêadyiêle laguedyile, benê nao xneza Cristo, benê de luêu dyiguiba. Lëscanê hasta uzule gusto uzuele bëê uduba ja benëê ta de quiele, como danê nezile dera ta de quiele guibá ta nacara huen gula ta biyeyudyi yedu quie. 35 Biusanle sudyiêilële Diuzi, porque huataê tadyaêa gula guibá quie benê rzudyiêilë lëbëê. 36 Pues leêe bireyaêalaê yeyatile huele ca reêen Diuzi huele. Canaê idyin dza hue Diuzi tadyaêa quiele cabëê unëê huenëê quiele. 37 Lenaê rnën lëêë guichi laêiya quie Diuzi cani: Iledaoêzi idyin dza cati guida benê guida, pero bitzenëê guidanëê. 38 Nu benê rzudyiêilë nëêëdiê, gataê yelaê neban quienëê tuzioli. Pero chi usannëê bira inaonëê xnezaê, bisuaê gusto conlë lëbëê. Canaê una Diuzi. 39 Pero raêo binacaro benê usan, benê bira inao xneza Diuzi. Binacaro benê cuiaguiê tuzioli. Dugalo nacaro benê rue quie quie Diuzi. Nacaro benê sue hue gan gataê yelaê neban quie tuzioli.