2 Corintios 4

1 Quie lenaê biyeyatendoê como danê bë Diuzi tu cule quiendoê bdëênëê nëtoê ta huendoê tu dyin quienëê. 2 Bireêenndoê huendoê ta negachiê ta naca yelaê stuê. Birziêndoê yëê. Birguixogueêndoê ta binaca tali. Birguixogueêndoê ta birna diêidzaê laêiya quie Diuzi. Pues tuz ta naca tali rguixogueêndoê. Quie lenaê bisaqueê ina ja benëê nacandoê benê mala. Ca ta ruendoê, ruendoê lao Diuzi. 3 Pero rna ja benëê nacan zëdi ta tzioñeêejëê con cabëê rna diêidzaê quie Diuzi rguixogueêndoê. Rnajëê binacan quiejëê ta hue quieyaquëên. Pero benê gaca quie lao guiê gabila, lëjëê raquejëên zëdi rnajëê binacan quiejëê ta hue quieyaquëên. 4 Nun quie birue quieyaquëên, bë xanê taxiêibiê chula guichojëê cuenda bitzioñeêejëê con cabëê ina diêidzaê laêiya quie Diuzi, como danê lëdiêidzaê naê rguixogueên quie Cristo. Tuzi Cristo nacarëê benê balaêana, benê naca Diuzi guquëê benëê, blëêë yaca benëê lëbëê. 5 Cati rguixogueêndoê diêidzaê laêiya quie Diuzi, quele rguixogueêndoê ruendoê cuinndoê benê zÌe, dechanê rguixogueêndoê yaca benëê de que naca Jesucristo Señor quiero benê zÌe. Naêra ca raca quiendoê nacandoê ca benê rue dyin zÌan yuêu quiele nun quie nadyëêëndoê Jesús. 6 Naca Diuzi benê bë mandado dza naête ta galo guiê useniêna ga naca chula. Lëscanê naca Diuzi benê bzioñeêe raêo ca naca quienëê cuenda bira gaca guicho laxtaêoro ca guicho laxtaêo benê rda lao lato lao chula. Canaê bënëê quiero cuenda yeyuebëêro ca naca yelaê huaca quienëê. Pues lëyelaê huaca naêruen rseniêna lao Jesús raca titiên. 7 Pero tu ta naca huen gula, tu ta bzioñeêe Diuzi nëtoê, lenaê yuêun luêu guicho laxtaêondoê. Nacandoê ca nu yesoê yu ta bide fuerza valor quie. Lenaê ruluêen tali naca fuerza valor quiendoê fuerza valor quie Diuzi, cala quiendoê. 8 Baêalaêcazi de zëdi quiendoê con gatiê tezi rdandoê, biyelaête quiendoê. Baêalaêcazi rdëbindoê raquendoê, biyeyatendoê. 9 Baêalaêcazi rue ja benëê nëtoê bizinaquezi, biusanlaêadyiê Diuzi nëtoê. Baêalaêcazi quijëê nëtoê layu, bisuecazijëê gutijëê nëtoê. 10 Con gatiêtezi rdandoê raca quiendoê cabëê guca quie Jesús reêen ja benëê gutijëê nëtoê. Pero rute rusela Cristo nëtoê. Lenaê ruluêen zu Cristo nebannëê sëlënëê nëtoê, bibi raca quiendoê. 11 Pues yugu dza rdandoê lao yedyi layu ruen zÌudyi guti ja benëê nëtoê nun quie nacandoê benê quie Jesús. Canaê raca quiendoê, como danê cati bihue ja benëê gan gutijëê nëtoê, hualëêë ja benëê zu Cristo racalënëê nëtoê. Lente bëêëlaê zÌubaê quiendoê ta yeyudyi yedu quie, lenaê ruluêen naca Jesús benê run yelaê neban quiendoê yugu dza. 12 Nun quie rguixogueêndoê diêidzaê laêiya quie Diuzi, ruen zÌudyi guti ja benëê nëtoê. Pero para leêe, nun quie rguixogueêndoê diêidzaê laêiya quie Diuzi, de yelaê neban quiele tuzioli. 13 Rnën lëêë guichi laêiya quie Diuzi cani: “Rzudyiêiliaê con cabëê rna Diuzi. Quie lenaê rguixoguiêa ja benëê diêidzaê laêiya quienëê.” Lëscanê canaê naca quiendoê. Tuzcazi naca pensari quiendoê len pensari quie benê bzu diêidzaê lëêë guichi laêiya dza naête. Rzudyiêilëndoê Diuzi. Quie lenaê rguixogueêndoê benëê ja diêidzaê laêiya quienëê. 14 Canaê rnandoê nun quie danê nezindoê dyëêëdi Diuzi psebannëê Jesús. Lëscanaê nezindoê dyëêëdi usebannëê raêo nun quie danê nacalëro Jesús tuzÌe. Canaê yeziênëê raêo ta tzesulëronëê guibá ga zuëê. 15 Huaca huen quiele cabëê uzÌacandoê nëtoê, porque cati huelaêiya Diuzi benê zë, lëscanê benê zë gaca yëbijëê Diuzi diuxcalenëê. Canaê huejëê Diuzi benê zÌe. 16 Quie lenaê biyeyatendoê. Baêalaêcazi reyudyi redu fuerza valor quie bëêëlaê zÌubaê quiendoê, pero yugu dza rudzeê Diuzi fuerza valor quienëê luêu guicho laxtaêondoê. 17 Ca naca dza rdaro lao yedyi layu, laêacazi yedzagalaotzeguero, lëêëtiêzi raca quiero nun quie danê cati yeziê Diuzi raêo, caora naê yeyaca dyaêa te tela laohue quiero. 18 Pues cala rzëlaêadyiêro gaca quiero ta de lao yedyi layu, dechanê tahuen hue Diuzi quiero guibá ga zunëê, lenaê rzëlaêadyiêro gaca quiero. Canaê huero como danê ca naca ta de lao yedyi layu, hueyudyi huedu quien, pero ca naca tahuen hue Diuzi quiero guibá ga zunëê, biyeyudyi biyedu quien.