2 Corintios 3

1 Cati rnandoêcanaê ¿ca bi pensari ruele? ¿Ruele pensari ruendoê cuinndoê benê zÌe? ¿O chi reêenle uluêendoê leêe tu guichi ga rnën nacandoê benê huen? ¿O chi reêenle inabandoê leêe tu guichi canaê cabëê rue bala ja benëê? 2 Bihuendoê canaê, como danê leêe cuinle nacale ca quie tu guichi ga rnën nacandoê benê huen. Con tuzi leêe, naêra gabira guichi rdziogue. Nacale ca quie tu guichi ta bë Diuzi bzunëên lëêë guicho laxtaêondoê cuenda ulaba yugulu benëê len inezijëê bi reêen inan. 3 Lëscanê nacale ca quie tu guichi ta bë cuin Cristo bënnëê nëtoê ta usedyinndoên. Binacale ca quie diêidzaê ta bzu benëê conlë tinta. Nacale ca quie diêidzaê ta bzu Diuzi neban lao naêa Bichi Be quienëê. Binacale ca quie diêidzaê ta bzu Diuzi lëêë tu yo naca tabla dza naê. Nacale ca quie diêidzaê ta bzu Diuzi lëêë guicho laxtaêondoê. 4 Nacan dulaêadyiêndoê cabëê rnandoê como danê lao naêa Cristo sudyiêilëndoê Diuzi. 5 Quele fuerza valor quiendoê cuinzindoê ruendoê ca mandado hue Diuzi nëtoê, dechanê lëbëê gunnëê fuerza valor quienëê ta huendoê yugulu ca ta inanëê huendoê. 6 Ulio Diuzi nëto ê ta huendoê dyin quienëê nun quie danê begaêntzaêolënëê raêo tacubi. Cala lao naêa ley bzu Diuzi lëêë yo dza naê begaêntzaêolënëê raêo tacubi, dechanê lao naêa Bichi Be quienëê, benê yuêu luêu guicho laxtaêoro. Ca naca ley bzu Diuzi lëêë yo, lëley rchugulina quiero gatiro. Pero ca naca Bichi Be quie Diuzi, lëbëê gunnëê yelaê neban quiero tuzioli. 7 Bzu Diuzi ley quienëê lëêë yo pcaênnëên lao naêa Moisés. Cati pcaênnëên lao naêa Moisés, caora naê guca titiêtzegue laohuëê. Tanto guca titiêtzegue laohuëê, biuzÌaqueê inaê yaca benê Israel laohuëê. Pero laêacazi guca titiêtzeguena, beyulacazin. Tanto nacan belao lëley naê, conlë xniê quie Diuzi bdyinnan, laêacazi rchugulina quiero gatiro, 8 pero mazara belaotzegue naca diêidzaê pcaên Bichi Be quie Diuzi para raêo. 9 Quie lenaê inaro: Chi guca ley naê belao dza naê, lëley naê rchugulina quiero gatiro, naêra nacara belaotzeguera lëdiêidzaê rguixogueên raêo ca rue Diuzi zunëê dispuesto ta ilëêënëê raêo benê laxtaêo yëri. 10 Lëley naê gucan belao dza naête, pero biutila ley naê conlë lëdiêidzaê rguixogueên raêo zuëê dispuesto ta ilëêënëê raêo benê laxtaêo yëri. Lenaê nacaran belaotzegue quele ca ley naê. 11 Pues chi lëley naê gucan belao dza naête, laêacazi tu chiêzi unabëêna, naêra belaotzeguera naca ta inabëê tuzioli. 12 Nun quie danê nezindoê nacan tali cabëê nandoê, quie lenaê birdzebindoê rguixogueêndoê xtiêidzaê Diuzi zacaêlao lao ja benëê. 13 Biruendoê nëtoê cabëê bë Moisés. Ptaconëê tu laêariê laonëê ta biilëêë ja benê Israel laohuëê cati beyulan bira guca titiên, porque decazide yeyulacazin. 14 Pero biuyoñeêe benê Israel, benê unitaê dza naê. Lëscanê naêa birioñeêe ja benê Israel cati rulabajëê lëêë guichi ga rguixogueên quie dza begaêntzaêolë Diuzi xuzixtaêojëê tiempote. Birioñeêejëê nun quie nechula guichojëê. Bineduba guichojëê tachula, como danê ruen zi inaoro xneza Cristo, naê yeduban. 15 Hasta lente naêa, cati rulaba benê Israel diêidzaê bzu Moisés lëêë guichi, nenechula guichojëê netzaêla rioñeêejëên. 16 Pero cati inaoro xneza Cristo, naê yeduba tachula guichoro. 17 Cristo naquëê Bichi Be quie Diuzi. Nu benê yuêu Bichi Be quie Diuzi naquëê libre. 18 Quie lenaê raêo yuguluro, como abeduba tachula guichoro, nacaro ca quie tu yaohuan rseniên guiê, pero guiê quie yelaê balaêana quie Cristo rseniêro. Canaê naca quiero yedyinro gacaro mazara ca naca Cristo, porque yugu dza raca quiero runnëê raêo yelaê balaêana quienëê. Canaê rue Cristo, benê naca Bichi Be quie Diuzi.