2 Tesalonicenses 2

1 Bichaê, quie dza cati zezaê Jesucristo ta utupanëê raêo, rnabayëchiêndoê leêe biutzaêle pensari quiele bihueêle lato utëbi yaca benëê leêe, chanê nayaquëê babida Cristo. Bigalele quieyaquëê baêalaêcazi inajëê Diuzi gudyi lëjëê canaê. Bigalele quieyaquëê baêalaêcazi inayaquëê canaê nan lëêë guichi useêelaêndoê laole. 3 Pues bihueêle lato siê yaca benëê leêe yëê. Dza yeguidara Cristo, decazide idyin tiempo huadilalë ja benê nitaê lao yedyi layu Diuzi. Caora naê guida tu benê hue contra Cristo. Pero lëbenê naê, banezi Diuzi bi huenëê quienëê, udyiaguiênëê lëbëê. 4 Lëbenê naê naquëê enemigo quie Diuzi. Huenëê contra yaca ta rionelaêadyiê yaca benëê, huenëê contra ta najëê naca diuzi quiejëê. Huanëê rnabëêranëê ca Diuzi zu guibá. Huayuêunëê tzaqueênëê luêu yuêu idaoê rnabëêra quie Diuzi ta siênëê benëê yëê gaqueyaquëê Diuzi naquëê. 5 Nezdaê rezalaêadyiêle con cabëê uniaê leêe dza naê, dza uzëliaê leêe uniaê leêe cabëê gaca dza zazaêra. 6 Dyëêëdi nezile nuquienê ruzaêaga ta biguida benê hue contra Cristo. Decazide guida benê hue contra Cristo, pero bëê idyin hora cabëê psaquëê Diuzi guidëê. 7 Pues baozulaonëê ruenëê contra Cristo, pero lëêëtiêzi. Pero huazulaonëê huenëê mazara caora idyin dza bira zu benê ruzaêaga lëbëê. 8 Canaê gaca caora idyin dza guida lëbenê mala gula, benê rue contra Cristo. Pero guti Jesucristo lëbëê. Conlë bezi rero ruêanëê gutinëê benê naê, yeguidanëê nica gacabëêzinëê. Canaê hue Jesucristo dza cati yeguidanëê hualëêë yaca benëê ca naca yelaê huaca quienëê. 9 Mandado hue xanê taxiêibiê Satanás guida benê hue contra Cristo. Bade yelaê huaca quien ta uluêen benëê ta yebaneyaquëê, pero bëê huezin naê ta siêzin benëê yëê. 10 Tamala gula huen ta siên benëê yëê, yaca benê bireêen inao xneza Jesús, yaca benê bireêen gataê yelaê neban quie tuzioli. 11 Quie lenaê usanlaêadyiê Diuzi leyaquëê tacuenda siê benê naê lëjëê yëê. Lenaê galeyaquëê ta binaca tali. 12 Hue Diuzi lëjëê castigo, danê bibë quieyaquëê diêidzaê quienëê, yaxerayaquëê inaoyaquëê hueyaquëê tamala quiejëê. 13 Rulidzandoê Diuzi diuxcaleloê por leêe, bichaê, benê nedyëêëndoê. Rulidzandoê Diuzi diuxcaleloê, danê zagataêra yedyi layu, ulio Diuzi leêe ta gacale benê nëro, benê gataê yelaê neban quie tuzioli lao naêa Bichi Be quienëê lënëê xtiêidzaênëê ta barue quiele. 14 Quie lenaê ulio Diuzi leêe por nun quie xtiêidzëê udixogueêndoê leêe ta gaca tu parte quiele quie yelaê huaca quie Jesucristo, benê naca Señor quiero. 15 Bichaê, bigalaêadyiêle ca ta psëdindoê leêe, laêachi diêidzaê bëêlëndoê leêe, laêachi diêidzaê bzundoê lëêë guichi useêelaêndoên laole. 16 Naca Señor quiero Jesucristo lënëê Xuziro Diuzi benê huen gula, nedyëêëyaquëê raêo, racalëyaquëê raêo tuzioli. Por nun quieyaquëê naca huen quiero rbezaro dza yeguida Jesucristo. Rulidzandoêyaquëê por leêe ta xelaêadyiêyaquëê leêe, lëscanê ta gapayaquëê leêe dyëêëdi, naê biusanle xneza Diuzi inaole huele puro tadyaêa.